ᒨᓯᓯ ᓯᑕᒪᖏᑦ 16:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓄᒋᐊᒃᑐᕐᔪᐊᑦ ᐅᖃᕐᕕᒋᕔᑦ ᐅᖃᕐᓗᓂ, “ᐅᑯᐊ ᐃᓄᐃᑦ ᐱᐅᖏᑦᑐᓕᔪᑦ ᑐᐱᖏᑦ ᕿᒪᒃᓯᐅᒃ! ᐱᒋᔭᖏᓐᓂᒡᓘᓐᓃᑦ ᐊᒃᑐᕐᓯᓂᐊᕋᓯ, ᓄᖑᑕᐅᖁᓇᓯ ᐊᔪᕐᑐᓕᓂᖏᓐᓄᑦ.”

ᒨᓯᓯ ᓯᑕᒪᖏᑦ 16:26 Iomraidhean Croise

ᒨᓯᓯ ᓯᕗᓪᓖᑦ 19:17

ᐊᐅᓪᓚᕈᑎᒐᒥᒋᓪᓗ, ᐂᖏᓖᒃ ᐅᖃᕐᐳᒃ, “ᕿᒫᒋᑦᓯ ᐃᓅᓂᐊᕋᑦᓯ; ᐅᑎᒧᑦ ᕿᕕᐊᕐᓂᐊᕋᓯ ᓇᕐᓴᒥᓗ ᑕᒫᓂ ᓄᖅᑲᕐᓂᐊᕋᓯ, ᖃᖅᑲᓄᓪᓕ ᕿᒫᒋᑦᓯ, ᑐᖁᖃᑕᐅᖁᓇᓯ.”

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 16:25

ᑕᕝᕙ ᒨᓯᓯ ᒪᑭᓐᓇᒥ ᐅᐸᒍᑎᕗᖅ ᑖᑕᓂᒧᑦ ᐊᐱᕋᒥᒧᓪᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑕ ᒪᓕᒃᐹᑦ.

ᒫᑎᐅᓯᐅᑉ ᐊᒡᓚᖏᑦ 10:14

ᓄᓇᓕᖕᓂᑦ ᑐᓐᖓᓱᒃᑎᑕᐅᖏᒃᑯᑦᓯ ᐅᖃᐅᓯᕆᔭᓯ ᓈᓚᒃᑕᐅᔪᒪᖏᑉᐸᑕ, ᑕᕝᕙᓐᖓᑦ ᐊᐅᓪᓚᕆᑦᓯ ᐃᑎᒐᑦᓯ ᓴᓂᖏᑦ ᑲᑕᒐᕐᑎᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:51

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓴᓃᑦ ᐃᑎᒐᖕᒥᖕᓂᑦ ᐲᔭᕐᐹᒃ ᐂᑯᓂᐊᒧᓪᓗ ᐊᐅᓪᓚᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:20

ᐲᑦᑐᕉᓯᐅᓪᓕ ᐅᖃᐅᑎᕚ, “ᑮᓇᐅᔭᑎᑦ ᐊᓯᕈᕐᑕᐅᖃᑎᒋᔭᒃᓴᕆᕙᑎᑦ, ᐃᓱᒪᖃᕋᕕᑦ ᒎᑎᐅᑉ ᑐᓂᕐᕈᑖᓂᒃ ᑮᓇᐅᔭᓄᑦ ᐱᑎᑕᐅᔪᓐᓇᕋᓱᒋᓪᓗᑎᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᒨᓯᓯ ᑕᓪᓕᒪᖏᑦ 13:17

ᓇᓪᓕᐊᓐᓂᒡᓘᓐᓃᑦ ᓄᖑᑕᐅᔪᒃᓴᐅᑎᓪᓗᒍ ᓱᒋᐊᕐᑕᐅᖁᔭᐅᔪᒥᒃ ᓇᖕᒥᓂᒃᓴᕆᔪᒪᓗᒍ ᑎᒍᓯᔪᒃᓴᐅᓐᖏᓚᑎᑦ ᐊᑕᓂᖅ ᓂᓐᖓᖕᓂᕐᔪᐊᒥᓂᑦ ᓴᖑᖁᓪᓗᒍ, ᓂᑲᒋᓗᓯᓗ. ᐃᓚᑦᓱᒋᓕᕐᓂᐊᕐᒪᓯ, ᐃᓄᒐᓴᒡᔪᐊᓐᖑᕐᑎᓪᓗᓯᓗ, ᑍᒫᒃ ᐊᖏᕈᑎᖃᕐᓯᒪᖕᒪᑦ ᓯᕗᓕᕕᓂᑦᓯᓐᓄᑦ,

ᑎᒧᑎᒧᑦ ᓯᕗᓪᓖᑦ 5:22

ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:4

ᑕᕝᕙ ᑐᓴᕆᕗᖓ ᓂᐱᒥᒃ ᕿᓚᖕᒥᑦ ᐅᖃᕐᑐᒥᒃ: “ᐃᓄᖁᑎᒃᑲ, ᑖᑦᓱᒪᓐᖓᑦ ᐊᓂᒋᑦᓯ, ᑖᑦᓱᒪ ᐊᔪᕐᑐᓕᓂᖏᓐᓂᒃ ᐃᓚᖏᐅᑎᖁᓇᓯ, ᑲᑉᐱᐊᓱᒃᑎᑕᐅᓂᒃᓴᖓᓂᒡᓗ ᐱᖃᑕᐅᖁᓇᓯ;