ᒨᓯᓯ ᓯᑕᒪᖏᑦ 15:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓇᓪᓕᐊᑦ ᑐᓂᕐᕈᓯᕐᑐᖅ ᐊᑕᓂᕐᒧᑦ ᐱᖃᓯᐅᑦᔨᔭᕆᐊᖃᕐᐳᖅ ᑐᓂᕐᕈᑎᒃᓴᒥᒃ ᓂᐊᖂᔭᒃᓴᒥᒃ ᐆᒃᑑᑦ ᐄᕙ 1/10ᒥᒃ ᓂᐊᖂᔭᒃᓴᖅ ᓯᖃᓕᓯᒪᑦᓯᐊᕐᓗᒍ ᐊᑯᓯᒪᓗᒍ ᐅᕐᓱᒥᒃ ᐆᒃᑑᑦ 1/4ᕼᐃᓐᒥᒃ;

ᒨᓯᓯ ᓯᑕᒪᖏᑦ 15:4 Iomraidhean Croise

ᐄᓱᕋᐅᑉ ᐊᒡᓚᖏᑦ 7:17

ᑍᒤᒻᒪᑦ, ᐃᒃᐱᒍᓱᑦᓯᐊᕐᓗᓯ ᑮᓇᐅᔧᑦ ᓂᐅᕕᐅᑎᒋᔭᒃᓴᕆᕙᓯ ᑲᒪᑦᓯᐊᕐᓗᓯ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓄᑦ, ᓰᐲᓪᓗ ᐊᖑᓴᓪᓗᖏᓐᓄᑦ, ᓰᐲᓪᓗ ᓄᕐᕋᐅᔭᖏᓐᓄᑦ, ᓂᐊᖂᔭᒃᓴᓄᑦ, ᕔᓂᓄᓪᓗ ᑐᓂᕐᕈᑎᒋᔭᐅᔪᒃᓴᐅᕗᑦ ᑐᓂᕐᕈᓯᕐᕕᖕᒧᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ.

ᒨᓯᓯ ᐂᑉᐸᖏᑦ 29:40

ᓯᕗᓪᓕᖅ ᓰᐱᐅᑉ ᓄᕐᕋᖓ ᑐᓂᕐᕈᑎᒋᓕᕈᕕᐅᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐅᖁᒤᓐᓂᖃᕐᑐᒥᒃ 1ᑭᓗᒍᕌᒻᒥᒃ ᐃᓚᔭᒃᓴᕆᕙᑦ ᓇᐹᕐᑑᓪᓗ ᐅᕐᓱᖓᓂᒃ ᐃᓚᓗᒍ 1ᓖᑕᒥᒃ. ᐸᐅᕐᖎᓪᓗ ᐃᑦᑎᖓᓂᒃ 1ᓖᑕᒥᒃ ᐊᖏᓂᓕᖕᒥᒃ ᖄᖓᒍᑦ ᑯᕝᕕᕆᔭᒃᓴᕆᕙᑦ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 46:14

ᐅᓪᓛᑕᒫᓪᓗ ᓂᐊᖂᔭᒃᓴᒥᒃ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ ᑐᓂᕐᕈᓯᕐᓃᑦ ᐃᓚᒃᓴᖏᓐᓂᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐊᖏᑎᒋᔪᒥᒃ ᐃᓚᓕᐅᑎᔪᒃᓴᒥᒃ ᓂᐊᖂᔭᒃᓴᒧᑦ ᑐᓂᕐᕈᓯᕈᑕᐅᓗᑎᒃ ᐊᑕᓂᕐᒧᑦ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ; ᑕᒪᑦᔭ ᑐᓂᕐᕈᓯᕐᓂᕐᒧᑦ ᐃᑯᐊᓚᑎᑕᒃᓴᒧᑦ ᒪᓕᒐᒃᓮᑦ ᐊᑐᕐᑕᐅᔪᒃᓴᐅᔪᑦ ᑍᒪᓐᖓᓕᒫᖅ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 2:1

“‘ᑐᓂᕐᕈᓯᕆᐊᕐᑐᕐᑐᖃᕐᐸᑦ ᓂᐊᖂᔭᒃᓴᓂᒃ ᐱᕈᕐᑐᓂᒃ ᐊᑕᓂᕐᒧᑦ ᑐᓂᕐᕈᑎᒃᓴᖓ ᓂᐊᖂᔭᒃᓴᐅᔭᕆᐊᖃᕐᐳᖅ ᓯᖃᓪᓕᓯᒪᑦᓯᐊᕐᓗᓂ, ᐅᕐᓱᒥᒃ ᑯᕝᕕᕆᓗᓂᐅᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓯᓐᓯᒥᒃ ᐃᓚᓗᓂᐅᒃ,

ᒨᓯᓯ ᐱᖓᔪᖏᑦ 2:15

ᐅᕐᓱᒥᒃ ᐃᓚᓗᒋᑦ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓐᓴᓐᓯᒥᒃ ᐃᓚᓗᒋᑦ.

ᒨᓯᓯ ᐱᖓᔪᖏᑦ 23:13

ᐃᓚᓗᒍ ᓂᐊᖂᔭᒥᒃ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐸᐅᕐᖎᑦ ᐅᕐᓱᖓᓂᒃ ᐃᓚᓗᒍ, ᑖᒃᑯᐊ ᑐᓂᔭᐅᔭᕆᐊᖃᕐᐳᖅ ᐃᑯᐊᓚᑦᓯᓂᒃᑯᑦ, ᑎᐱᖓ ᐊᑕᓂᐅᑉ ᒪᒪᕆᖕᒪᒍ. ᐃᓚᖃᕆᐊᖃᕆᕗᖅ ᐃᒥᒐᒃᓴᒥᒃ ᑐᓂᕐᕈᑎᒥᒃ ᕔᓂᒥᒃ 1ᓖᑕᒥᒃ ᐊᖏᓂᖃᕐᑐᒥᒃ.

ᒨᓯᓯ ᐱᖓᔪᖏᑦ 3:7

ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐊᑕᓂᐅᑉ ᓵᖓᓄᐊᕐᑕᒃᓴᕆᕚ.

ᒨᓯᓯ ᐱᖓᔪᖏᑦ 6:14

“ᐅᑯᐊ ᑕᕝᕙ ᐱᖁᔧᑦ ᓂᐊᖂᔭᑦ ᑐᓂᕐᕈᑎᒃᓮᑦ ᐱᓪᓗᒋᑦ: ᐂᕉᓂᐅᑉ ᐃᕐᓂᖏᑦ ᑖᒃᑯᓂᖓ ᐊᑕᓂᐅᑉ ᓇᔪᒐᖓᓄᐊᕐᓯᔭᕆᐊᖃᕐᐳᑦ ᑐᓂᕐᕈᓯᕐᕕᖕᒧᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 28:12

ᐃᓚᖃᕐᓗᑎᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐆᒃᑑᑦ 3/10ᐃᕝᕙᒥᒃ, ᐅᕐᓱᒥᒃ ᐃᓚᖃᕐᓗᒍ ᐃᒻᒧᒃᓯᐅᒐᕐᒥᒃ ᑐᓂᕐᕈᓯᓕᕈᑦᓯ; ᓰᐱᒥᒃ ᐊᖑᓴᓪᓗᕐᒥᒃ ᑐᓂᕐᕈᓯᓕᕈᑦᓯ, 2/10ᐄᕝᕙᒥᒃ ᐊᖏᑎᒋᔪᒥᒃ ᓂᐊᖂᔭᒃᓴᒥᒃ ᐅᕐᓱᒥᒡᓗ ᐃᓚᖃᕐᓗᒍ;

ᒨᓯᓯ ᓯᑕᒪᖏᑦ 28:4

ᓰᐱᐅᑉ ᓄᕐᕋᖓ ᐊᑕᐅᓯᖅ ᐅᓪᓛᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᓰᐱᐅᓪᓗ ᓄᕐᕋᖓᑕ ᐂᑉᐸᖓ ᐅᓐᓄᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ,

ᒨᓯᓯ ᓯᑕᒪᖏᑦ 29:6

ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”

ᒨᓯᓯ ᓯᑕᒪᖏᑦ 7:13

ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐰᑦ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ;

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 9:9

ᓇᐹᕐᑐᖅ ᐅᕐᓱᒃᓴᓕᒃ ᑭᐅᕗᖅ, ‘ᐅᕐᓱᖅ ᐅᕙᓐᓂᑦ ᐱᔪᖅ ᓴᒃᑯᑕᒃᓴᕆᕙᕌ, ᑕᒪᑐᒨᓇ ᒎᑏᑦ ᐃᓄᐃᓪᓗ ᐅᐱᒋᔭᐅᑦᔪᑎᒃᓴᕆᕚᑦ, ᓇᐹᕐᑐᐃᑦ ᖁᓛᑦᑎᒍᑦ ᑕᑯᒃᓴᐅᖁᓪᓗᒍ ᐊᓄᕆᒧᑦ ᐊᐅᓚᔪᖅ?’