ᒨᓯᓯ ᓯᑕᒪᖏᑦ 18:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᑦᔪᕐᓁᓐᓂᕐᐹᒥ ᓂᕆᔭᕆᐊᖃᕐᐳᓯ; ᐊᖑᑎᓕᒫᑦ ᓂᕆᔭᕆᐊᖃᕐᐳᑦ. ᑕᒪᓐᓇ ᐃᓕᑦᓯᓐᓄᑦ ᐃᑦᔪᕐᓁᑦᑑᖕᒪᑦ.

ᒨᓯᓯ ᓯᑕᒪᖏᑦ 18:10 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 42:13

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᒨᓯᓯ ᐱᖓᔪᖏᑦ 10:13

ᑖᓐᓇ ᓂᕆᓯᐅᒃ ᐃᑦᔪᕐᓁᑦᑑᑉ ᐃᓂᖓᓂ ᑖᓐᓇ ᓂᕿᒃᓴᕆᒐᕕᐅᒃ ᐃᕐᓂᕐᐱᓪᓗ ᓂᕿᒃᓴᕆᖕᒪᑦᔪᒃ ᑖᒃᑯᓇᓐᖓᑦ ᑐᓂᕐᕈᑎᓂᒃ ᐃᑯᐊᓪᓚᒃᑕᐅᓯᒪᔪᓂᒃ ᐊᑕᓂᕐᒧᑦ ᐃᓕᖓᖕᒪᑦ; ᑍᒫᒃ ᑕᕝᕙ ᐱᖁᕙᑦᓯ.

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 14:13

ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

ᒨᓯᓯ ᐱᖓᔪᖏᑦ 21:22

ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ;

ᒨᓯᓯ ᐱᖓᔪᖏᑦ 6:16

ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᐊᒥᐊᒃᑯᖓ ᓂᕆᔭᒃᓴᕆᕚᑦ, ᓂᕆᔭᐅᔭᕆᐊᖃᕐᐳᕐᓕ ᐳᕙᓪᓚᕐᓴᐅᑎᖃᖏᓪᓗᓂ ᐃᑦᔪᕐᓁᑦᑐᕕᖕᒥ; ᓂᕆᔭᕆᐊᖃᕐᐹᓪᓗ ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 6:18

ᐊᖑᑎᑦ ᐂᕉᓂᐅᑉ ᑭᖑᕚᖏᑦ ᓂᕆᔪᒃᓴᐅᕗᑦ. ᑕᒪᒃᑯᐊ ᐊᒥᐊᒃᑯᔭᐅᑦᔪᓯᐊᕆᖕᒪᒋᑦ ᑐᓂᕐᕈᑎᓂᑦ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ, ᑭᖑᕚᖏᑕ ᐊᑐᕐᓂᐊᕐᑕᖓ ᑭᖑᓪᓕᒃᓴᒥᖕᓄᑦ. ᓇᓪᓕᐊᑦ ᑖᒃᑯᓂᖓ ᐊᒃᑐᐃᔪᖅ ᐃᑦᔪᕐᓁᓕᓂᐊᕐᐳᖅ.”

ᒨᓯᓯ ᐱᖓᔪᖏᑦ 6:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 6:29

ᐊᖑᑎᓕᒫᑦ ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᑦ ᓂᕆᔪᓐᓇᕐᐳᑦ ᑖᑦᓱᒥᖓ. ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 7:6

ᐊᖑᑎᓂᑦ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᓐᓂᑦ ᓂᕆᔭᐅᔪᓐᓇᕐᐳᖅ, ᑭᓯᐊᓂᓕ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᕐᐳᖅ: ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ.

ᒨᓯᓯ ᓯᑕᒪᖏᑦ 18:11

“ᐅᕝᕙᑦᑕᐅᖅ ᐃᓕᑦᓯ ᐱᒋᓂᐊᕐᒥᔭᓯ: ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓃᑦ ᐃᓄᐃᑦ ᑐᓂᕐᕈᑎᕕᓂᖏᑦ, ᐃᓚᖃᕐᓗᑎᒃ ᐃᓴᕆᐊᓕᒥᐅᓂᑦ ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓂᖏᓐᓂᒃ; ᐃᓕᖕᓄᑦ ᑖᒃᑯᐊ ᑐᓂᓯᒪᕙᒃᑲ ᐃᕐᓂᑎᑦ ᐸᓂᑎᓪᓗ ᑐᓂᖃᓯᐅᑎᓪᓗᒋ ᑕᒪᒃᑯᓂᖓ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ. ᑐᒃᓯᐊᕐᓂᑯᑦ ᓴᓗᒻᒪᕐᓯᒪᔪᓕᒫᑦ ᐃᓚᒌᖕᓂᑦᓯᓐᓂ ᐱᔪᑦ ᓂᕆᖃᑕᐅᔪᓐᓇᕐᐳᑦ.

ᒨᓯᓯ ᓯᑕᒪᖏᑦ 18:9

ᑕᒪᓐᓇ ᐃᓕᑦᓯ ᐱᒋᓂᐊᕐᑕᓯ ᐃᑦᔪᕐᓁᓐᓂᕐᐹᓂᒃ ᐃᑯᒪᒧᑦ ᑐᓂᕐᕈᑕᐅᖏᑦᑐᓂᒃ ᑲᒪᔨᐅᓂᖅ: ᑍᒃᑯᐊᓕᒫᑦ ᑐᓂᕐᕈᑎᖏᓐᓂᒃ, ᓂᐊᖂᔭᒃᓴᓂᒡᓗ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑕᐅᔪᓂᒃ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ ᑐᓂᔭᖏᓐᓂᒃ. ᑖᒃᑯᐊ ᐃᑦᔪᕐᓁᓐᓂᕐᐹᖑᓂᐊᕐᐳᑦ ᐃᓕᑦᓯᓐᓄᑦ.