ᒨᓯᓯ ᓯᑕᒪᖏᑦ 18:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐸᐅᕐᖎᑦ ᐱᕈᑦᓯᐊᕐᑐᑦ ᓯᕗᓪᓕᕐᐹᑦ ᐱᕈᕐᑐᑦ ᓄᓇᖁᑎᖏᓐᓂᑦ, ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᕝᕕᑦ ᐱᑖᕆᓂᐊᕐᐸᑎᑦ. ᑕᒪᒃᑯᐊᓕᒫᑦ ᑐᒃᓯᐊᕐᓂᒃᑯᑦ ᓴᓗᒪᔪᑦ ᐃᓚᒌᖕᓂᑦᓯᓐᓂᑦ ᐱᔪᑦ ᓂᕆᖃᑕᐅᔪᓐᓇᕐᐳᑦ.

ᒨᓯᓯ ᓯᑕᒪᖏᑦ 18:13 Iomraidhean Croise

ᐊᑕᓃᑦ ᐂᑉᐸᖏᑦ 4:42

ᐊᖑᒻᒥᑦ ᑎᑭᑦᑐᖃᕐᐳᖅ ᐰᓕ-ᓴᓕᓴᒥᑦ, ᒎᑎᐅᑉ ᐃᓄᖁᑎᖓ ᑐᓂᓯᕕᒋᓪᓗᒍ ᓂᐊᖂᔭᒃᓴᓂᒃ ᓯᕗᓪᓕᕐᐹᒥᒃ ᐱᕈᕐᑐᕕᓂᕐᓂᒃ, ᐆᓯᒪᔪᓂᒃ ᓂᐊᖂᔭᓂᒃ ᐹᕐᓕᓂᒃ 20ᓂᒃ ᐱᕈᕇᕐᓯᒪᑦᓯᐊᕐᑐᓂᒡᓗ ᓂᐊᖂᔭᒃᓮᑦ ᓄᕗᖏᓐᓂᒃ ᐃᒃᐱᐊᕐᔪᖕᒦᑦᑐᓂᒃ, ᐃᓔᓴ ᐅᖃᕐᐳᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ.”

ᑯᕉᓂᑲ ᐂᑉᐸᖏᑦ 31:5

ᐱᖁᔭᕐᓗ ᑕᒪᓐᓇ ᑐᓂᔭᐅᖕᒪᑦ, ᐃᓴᕆᐊᓕᒥᐅᑦ ᑐᓂᓯᕗᑦ ᐅᓄᕐᑐᕐᔪᐊᓂᒃ ᓂᐊᖂᔭᒃᓴᓂᒃ ᐱᕈᕆᐊᕐᖓᕐᑐᕕᓂᕐᓂᒃ, ᕔᓂᓂᒡᓗ, ᐅᕐᓱᓂᒃ, ᐃᒍᑦᓴᐅᔮᕐᑐᓪᓗ ᓰᕐᓇᐅᑎᖏᓐᓂᒃ, ᐱᕈᕐᓰᕕᖕᓂᓗ ᐱᕈᕐᑐᕕᓂᓕᒫᓂᒃ; ᑐᓂᓯᕗᓪᓗ ᐅᓄᕐᑐᕐᔪᐊᓂᒃ ᑕᓪᓕᒪᐅᔪᐃᕈᑎᒥᖕᓂᒃ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:26

“ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ. “ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᔨᕆᒤᐊᐅᑉ ᐊᒡᓚᖏᑦ 24:2

ᓯᕗᓪᓕᖅ ᐃᕕᒐᖅ ᐱᒋᓕᒃᑕᖃᕐᐳᖅ ᐱᐅᔪᓂᒃ ᐱᕈᑲᐅᑎᒋᔪᕕᓂᕐᑎᑐᑦ ᑍᒤᑦᑐᓂᒃ, ᐃᕕᐅᔭᐅᓪᓕ ᐂᑉᐸᖓ ᐱᒋᓕᒃᑕᖃᕐᐳᖅ ᐱᐅᔪᓐᓃᕐᓂᑯᓂᒃ, ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 44:30

ᑲᑎᕐᓱᕐᑕᐅᔪᓕᒫᑦ ᓯᕗᓪᓕᕐᐹᖏᑕ ᐱᐅᓂᖏᓐᓂᒃ, ᐅᕙᓐᓄᓪᓗ ᑐᓂᔭᐅᔪᓕᒫᓂᒃ ᐊᑦᔨᒌᖏᑦᑐᓂᒃ, ᑐᓂᕐᕈᓯᕐᑎᑦᓯᔩᑦ ᐱᖃᕐᑐᒃᓴᐅᕗᑦ; ᓂᐊᖂᔭᓕᐅᕐᑕᐅᔪᓪᓗ ᓯᕗᓪᓕᕐᐹᖅ ᐆᑕᐅᔪᖅ, ᐊᖏᕐᕋᓯ ᓮᒻᒪᕐᑎᑕᐅᓯᒪᖁᓪᓗᒍ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᐱᖓᔪᖏᑦ 22:7

ᓯᕿᓂᕐᓕ ᓂᐱᒃᐸᑦ, ᑕᕝᕙ ᓴᓗᒻᒪᕐᓂᐊᕐᐳᖅ, ᓂᕆᔪᓐᓇᕐᓯᓂᐊᕐᐳᕐᓗ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑖᑦᓱᒪ ᓂᕿᒃᓴᕆᖕᒪᒋᑦ.

ᒨᓯᓯ ᐱᖓᔪᖏᑦ 23:17

ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᒪᕐᕉᖕᓂᒃ ᓂᐊᖂᔭᖕᓂᒃ ᐆᓯᒪᔫᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᓂᕐᒧᑦ ᑐᓂᕐᕈᓯᕐᓂᐅᑉ ᓴᓂᐊᒍᑦ. ᐆᓯᒪᔫᒃ ᑖᒃᑯᐊᒃ ᓴᓇᓯᒪᔭᕆᐊᖃᕐᐴᒃ ᓂᐊᖂᔭᒥᑦ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐳᕙᓪᓚᕐᓴᐅᑎᖃᕐᓗᓂᓗ ᑐᓂᕐᕈᑎᒋᔭᐅᔭᕆᐊᖃᕐᐴᒃ ᐱᕈᕐᑐᑦ ᓂᕿᒃᓮᑦ ᓯᕘᓪᓕᕐᐹᑦ ᑐᓂᕐᕈᑕᐅᓂᖏᓐᓂ ᐊᑕᓂᕐᒧᑦ.

ᒤᑲᐅᑉ ᐊᒡᓚᖏᑦ 7:1

ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᒨᓯᓯ ᑕᓪᓕᒪᖏᑦ 18:4

ᐊᒻᒪ ᑐᓂᓯᕕᐅᔪᒃᓴᐅᒋᕗᑦ ᐱᕈᕐᑎᑕᓯ ᑲᑎᑕᐅᒋᐊᓕᕐᑎᓪᓗᒋᑦ ᓯᕗᓪᓕᕐᐹᖏᓐᓂᒃ ᓂᐊᖂᔭᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐸᐅᖓᖏᑕ ᐅᕐᓱᒃᓴᖏᓐᓂᒃ, ᓰᐱᐅᓪᓗ ᒥᖅᑯᖏᓐᓂᒃ ᓴᓕᔭᐅᓂᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᕕᒋᔭᕆᐊᖃᕐᐸᓯ.

ᒨᓯᓯ ᑕᓪᓕᒪᖏᑦ 26:2

ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ.