ᒨᓯᓯ ᓯᑕᒪᖏᑦ 16:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒨᓯᓯᓗ ᐅᖃᕐᐳᖅ, “ᒫᓐᓇ ᖃᐅᔨᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᑎᓕᓚᐅᕐᒪᖓ ᑕᒪᒃᑯᓂᖓ ᐱᓇᓱᐊᖁᓪᓗᖓ, ᓇᖕᒥᓂᖅ ᐃᓱᒪᒋᔭᓐᓂᒃ ᑍᒤᓕᐅᓚᐅᖏᓐᓇᒪ.

ᒨᓯᓯ ᓯᑕᒪᖏᑦ 16:28 Iomraidhean Croise

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒨᓯᓯ ᐂᑉᐸᖏᑦ 4:12

ᑍᒤᒻᒪᑦ ᑍᑯᓐᖓᓕᕆᑦ, ᐅᕙᖓ ᐅᖃᐅᓯᑎᑦ ᐃᓚᒋᓂᐊᕐᐸᒃᑲ ᐊᔪᕆᕐᑐᕐᓂᐊᕐᐸᒋᓪᓗ ᖃᓄᖅ ᐅᖃᕐᑐᒃᓴᐅᖕᒪᖔᕐᐱᑦ.”

ᒨᓯᓯ ᐂᑉᐸᖏᑦ 4:15

ᑖᑦᓱᒧᖓᓗ ᐅᖃᓪᓚᒃᑐᒃᓴᐅᕗᑎᑦ, ᑖᓐᓇ ᐅᖃᐅᓯᖃᕈᓐᓇᖁᓪᓗᒍ ᐅᖃᐅᓯᕆᔭᐅᖁᔭᕐᓂᒃ; ᐅᕙᖓ ᐅᖃᐅᓯᑎᑦ ᐃᓚᒋᓂᐊᕐᐸᒃᑲ, ᑖᑦᓱᒪᓗᑦᑕᐅᖅ ᐅᖃᐅᓯᖏᑦ ᐃᓚᒋᓂᐊᕆᕙᒃᑲ, ᐊᔪᕆᕐᑐᕐᓂᐊᕐᐸᒋᓪᓗ ᖃᓄᐃᓕᐅᕐᑐᒃᓴᐅᖕᒪᖔᕐᐱᑦ.

ᒨᓯᓯ ᐂᑉᐸᖏᑦ 7:9

“ᐰᕉᒧᑦ ᐅᖃᐅᑦᔭᐅᒍᑦᓯᒃ, ‘ᓱᓕᓂᑦᓯᖕᓂᒃ ᓇᓗᓁᕐᓯᓚᐅᕆᑦᓯᒃ ᑲᒪᓇᕐᑐᓕᓂᒃᑯᑦ.’ ᑕᕝᕙ ᐂᕉᓂᒧᑦ ᐅᖃᕐᑐᒃᓴᐅᕗᑎᑦ, ‘ᐊᔭᐅᑉᐱᐊᑦ ᐃᓕᓚᐅᕈᒃ ᐰᕉᑉ ᓵᖓᓄᑦ, ᖁᒡᓗᒋᐊᓐᖑᖁᓪᓗᒍ.’”

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:17

“ᐃᕝᕕᓪᓗ, ᐃᓅᑉ ᐃᕐᓂᖓ, ᐊᕐᓁᑦ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᑐᑦ ᐃᓅᖃᑎᕕᑦ ᐸᓂᖏᑦ, ᐃᓱᒪᑐᐃᓐᓇᕐᒥᖕᓂᒃ ᓇᓚᐅᑦᑍᓇᓱᖃᑦᑕᕐᑐᑦ; ᓵᓐᖓᓗᒋᑦ ᐅᖃᐅᑦᔪᓕᒃᑭᑦ

ᓴᑲᕅᐊᐅᑉ ᐊᒡᓚᖏᑦ 2:9

ᑖᒃᑯᐊ ᐊᑕᓂᐅᑉ ᓇᖕᒥᓂᖅ ᓱᒋᐊᕐᓂᐊᕐᐰᑦ, ᓯᐊᓛᕆᓚᐅᕐᑕᖏᓐᓂᓪᓘᓐᓃᑦ ᐊᒡᓛᑦ ᓵᓚᐅᔪᓐᓇᓕᕐᓗᑎᒃ ᑍᒤᓕᕐᐸᑦ ᑕᕝᕙ ᐃᓄᐃᑦ ᖃᐅᔨᔪᒫᕐᐳᑦ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓯᒪᖕᒪᖓ.”

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 24:13

‘ᐰᓚᒃ ᐃᒡᓗᒥᓂᒃ ᓯᐅᓪᕕᕆᓂᒃ ᒎᓗᓂᒡᓗ ᑕᑕᑦᑐᒥᒃ ᕾᑦᓯᒐᓗᐊᕐᐸᑦ, ᐊᑕᓂᐅᑉ ᐅᖃᐅᓯᕆᖁᔭᖓᑕ ᐅᖓᑖᓂ ᐅᖃᕈᓐᓇᓐᖏᓚᖓ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ ᐅᕙᖓ ᐃᓱᒪᒋᔭᓐᓄᑦ. ᐊᑕᓂᐅᑉ ᐅᖃᐅᓯᕆᖁᔭᖓᓂᒃ ᐅᖃᕆᐊᖃᓂᕋᓚᐅᓐᖏᓚᖔ’?

ᔪᐊᓇᓯᐅᑉ ᐊᒡᓚᖏᑦ 11:42

ᖃᐅᔨᒪᕗᖓᓕ ᑐᓴᑦᓮᓐᓇᕋᕕᖓ, ᑍᒫᒡᓕ ᐅᖃᕐᐳᖓ ᐅᑯᐊ ᐅᕙᓃᑦᑐᑦ ᐱᑦᔪᑎᒋᓪᓗᒋᑦ, ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.”

ᔪᐊᓇᓯᐅᑉ ᐊᒡᓚᖏᑦ 14:11

ᐅᒃᐱᕆᓯᓐᖓ ᐊᑖᑕᓐᓃᓐᓇᒪ, ᐊᑖᑕᓗ ᐅᕙᓐᓃᒻᒪᑦ; ᐊᔪᕈᑦᓯᓕ, ᐱᓂᐊᕐᓂᕆᔭᒃᑲ ᐱᓪᓗᒋᑦ ᐅᒃᐱᕆᓯᓐᖓ.

ᔪᐊᓇᓯᐅᑉ ᐊᒡᓚᖏᑦ 5:30

“ᐅᕙᓐᓃᓐᓇᖅ ᐱᔪᓐᓇᕐᓂᓐᓄᑦ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᓐᖏᓚᖓ; ᒎᑎᒥᑦ ᑐᓴᕐᑕᒃᑲ ᒪᓕᒃᓗᒋᑦ ᐃᖅᑲᕐᑐᐃᕗᖓ; ᑍᒤᒻᒪᑦ ᐃᖅᑲᕐᑐᐃᓂᕋ ᐊᑦᔨᒌᒃᑎᑦᓯᕗᖅ, ᓇᖕᒥᓂᖅ ᐱᔪᒪᔭᓐᓂᒃ ᐱᓇᓱᐊᖏᓐᓇᒪ ᑎᓕᔨᒪᓕ ᐱᔪᒪᔭᖓᓂᒃ ᐱᓇᓱᐊᕐᐳᖓ.

ᔪᐊᓇᓯᐅᑉ ᐊᒡᓚᖏᑦ 5:36

ᐅᕙᖓᓕ ᓇᓗᓁᕐᓯᓂᖃᕐᐳᖓ ᔪᐊᓇᓯᐅᑉ ᓇᓗᓁᕐᓯᓂᖓᓂᑦ ᐊᖏᓂᕐᓴᒥᒃ; ᐱᓂᐊᕐᓃᑦ ᐱᓂᐊᕐᓂᕆᔭᒃᑲ, ᐊᑖᑕᒪ ᕾᓚᐅᕐᐰᑦ ᐅᕙᓐᓄᑦ ᐱᓇᓱᐊᕐᑕᐅᖁᓪᓗᒋᑦ, ᑕᒪᒃᑯᐊ ᐱᓇᓱᐊᕐᓃᑦ ᐅᕙᓐᓂᒃ ᓇᓗᓁᕐᓯᕗᑦ ᓴᖅᑭᑎᑦᓯᓪᓗᑎᒡᓗ ᐊᑖᑕᒧᑦ ᑎᓕᔭᐅᓯᒪᓂᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 6:38

ᕿᓚᖕᒥᑦ ᑎᑭᓚᐅᕋᒪ, ᐱᔪᒪᔭᓐᓂᒃ ᐱᓇᓱᐊᕆᐊᕐᑐᕐᓇᖓ, ᑖᑦᓱᒪᓕ ᑎᓕᔨᒪ ᐱᔪᒪᔭᖓᓂᒃ ᐱᓇᓱᐊᕆᐊᕐᑐᕐᓗᖓ.

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”