ᒨᓯᓯ ᓯᑕᒪᖏᑦ 16:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᑖᒃᑯᐊ ᐆᒪᓪᓗᑎᒃ ᑲᑕᒃᐳᑦ ᐃᑎᕐᓴᒧᑦ ᐱᒋᔭᓕᒫᖏᓪᓗ; ᓄᓇᐅᓪᓗ ᒪᑐᑦᔪᑎᒋᕔᑦ, ᐊᓯᐅᓚᐅᕐᐳᑦ ᐃᓅᖃᑎᒌᒡᔪᐊᓂᑦ ᐃᓚᒋᔭᐅᔪᓐᓁᕐᓗᑎᒃ.

ᒨᓯᓯ ᓯᑕᒪᖏᑦ 16:33 Iomraidhean Croise

ᐃᓐᖏᕈᑎᑦ 141:7

ᓲᕐᓗ ᓄᓇ ᒪᒃᐱᕐᑎᕐᑕᐅᓪᓗᓂ ᐅᔭᕅᑦ ᓯᐊᒻᒪᕐᑎᕐᑕᐅᕙᖕᒪᑕ, ᑍᒫᒃᑕᐅᖅ ᑖᒃᑯᐊ ᓴᐅᓂᖏᑦ ᓯᐊᒻᒪᕐᑎᑕᐅᓂᐊᕆᕗᑦ ᑕᒫᓃᕐᕆᓕᕐᓗᑎᒃ ᐃᓗᕕᖃᕐᕕᐅᑉ ᖃᓂᖓᑕ ᓴᓂᐊᓂ.

ᐃᓐᖏᕈᑎᑦ 143:7

ᐊᑕᓃᖅ, ᒫᓐᓇ ᑐᐊᕕᕐᓗᑎᑦ ᑐᓴᓚᐅᓐᖓ! ᓂᕆᐅᒋᔭᒃᓴᖃᕈᓐᓃᕋᒪ ᑕᒤᑎᒍᑦ. ᑮᓁᑦ ᐃᔨᕐᓯᒪᓂᐊᕐᓇᒍ ᐅᕙᓐᓄᑦ, ᐃᓚᓕᐅᑎᖁᓇᖓ ᑐᖁᖓᔪᑦ ᐃᓂᖓᓄᑦ ᐊᒻᒧᐊᒃᓯᒪᔪᓄᑦ.

ᐃᓐᖏᕈᑎᑦ 55:15

ᑐᖁᒧᑦ ᑕᕝᕔᓐᓇᖅ ᑎᒍᔭᐅᓕᑦ; ᑐᖁᖓᔪᑦ ᐃᓂᖓᓄᑦ ᐂᓕᕐᓕᑦ, ᐱᐅᖏᑦᑐᓕᓂᐅᑉ ᐃᓂᒋᖕᒪᒋᑦ.

ᐃᓐᖏᕈᑎᑦ 55:16

ᐅᕙᖓᓕ, ᒎᑎ ᓂᓪᓕᐊᕕᒋᔪᒪᕙᕋ, ᐊᑕᓂᐅᓪᓗ ᓴᐳᑎᓂᐊᕐᐹᖓ.

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᐃᓐᖏᕈᑎᑦ 69:15

ᐃᒪᕐᒧᑦ ᖄᒥᑦᑐᒧᑦ ᐅᓗᑦᔭᐅᑎᓐᓂᐊᕐᓇᖓ, ᐃᑎᔪᕐᔪᐊᒧᓪᓗ ᐄᔭᐅᑎᑦᑍᓕᓐᖓ; ᐃᑎᕐᓵᓘᓪᓗ ᐹᖓ ᖁᓕᓐᓂ ᒪᑐᑎᑦᑍᓕᒍᒃ.

ᐃᓐᖏᕈᑎᑦ 9:15

ᐃᓅᖃᑎᒌᒡᔪᐊᑦ ᑭᕕᓯᒪᕗᑦ ᐃᑎᕐᓴᕐᔪᐊᕐᒧᑦ ᓴᓇᓯᒪᔭᒥᖕᓄᑦ; ᓄᓗᐊᓄᑦ ᓇᖕᒥᓂᖅ ᐃᔨᕐᓯᒪᔭᒥᖕᓄᑦ ᐃᑎᒐᖏᑦ ᓂᒐᕕᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 14:15

ᑲᑕᒃᑎᑕᐅᓯᒪᕗᑎᓪᓕ ᑐᖁᖓᔪᑦ ᐃᓂᖓᓐᓄᑦ, ᐃᑎᕐᓵᓘᑉ ᐃᑎᓂᕐᐹᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 14:9

“ᑐᖁᖓᔪᑦ ᓇᔪᒐᖓ ᐅᓇᓃᑦᑐᖅ ᐸᕐᓇᓕᕐᐳᖅ ᐃᓕᖕᓂᒃ ᐸᕐᕆᐊᕈᒪᓪᓗᓂ ᕾᓕᕈᕕᑦ, ᑐᖁᖓᔪᑦ ᑕᕐᓂᖏᑦ ᑐᐹᕐᓴᓕᕐᐰᑦ, ᐊᖓᔪᖅᑳᕐᔪᐊᕕᓃᑦ ᓄᓇᕐᔪᐊᕐᒥ; ᐃᒃᓯᕙᐅᑕᕐᔪᐊᒥᖕᓂᑦ ᓂᑯᕕᐅᖅᑲᓕᕐᐳᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᕐᔪᐊᕕᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 38:18

ᑐᖁᖓᔪᑦ ᐃᓂᖓᓐᓂ ᖁᔭᓕᕕᐅᔪᓐᓇᓐᖏᓚᑎᑦ, ᑐᖂᓪᓗ ᓂᕐᑐᕈᓐᓇᓐᖏᓛᑎᑦ; ᐃᑎᕐᓴᕐᔪᐊᕐᒦᑦᑐᑦ ᓱᖁᓯᔪᐃᓐᓂᕐᓂᒃ ᓂᕆᐅᒋᔭᒃᓴᖃᕈᓐᓇᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 31:14

ᑕᒪᑐᒪ ᑭᖑᓂᖓᒍᑦ ᓇᐹᕐᑐᖃᕐᓂᐊᕈᓐᓁᕐᐳᖅ ᑍᒫᒃ ᑕᑭᑎᒋᔪᒥᒃ ᓄᕗᔭᓄᑦ ᑎᑭᐅᑎᔪᓐᓇᕐᑐᒥᒃ, ᐃᒪᖃᑦᓯᐊᕐᑐᒥ ᐱᕈᕋᓗᐊᕈᑎᒃ ᑍᒫᒃ ᑕᑭᑎᒋᔪᖃᓚᐅᕐᓯᒪᑦᔮᔪᓐᓃᕐᐳᖅ; ᑐᖁᔪᒃᓮᓐᓇᐅᓕᕐᒪᑕ, ᓄᓇᕐᔪᐊᕐᒥᐅᑦ ᐃᓄᖏᑎᑐᑦ, ᑐᖁᖓᔪᑦ ᐃᓂᖓᓄᐊᕐᐸᒃᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 32:18

“ᐃᓅᑉ ᐃᕐᓂᖓ, ᐄᑦᔨᑉᑎᒥᐅᑦ ᐃᓄᒐᓴᒡᔪᐊᖏᑦ ᕿᐊᑦᔪᑎᒋᒃᑭᑦ, ᑐᖁᖓᔪᓪᓗ ᐃᓂᖓᓄᑦ ᐂᑎᓪᓗᒋᑦ, ᐃᓅᖃᑎᒌᒡᔪᐊᓄᑦ ᐱᔪᓐᓇᕐᑐᕐᔪᐊᖑᓚᐅᕐᑐᓄᑦ, ᓄᓇᕐᔪᐊᑉ ᐊᑖᓃᓕᕐᑐᓄᑦ, ᑐᖁᖓᔪᑦ ᐃᓂᖓᓂ:

ᐃᓯᑭᐊᓕᐅᑉ ᐊᒡᓚᖏᑦ 32:30

“ᐅᓐᓄᐊᑉ ᓇᓛᓂᒥᐅᑦ ᐊᖓᔪᖅᑳᕕᓂᓕᒫᖏᑦ ᑕᕝᕙᓃᒃᑭᕗᑦ ᐊᑕᖏᕐᓗᑎᒃ, ᓮᑐᓂᒥᐅᓕᒫᓪᓗ ᑲᓐᖑᓲᑎᒃᓴᖃᕐᓗᑎᒃ ᑐᖁᑕᐅᓚᐅᕐᑐᕕᓂᕐᓄᑦ ᐃᓚᒋᔭᐅᕗᑦ, ᐱᔪᓐᓇᕐᓂᓕᒫᒥᖕᓄᑦ ᑲᑉᐱᐊᓱᒃᑎᑦᓯᖃᑦᑕᐅᓚᐅᕐᑐᑦ; ᑭᐱᓯᒪᖏᑦᑐᓄᑦ ᐃᓚᒋᔭᐅᕗᑦ ᓴᕕᒡᔪᐊᓄᑦ ᑐᖁᑕᐅᓯᒪᔪᓄᑦ, ᑲᓐᖑᓲᑎᒃᓴᒥᖕᓂᒃ ᓇᒃᓴᕐᓗᑎᒃ ᑐᖁᓯᒪᔪᑦ ᐃᓂᖓᓃᖃᑕᐅᓕᕐᐳᑦ.

ᒨᓯᓯ ᓯᑕᒪᖏᑦ 16:32

ᓄᓇᐅᑉ ᖃᓂᓂ ᐂᑦᑕᕐᐹ ᐄᓪᓗᒋᓪᓗ, ᐃᒡᓗᒥᐅᖃᑎᓕᒫᖏᓪᓗ, ᑰᕋᐅᓪᓗ ᐊᖑᑕᐅᖃᑎᖏᑦ, ᐱᒋᔭᓕᒫᖏᓪᓗ.

ᒨᓯᓯ ᓯᑕᒪᖏᑦ 16:34

ᐃᓴᕆᐊᓕᐅᓪᓕ ᖃᓂᒋᔭᖓᓃᑦᑐᓕᒫᑦ ᕿᒫᕗᑦ ᓂᓪᓕᐊᓂᖏᓐᓂᒃ ᑐᓵᓕᕋᒥᒃ, ᐅᖃᕐᓗᑎᒡᓗ, “ᐅᕙᒍᑦᑕᐅᖅ ᓄᓇᒧᑦ ᐄᔭᐅᑦᑍᓕᑕ!”

ᒨᓯᓯ ᓯᑕᒪᖏᑦ 22:33

ᓯᐅᑎᖅᑯᕐᑐᔫᑉ ᑕᑯᒐᒥᖓ ᐱᖓᓱᐊᕐᑎᕐᓗᓂ ᐅᕙᓐᓂᑦ ᓴᖑᖃᑦᑕᖅᑲᐅᕗᖅ, ᐅᕙᓐᓂᑦ ᓴᖑᓇᓱᖃᑕᖃᐅᖏᑉᐸᑦ ᓱᓕᓪᓗᖓ ᒫᓐᓇ ᑐᖁᓯᒪᓕᕋᔭᕐᐸᒋᑦ ᑖᓐᓇ ᐆᒪᓗᓂ.”

ᒨᓯᓯ ᓯᑕᒪᖏᑦ 26:11

ᑭᓯᐊᓂᓕ ᑰᕋᐅᑉ ᕿᑐᕐᖓᖏᑦ ᑐᖁᓚᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.