ᒨᓯᓯ ᓯᑕᒪᖏᑦ 16:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 16:40 Iomraidhean Croise

ᐄᓱᕋᐅᑉ ᐊᒡᓚᖏᑦ 2:62

ᑖᒃᑯᐊ ᓇᓗᓁᕐᓯᒪᔫᒐᓗᐊᑦ ᑖᒃᑯᓄᖓ ᐃᓚᒌᒃᑐᑦ ᓇᓗᓁᕐᓯᒪᓂᖏᓐᓄᑦ ᑭᓯᐊᓂ ᓇᓗᓁᕐᑕᐅᔪᓐᓇᓚᐅᖏᒻᒪᑕ ᓯᕗᓕᕕᓂᖏᑕ ᓇᓗᓁᕐᓯᒪᓂᖏᓐᓂᒃ; ᑐᓂᕐᕈᓯᕐᑎᑦᓯᔨᐅᓂᖏᑦ ᐃᓚᒋᔭᐅᔪᓐᓇᓚᐅᓐᖏᓚᑦ ᑖᒃᑯᓄᖓ ᓇᓗᓁᕐᑕᐅᓯᒪᔪᓄᑦ ᓇᕐᕈᓇᕐᑑᓂᕋᕐᑕᐅᖕᒪᑕ.

ᐃᓐᖏᕈᑎᑦ 115:10

ᐃᓕᑦᓯ ᐂᕉᓂᒃᑯᑦ ᑭᖑᕚᖏᑦ, ᐊᑕᓂᖅ ᑕᑎᒋᓯᐅᒃ; ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 40:46

ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 43:19

ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.

ᒨᓯᓯ ᐱᖓᔪᖏᑦ 22:10

“ᑐᓂᕐᕈᓯᕐᑎᑦᓯᔨᐅᑉ ᐃᓚᒌᖕᓂᒃᑯᑦ ᓇᖕᒥᓂᕆᓐᖏᑕᖏᑦ ᓂᕆᔪᒃᓴᐅᓐᖏᓚᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑐᔪᕐᒥᐊᖏᓪᓘᓐᓃᑦ, ᐃᖅᑲᓁᔭᕐᑎᖏᓪᓘᓐᓃᑦ ᑐᓂᕐᕈᑎᕕᓂᕐᓂᒃ ᓂᕆᔭᕆᐊᖃᓐᖏᓚᑦ.

ᒨᓯᓯ ᓯᑕᒪᖏᑦ 1:51

ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 16:39

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᐃᓯᕐᓗᐊᕐᓂᑎᑦᓯᑦᔪᑎᑦ ᑲᓐᓄᔧᑦ ᓄᐊᑉᐰᑦ, ᐃᑯᐊᓚᓚᐅᕐᑐᑦ ᑐᓂᕐᕈᑎᒋᓚᐅᕐᑕᖏᑦ, ᑲᑦᔪᒃᑕᐅᓪᓗᑎᒃ ᑐᓂᕐᕈᓯᕐᕕᖕᒧᑦ ᐅᓕᓕᐊᖑᕗᑦ.

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᒨᓯᓯ ᓯᑕᒪᖏᑦ 3:38

ᐅᑯᐊᓗ ᑕᖕᒫᕐᓯᒪᔭᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᓵᖓᓂ ᑲᓇᖕᓇᖓᓂ, ᒨᓯᓯᓗ ᐂᕉᓂᓗ ᐃᕐᓂᖏᓪᓗ, ᐃᑦᔪᕐᓁᑦᑐᕕᖕᒥᒃ ᑲᒪᔨᐅᓗᑎᒃ, ᐃᓴᕆᐊᓕᒥᐅᓪᓗ ᐱᔭᕆᐊᖃᕐᑕᓕᒫᖏᓐᓂᒃ ᐱᓇᓱᐊᕐᓗᑎᒃ; ᑖᒃᑯᓄᖓᓕ ᐃᓚᐅᖏᓪᓗᓂ ᖃᒡᓕᓗᐊᕐᑐᖅ ᑐᖁᑕᒃᓴᐅᕗᖅ.

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.