31 ᑍᒫᒡᓗ ᑕᒪᒃᑯᓂᖓ ᐅᖃᕇᕐᑎᓪᓗᒍ, ᓄᓇ ᐊᑎᖏᓐᓂᑦ ᐊᕕᒃᐳᖅ,
ᓄᓇᕐᔪᐊᖅ ᖁᓪᓗᕈᒫᕐᐳᖅ ᓴᔪᒃᐱᓗᒡᓗᓂ ᖁᓪᓗᕐᓂᖏᓪᓗ ᐃᕐᐹᑎᕈᒫᕐᐳᑦ.
ᐊᑕᓂᕐᓕ ᓄᑖᒥᒃ ᐱᓚᐅᕐᓯᒪᖏᑦᑐᒥᒃ ᓴᖅᑭᑎᑦᓯᒃᐸᑦ, ᓄᓇᐅᑉ ᖃᓂᓂ ᐂᑦᑕᕐᐸᒍ ᑖᒃᑯᐊᓗ ᐄᓗᒋᑦ ᐱᒋᔭᓕᒫᖏᓪᓗ ᐃᑎᕐᓴᒧᑦ ᐆᒪᓗᑎᒃ ᑲᑕᒃᐸᑕ, ᑐᑭᓯᓂᐊᕐᐳᓯ ᑕᕝᕙ ᑖᒃᑯᐊ ᐊᑕᓂᕐᒥᒃ ᐊᑭᕋᕐᑐᓚᐅᕐᒪᑕ.”
ᓄᓇᐅᑉ ᖃᓂᓂ ᐂᑦᑕᕐᐹ ᐄᓪᓗᒋᓪᓗ, ᐃᒡᓗᒥᐅᖃᑎᓕᒫᖏᓪᓗ, ᑰᕋᐅᓪᓗ ᐊᖑᑕᐅᖃᑎᖏᑦ, ᐱᒋᔭᓕᒫᖏᓪᓗ.
ᐃᓄᐃᓪᓕ ᐂᕙᓕᕐᐳᑦ ᒨᓯᓯᒧᑦ ᐅᖃᕐᓗᑎᒃ, “ᑍᒪᓕ ᑐᖁᖃᑕᐅᓚᐅᕈᑦᑕ ᖃᑕᓐᖑᑎᕗᑦ ᑐᖁᑎᓪᓗᒋᑦ ᐊᑕᓂᐅᑉ ᓵᖓᓂ!
“ᐊᑖᑕᕗᑦ ᑐᖁᓚᐅᕐᒪᑦ ᐃᓄᖃᖏᑦᑐᒥ; ᐊᑕᓂᕐᒥᒡᓕ ᐊᑭᕋᕐᑐᑐᓂ ᐃᓚᒋᔭᐅᓚᐅᓐᖏᓚᖅ, ᑰᕋᒃᑯᓐᓂ ᐃᓚᐅᓚᐅᓐᖏᓚᖅ, ᓇᖕᒥᓂᕐᓕ ᐊᔪᕐᑐᓕᓂᕐᒥᓄᑦ ᑐᖁᓚᐅᕐᐳᖅ; ᐃᕐᓂᖃᓚᐅᕋᓂᓗ.
ᐃᖅᑲᐅᒪᒋᕗᓯ ᖃᓄᐃᓕᐅᓚᐅᕐᓂᖓᓂᒃ ᑖᑕᓂᒧᑦ ᐊᐱᕋᒧᓪᓗ, ᐃᓔᐊᐱᐅᑉ ᐃᕐᓂᖏᖕᓄᑦ ᕉᐱᓂᐅᑉ ᑭᖑᕚᖏᖕᓄᑦ. ᐃᓄᓕᒫᑦ ᑕᑯᓐᓇᕐᑎᓪᓗᒋᑦ ᓄᓇᕐᔪᐊᖅ ᐃᕐᐸᓚᐅᕐᒪᑦ ᑖᒃᑯᐊᓗ ᓄᓇᒧᑦ ᐄᔭᐅᓚᐅᕐᐳᑦ, ᐃᓚᓕᒫᖏᓪᓗ ᐃᓚᒋᓪᓗᒋᑦ, ᑐᐱᖏᓪᓗ, ᐱᔨᒋᔭᖏᓪᓗ ᐆᒪᔪᖁᑎᓕᒫᖏᓪᓗ, ᐃᓴᕆᐊᓕᒥᐅᑦ ᐊᑯᕐᖓᓐᓂᑦ.
ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.
