ᒨᓯᓯ ᓯᑕᒪᖏᑦ 16:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒥᑭᓗᐊᕐᐹ ᐃᓕᑦᓯᓐᓄᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓴᓂᕐᕙᒃᑎᓯᒪᖕᒪᓯ ᐃᓴᕆᐊᓕᒥᐅᑦ ᑲᑎᒪᔪᕐᔪᐊᖏᓐᓂᑦ, ᐃᒻᒥᓄᑦ ᖃᓂᑦᑑᑎᒻᒪᓯ, ᐊᑕᓂᐅᑉ ᑐᐱᕐᔪᐊᖓᓂᒃ ᑲᒪᔨᐅᑎᒻᒪᓯ, ᐃᓄᒋᐊᒃᑐᕐᔪᐊᖁᑎᖏᓐᓂᒡᓗ ᐱᔨᑦᓯᕐᑎᐅᑎᒻᒪᓯ;

ᒨᓯᓯ ᓯᑕᒪᖏᑦ 16:9 Iomraidhean Croise

ᒨᓯᓯ ᓯᕗᓪᓖᑦ 30:15

ᓕᐊᑉ ᑭᐅᕚ, “ᐅᐃᓐᓂᒃ ᐊᕐᓵᕐᓯᒪᒐᕕᖓ ᑕᒪᓐᓇᓕ ᓈᒻᒪᓐᖏᓛᖅ? ᒫᓐᓇᓕ ᐃᕐᓂᕐᒪ ᒫᓐᑐᕅᒃᓯ ᓇᓂᔭᖓ ᐊᕐᓵᓯᑦᔪᑎᒋᓇᓱᐊᓕᕆᕙᑦ.” ᕅᒋᓕᓗ ᐅᖃᕐᐳᖅ, “ᐃᕐᓂᕐᐱᑦ ᓇᓂᔭᖓ ᒫᓐᑐᕅᒃᓯ ᐅᕙᓐᓄᐊᕐᓂᐊᕈᕕᐅᒃ, ᐅᓐᓄᒃ ᔧᑯ ᓯᓂᖃᑎᒋᔪᓐᓇᕐᓂᐊᕐᐸᑦ.”

ᓴᒧᐃᓕ ᐂᑉᐸᖏᑦ 7:19

ᑍᒤᒃᑲᓗᐊᕐᒪᑦ ᓱᓕᓕ ᐊᖏᓂᕐᓴᒥᒃ ᐱᓇᓱᐊᓕᕆᕗᑎᑦ ᐊᑕᓃᖅ ᒎᑏ; ᐊᖏᕈᑎᖃᕐᐳᑎᑦ ᑭᖑᕚᓐᓄᑦ ᓯᕗᓂᕐᒥ ᑎᑭᑦᓱᒫᕐᑐᓄᑦ, ᑕᑯᑎᓪᓗᖓᓗ ᓯᕗᓂᕐᒥ ᑭᖑᕚᕇᖑᔪᒫᕐᑐᓂᒃ, ᐊᑕᓃᖅ ᒎᑏ!

ᑯᕉᓂᑲ ᐂᑉᐸᖏᑦ 35:3

ᓕᕔᑏᓪᓗ ᐅᖃᐅᑎᕔᑦ ᐃᓴᕆᐊᓕᒥᐅᓕᒫᓂᒃ ᐃᓕᓮᕙᒃᑐᑦ ᑖᒃᑯᐊ ᐃᑦᔪᕐᓁᑦᑐᒥᒃ ᐱᓇᓱᐊᕐᑐᑦ ᐊᑕᓂᕐᒧᑦ, “ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓ ᐃᑦᔪᕐᓁᑦᑐᖅ ᐃᒡᓗᒧᐊᕐᓯᐅᒃ ᓲᓗᒨᓂᐅᑉ ᑍᕕᑎᐅᑉ ᐃᕐᓂᖓᑕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ, ᓴᓇᓚᐅᕐᑕᖓ; ᐊᒡᔭᖃᑦᑕᕐᓂᐊᕈᓐᓃᕐᐸᓯ ᐃᕐᓱᒡᓗᒍ. ᒫᓐᓇᓕ ᐊᑕᓂᖅ ᒎᑎᓯ ᐱᔨᑦᓯᓕᕐᓯᐅᒃ ᐃᓴᕆᐊᓕᒥᐅᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 12:44

ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 7:13

ᐂᓮᐊᓯᓕ ᐅᖃᓕᕐᐳᖅ, “ᓈᓚᒋᑦᓯ, ᑍᕕᑎᒧᑦ ᑭᖑᕚᖑᔪᓯ! ᐃᓅᖃᑎᑦᓯᓐᓄᑦ ᕿᓄᐃᓵᕈᑕᐅᔪᓐᓇᕋᓱᒋᓗᐊᕈᑦᓯ, ᒎᑎᐅᓪᓕ ᕿᓄᐃᓵᕈᑎᒌᓐᓇᕐᓂᐊᓐᖏᓛᓰ?

ᐃᓯᑭᐊᓕᐅᑉ ᐊᒡᓚᖏᑦ 34:18

ᓂᕿᒃᓴᖃᑦᓯᐊᕐᑐᒥᒡᓕ ᓂᕆᓇᓱᒃᓗᓯ ᓈᒻᒪᒃᓯᕙᓐᖏᓚᓯ? ᓂᕿᒃᓴᓯᓗ ᐃᓚᖏᑦ ᑐᓪᓕᕋᕐᐸᒃᓗᒋᑦ; ᑲᑭᐊᒃᑐᒥᒡᓗ ᐃᒥᓚᐅᕐᓗᓯ, ᐃᒥᕇᕋᑦᓯ ᑐᓪᓕᕋᕐᓗᒍ ᐃᓱᕐᓯᑎᑉᐸᒃᐸᓯ.

ᐃᓯᑭᐊᓕᐅᑉ ᐊᒡᓚᖏᑦ 44:16

ᑖᒃᑯᐊᑐᐊᖅ ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕈᓐᓇᕐᑐᒃᓴᐅᕗᑦ, ᑐᓂᕐᕈᓯᕐᕕᖕᒥᓗ ᓵᒥ ᐱᓇᓱᐊᕈᓐᓇᕐᓗᑎᒃ ᐅᕙᓐᓄᑦ, ᑕᕝᕙᓂᓗ ᑲᒪᔨᐅᓗᑎᒃ.

ᒨᓯᓯ ᓯᑕᒪᖏᑦ 1:53

ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”

ᒨᓯᓯ ᓯᑕᒪᖏᑦ 16:13

ᐃᓕᖕᓄᑦ ᒥᑭᓗᐊᕐᐹ ᓄᓇᒥᑦ ᐱᕈᕐᑐᖃᑦᓯᐊᕐᑐᒥᑦ ᐊᔪᕐᓴᕐᓇᖏᑦᑐᒥᓪᓗ ᐊᐅᓪᓚᕐᑎᓚᐅᕋᑦᑎᒍᑦ, ᐃᓄᖃᖏᑦᑐᒥ ᑐᖁᖁᓪᓗᑖ, ᐊᖓᔪᖅᑳᕐᔪᐊᓪᓗ ᐃᕐᓂᖓᑐᑦ ᑍᒤᑦᓱᒪᓪᓗᑎᑦ ᐅᕙᑦᑎᓐᓄᑦ?

ᒨᓯᓯ ᓯᑕᒪᖏᑦ 16:8

ᒨᓯᓯᓗ ᑰᕋᒧᑦ ᐅᖃᕐᐳᖅ, “ᓈᓚᓚᐅᕆᑦᓯ ᓕᕔᑉ ᑭᖑᕚᖏᑦ:

ᒨᓯᓯ ᓯᑕᒪᖏᑦ 3:6

“ᓕᕔᑎᑦ ᑭᖑᕚᖏᑦ ᐅᕙᓐᓄᑦ ᖃᓂᒡᓕᑎᒃᑭᑦ, ᕾᑎᓪᓗᒋᓪᓗ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ, ᑖᑦᓱᒥᖓ ᐱᔨᑦᓯᖁᓪᓗᒋᑦ.

ᒨᓯᓯ ᓯᑕᒪᖏᑦ 3:9

ᐃᕝᕕᓪᓗ ᓕᕔᑎᑦ ᑐᓂᔭᕆᐊᖃᕐᐸᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ; ᑖᒃᑯᐊ ᓱᓇᒥᑦᓯᐊᕐᓗᒋᑦ ᑐᓂᔭᐅᖕᒪᑕ ᑖᑦᓱᒧᖓ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:3

ᐅᕙᖓᓕ ᐃᓕᑦᓯᓐᓄᑦ ᖃᐅᔨᓴᕐᑕᐅᒐᓗᐊᕈᒪ ᖃᓄᐃᒃᓴᓐᖏᓚᖓ ᐃᓄᐃᓪᓘᓐᓃᑦ ᐃᖅᑲᕐᑐᐃᕕᖏᓐᓂ; ᐅᕙᓐᓂᒡᓘᓐᓃᑦ ᐃᖅᑲᕐᑐᓐᖏᓚᖓ.

ᒨᓯᓯ ᑕᓪᓕᒪᖏᑦ 10:8

ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.

ᓴᒧᐃᓕ ᓯᕗᓪᓖᑦ 18:23

ᓴᐅᓕᐅᓪᓗ ᐱᔨᖏᑦ ᑍᒫᒃ ᑍᕕᑎᒧᑦ ᐅᖃᓚᐅᕐᐳᑦ. ᑍᕕᑎᐅᓪᓗ ᑭᐅᕔᑦ, “ᐅᖅᑭᑦᑑᓇᓱᒋᕕᓯᐅᒃ ᐊᖓᔪᖅᑳᕐᔪᐊᕐᒧᑦ ᓂᖓᐅᑖᕆᔭᐅᓗᓂ, ᑕᑯᒋᑦ ᐊᔪᕐᓴᕐᑑᔪᖓ ᐅᐱᓐᓇᕐᑑᓇᖓᓗ.”