ᒨᓯᓯ ᓯᑕᒪᖏᑦ 15:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᑐᓂᕐᕈᑕᐅᔭᕆᐊᖃᕐᐳᖅ ᐃᓚᖃᕐᓗᓂ ᓂᐊᖂᔭᒃᓴᒥᒃ ᐆᒃᑑᑦ 3/10ᐄᕙᒥᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐃᓚᖃᕐᓗᒍ ᐅᕐᓱᒥᒃ ᐆᒃᑑᑦ 1/2ᕼᐃᓐᒥᒃ:

ᒨᓯᓯ ᓯᑕᒪᖏᑦ 15:9 Iomraidhean Croise

ᑯᕉᓂᑲ ᓯᕗᓪᓖᑦ 21:23

ᑕᕝᕙ ᐅᐊᕐᓇᓐ ᑍᕕᑎᒧᑦ ᐅᖃᕐᐳᖅ, “ᐱᑐᐃᓐᓇᓕᕈᒃ; ᐊᖓᔪᖅᑳᕐᔪᐊᕋ ᐊᑕᓂᕋ ᐱᓂᐊᓚᐅᕐᓕ ᐱᔪᒪᔭᒥᓂᒃ ᐱᐅᔫᓇᓱᒋᔭᒥᓂᒃ; ᑕᑯᒋᑦ, ᑐᓂᒃᑲᓐᓂᕐᐸᒋᑦ ᐊᖑᓴᓪᓗᕐᓂᒃ ᐆᑕᒃᓴᓂᒃ ᑐᓂᕐᕈᑎᒃᓴᐅᖁᓪᓗᒋᑦ, ᓯᖃᓪᓕᓯᕕᐅᓪᓗ ᐃᓚᒃᓴᖏᑦ ᕿᔪᐃᑦ ᓂᐊᖂᔭᒃᓮᑦ ᑐᓂᕐᕈᑎᒃᓴᐅᖁᓪᓗᒋᑦ; ᑕᒪᕐᒥᒃ ᑐᓂᕙᒃᑲ.”

ᓂᕼᐃᒤᐊᐅᑉ ᐊᒡᓚᖏᑦ 10:33

ᒪᑯᐊᑦᑕᐅᖅ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᑦ ᑐᓂᖃᑦᑕᕐᓂᐊᕐᐸᕗᑦ: ᓂᐊᖂᔧᑦ ᐃᑦᔪᕐᓁᑎᑕᐅᓯᒪᔪᑦ, ᐱᕈᕐᑐᕕᓃᓪᓗ ᖃᐅᑕᒫᑦ ᐊᑐᕐᑕᐅᔪᒃᓴᑦ, ᖃᐅᑕᒫᓪᓗ ᑐᓂᕐᕈᓯᕈᑎᒃᓴᑦ ᐆᑕᒃᓮᑦ, ᓴᐸᑎᒥᓗ ᑐᓂᔭᒃᓮᑦ, ᑕᖅᑭᓂᕋᑖᒥ ᓇᓪᓕᐅᓐᓂᕐᓯᐅᕈᑎᒃᓴᑦ, ᐊᓯᖏᓐᓄᓪᓗ ᓇᓪᓕᐅᓐᓂᕐᓯᐅᕈᑎᒃᓴᑦ, ᑐᓂᕐᕈᑎᒃᓴᓪᓗ ᐃᑦᔪᕐᓁᑦᑐᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓄᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᓄᑦ ᑐᓂᕐᕈᓯᕈᑎᒃᓴᑦ, ᒎᑎᐅᓪᓗ ᐃᒡᓗᖁᑎᖓᓂ ᐱᓇᓱᐊᕈᑎᒃᓴᓕᒫᓂᒃ ᑐᓂᓯᖃᑦᑕᕐᓂᐊᕐᐳᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 42:13

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 46:11

ᓇᓪᓕᐅᓐᓂᕐᓯᐅᕐᕖᑦ ᓇᓪᓕᐅᓯᒪᑎᓪᓗᒋᑦ ᐊᖑᓴᓪᓗᕐᒥᒃ ᑐᓂᕐᕈᓯᕐᓂᐊᕐᑎᓪᓗᒋᑦ ᓰᐱᐅᓪᓘᓐᓃᑦ ᐊᖑᓴᓪᓗᖓᓂᒃ ᓂᐊᖂᔭᒃᓮᑦ ᑐᓂᕐᕈᑕᐅᓂᐊᕐᑐᖅ ᖃᑦᑕᐅᔭᐅᑉ ᓇᑉᐸᓪᓗᐊᖓᑐᑦ ᐊᖏᑎᒋᔪᒃᓴᐅᕗᖅ, ᓄᕐᕋᐅᔭᕐᓂᒃ ᑐᓂᕐᕈᑎᖃᕐᑎᓪᓗᒋᑦ ᑐᓂᔪᓐᓇᕐᑕᓕᒫᒥᖕᓂᒃ ᑐᓂᓯᔪᒃᓴᐅᕗᑦ, ᐃᓚᖃᕐᑎᓪᓗᒋᑦ ᓇᐹᕐᑑᑉ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 46:15

ᑍᒫᒃ ᓄᕐᕋᐅᔧᑦ, ᓂᐊᖂᔭᒃᓮᓪᓗ, ᐸᐅᕐᖎᓪᓗ ᐅᕐᓱᖏᑦ ᐊᑕᓂᕐᒧᑦ ᐊᑐᐃᓐᓇᕈᕐᑕᐅᖃᑦᑕᕐᑐᒃᓴᐅᕗᑦ, ᐅᓪᓛᑕᒫᑦᓯᐊᖅ, ᐃᑯᐊᓚᑎᑕᐅᓗᑎᒃ ᑐᓂᕐᕈᑎᒃᓴᐅᖁᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 46:5

ᓰᐱᐅᑉ ᐊᖑᓴᓪᓗᖓᓂᒃ ᑐᓂᕐᕈᓯᓕᕈᓂ ᖃᑦᑕᐅᔭᐅᑉ ᓇᑉᐸᓪᓗᐊᖓᑐᑦ ᐊᖏᑎᒋᔪᒥᒃ ᓂᐊᖂᔭᒃᓴᒥᒃ ᐱᖃᓯᐅᑦᔨᔪᒃᓴᐅᕗᖅ, ᓄᕐᕋᐅᔭᕐᓂᒡᓗ ᑐᓂᕐᕈᓯᓕᕈᓂ ᑐᓂᖃᓯᐅᑎᔪᓐᓇᕐᑕᓕᒫᒥᓂᒃ ᑐᓂᖃᓯᐅᑦᔨᔪᓐᓇᕐᐳᖅ, ᑐᓂᕐᕈᑎᒋᔭᖏᑦ ᐃᓚᖃᕐᓗᑎᒃ ᖃᑦᑕᐅᔭᐅᑉ ᓇᑉᐸᓪᓗᐊᖓᑎᑑᕐᑐᒥᒃ ᓂᐊᖂᔭᒃᓴᒥᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 46:7

ᐊᖑᓴᓪᓗᕐᒥᒃ ᓰᐲᓪᓗ ᐊᖑᓴᓪᓗᖓᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᑦ ᖃᑦᑕᐅᔭᐅᑉ ᓇᑉᐸᓪᓗᐊᖓᓂᒃ ᓂᐊᖂᔭᒃᓴᒥᒃ, ᓄᕐᕋᐅᔭᕐᓂᒃ ᑐᓂᓯᓕᕈᓂ ᐃᓚᖃᖃᑦᑕᕐᑐᒃᓴᐅᕗᖅ ᐊᖓᔪᖅᑳᑉ ᑐᓂᔪᓐᓇᕐᑕᓕᒫᖏᓐᓂᒃ, ᐃᓚᖃᕐᑎᓪᓗᒋᑦ ᐸᐅᕐᖎᑦ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐱᖓᓱᑎᑐᑦ ᐊᖏᑎᒋᔪᓂᒃ ᓂᐊᖂᔭᒃᓴᓂᒡᓗ ᖃᑦᑕᐅᔭᐅᑉ ᓇᑉᐸᓪᓗᐊᖓᑎᑐᑦ ᐊᖏᑎᒋᔪᓂᒃ.

ᔪᐃᓕᐅᑉ ᐊᒡᓚᖏᑦ 1:9

ᓂᐊᖂᔭᒃᓴᒥᒃ ᕔᓂᒥᒡᓘᓐᓃᑦ ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᐊᑕᓂᐅᑉ ᐃᒡᓗᖓᓂ; ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᕿᒃᓵᓕᕐᐳᑦ ᑐᓂᕐᕈᑎᒃᓴᕐᑕᖃᕈᓐᓁᕐᒪᑦ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 6:14

“ᐅᑯᐊ ᑕᕝᕙ ᐱᖁᔧᑦ ᓂᐊᖂᔭᑦ ᑐᓂᕐᕈᑎᒃᓮᑦ ᐱᓪᓗᒋᑦ: ᐂᕉᓂᐅᑉ ᐃᕐᓂᖏᑦ ᑖᒃᑯᓂᖓ ᐊᑕᓂᐅᑉ ᓇᔪᒐᖓᓄᐊᕐᓯᔭᕆᐊᖃᕐᐳᑦ ᑐᓂᕐᕈᓯᕐᕕᖕᒧᑦ.

ᒨᓯᓯ ᐱᖓᔪᖏᑦ 7:37

ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ, ᓂᐊᖂᔭᓂᒃ ᑐᓂᕐᕈᓯᕐᓂᕐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓂᕐᒥᒃ, ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ ᑐᓂᕐᕈᓯᕐᓂᕐᒥᒃ, ᑎᓕᔭᐅᓂᖅ ᐱᓪᓗᒍ ᑐᓂᕐᕈᓯᕐᓂᕐᒥᒃ, ᐊᒻᒪᓗ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᓂᕐᒥᒃ,

ᒨᓯᓯ ᓯᑕᒪᖏᑦ 15:10

ᐃᒥᒐᒃᓴᒥᒃ ᐃᓚᖃᕆᐊᖃᕐᐳᖅ ᕔᓂᒥᒃ ᐆᒃᑑᑦ 1/2ᕼᐃᓐᒥᒃ, ᐃᑯᐊᓚᑎᓪᓗᒍ ᑐᓂᕐᕈᑎᒃᓴᐅᖁᓪᓗᒍ, ᑎᐱᑦᓯᐊᕆᒃᑑᓗᓂ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 15:8

ᑐᓂᕐᕈᓯᕐᓂᐊᕈᑦᓯᓕ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐆᑕᒃᓴᒥᒃ, ᐃᓚᔭᕆᐊᖃᕐᐳᖅ, ᐊᖏᕈᑎᒧᓪᓘᓐᓃᑦ ᑐᓂᕐᕈᑎᒋᓂᐊᕐᓗᒍ, ᓮᒻᒪᕐᑎᑕᐅᓂᕐᒧᓪᓗᓐᓃᑦ ᑐᓂᕐᕈᑎᒋᓗᒍ ᐊᑕᓂᕐᒧᑦ,

ᒨᓯᓯ ᓯᑕᒪᖏᑦ 28:12

ᐃᓚᖃᕐᓗᑎᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐆᒃᑑᑦ 3/10ᐃᕝᕙᒥᒃ, ᐅᕐᓱᒥᒃ ᐃᓚᖃᕐᓗᒍ ᐃᒻᒧᒃᓯᐅᒐᕐᒥᒃ ᑐᓂᕐᕈᓯᓕᕈᑦᓯ; ᓰᐱᒥᒃ ᐊᖑᓴᓪᓗᕐᒥᒃ ᑐᓂᕐᕈᓯᓕᕈᑦᓯ, 2/10ᐄᕝᕙᒥᒃ ᐊᖏᑎᒋᔪᒥᒃ ᓂᐊᖂᔭᒃᓴᒥᒃ ᐅᕐᓱᒥᒡᓗ ᐃᓚᖃᕐᓗᒍ;

ᒨᓯᓯ ᓯᑕᒪᖏᑦ 28:14

ᕔᓂ ᑖᒃᑯᓄᖓ ᑐᓂᕐᕈᑎᓄᑦ ᐃᓚᓕᐅᑎᔭᕆᐊᓕᒃ ᐊᖏᑎᒋᔭᕆᐊᖃᕐᐳᖅ ᐆᒃᑑᑦ 1/2ᕼᐃᓐᒥᒃ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ, 1/3ᕼᐃᓐ ᓰᐱᒧᑦ ᐊᖑᓴᓪᓗᕐᒧᑦ, 1/4ᕼᐃᓐ ᓰᐱᐅᑉ ᓄᕐᕋᖓᓄᑦ; ᑍᒫᒃ ᑕᖅᑭᑕᒫᕐᓯᐅᑎᒥᒃ ᑐᓂᕐᕈᓯᖃᕐᑕᕐᓂᐊᕐᐳᓯ ᐊᕐᕌᒍᓕᒫᖅ ᓈᓗᒍ.

ᒨᓯᓯ ᓯᑕᒪᖏᑦ 29:6

ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”

ᓴᒧᐃᓕ ᓯᕗᓪᓖᑦ 1:24

ᐃᕐᓂᖓᓗ ᐃᒻᒥᓂᒃ ᐱᔪᓐᓇᕐᓯᖕᒪᑦ, ᓮᓗᐊᒧᑦ ᐂᑦᔪᑎᕚ, ᓇᒃᓴᕐᓗᓂ ᐱᖓᓱᓂᒃ ᐊᕐᕌᒍᓕᖕᒥᒃ ᐃᒻᒧᒃᓯᐅᒊᑦ ᐸᖕᓂᖓᓂᒃ, ᐃᕕᐅᔭᕐᒦᑦᑐᒥᒡᓗ ᓂᐊᖂᔭᒥᒃ, ᕿᓯᖕᒥᒡᓗ ᕔᓂᒥᒃ ᑕᑕᑦᑐᒥᒃ; ᓴᒧᐃᓕᓗ ᒥᑭᔫᒐᓗᐊᕐᑎᓪᓗᒍ; ᐊᑕᓂᐅᑉ ᐃᒡᓗᖓᓄᐊᕈᑎᕚ ᓮᓗᐊᒧᑦ.