ᒨᓯᓯ ᓯᑕᒪᖏᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᒨᓯᓯ ᓯᑕᒪᖏᑦ 15:3 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᐄᓱᕋᐅᑉ ᐊᒡᓚᖏᑦ 7:17

ᑍᒤᒻᒪᑦ, ᐃᒃᐱᒍᓱᑦᓯᐊᕐᓗᓯ ᑮᓇᐅᔧᑦ ᓂᐅᕕᐅᑎᒋᔭᒃᓴᕆᕙᓯ ᑲᒪᑦᓯᐊᕐᓗᓯ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓄᑦ, ᓰᐲᓪᓗ ᐊᖑᓴᓪᓗᖏᓐᓄᑦ, ᓰᐲᓪᓗ ᓄᕐᕋᐅᔭᖏᓐᓄᑦ, ᓂᐊᖂᔭᒃᓴᓄᑦ, ᕔᓂᓄᓪᓗ ᑐᓂᕐᕈᑎᒋᔭᐅᔪᒃᓴᐅᕗᑦ ᑐᓂᕐᕈᓯᕐᕕᖕᒧᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ.

ᐃᓐᖏᕈᑎᑦ 54:6

ᐃᓱᒪᕐᓱᕐᓗᖓ ᑐᓂᕐᕈᓯᕐᕕᒋᓂᐊᕐᐸᒋᑦ ᖁᕕᐊᓱᒡᓗᖓ; ᐊᑏᑦ ᖁᔭᒋᓂᐊᕐᐸᕋ, ᐊᑕᓂᖅ, ᐱᐅᔫᖕᒪᑦ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:25

ᑕᕝᕙ ᑭᖑᓂᖓᒍᑦ ᑖᒃᑯᓇᓐᖓᑦ ᑎᒍᓗᒋᑦ, ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᑕᒃᓴᕆᕙᑎᑦ ᑐᓂᕐᕈᓯᐅᑎᒋᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᔪᓄᑦ ᐃᓚᓕᐅᑎᖁᓪᓗᒋᑦ, ᑕᒪᒃᑯᐊ ᑎᐱᖏᑦ ᒪᒪᕐᑑᖕᒪᑕ ᐊᑕᓂᕐᒧᑦ; ᑐᓂᕐᕈᓯᕈᑎᐅᓪᓗᑎᒡᓗ ᐃᑯᐊᓚᑦᓯᓂᒃᑯᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:41

ᐂᑉᐸᖓᓕ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᒃᓴᕆᕙᑦ ᐅᓐᓄᒃᑯᑦ, ᑐᓂᕐᕈᑎᒋᓕᕈᕕᐅᒃ ᑍᒫᑦᓮᓐᓇᖅ ᓂᐊᖂᔭᒃᓴᒥᒃ ᓯᖃᓪᓕᕐᓯᐊᕐᓯᒪᔪᒥᒃ ᐃᓚᔭᒃᓴᕆᕙᑦ, ᓇᐹᕐᑑᓪᓗ ᐅᕐᓱᖓᓂᒃ ᑍᒫᑦᓮᓐᓇᖅ, ᐸᐅᕐᖎᓪᓗ ᐃᑦᑎᖓᓂᒃ ᑍᒫᑦᓮᓐᓇᖅ ᐅᓪᓛᒃᑯᑦ ᑐᓂᕐᕈᑎᒋᖅᑲᐅᔭᕐᑐᑦ, ᑕᒪᑐᒪ ᑎᐱᖓ ᒪᒪᕐᑑᕗᖅ ᐊᑕᓂᕐᒧᑦ ᑐᓂᕐᕈᑕᐅᔪᖅ ᐃᑯᐊᓚᑎᑕᐅᓪᓗᓂ.

ᒨᓯᓯ ᐱᖓᔪᖏᑦ 10:13

ᑖᓐᓇ ᓂᕆᓯᐅᒃ ᐃᑦᔪᕐᓁᑦᑑᑉ ᐃᓂᖓᓂ ᑖᓐᓇ ᓂᕿᒃᓴᕆᒐᕕᐅᒃ ᐃᕐᓂᕐᐱᓪᓗ ᓂᕿᒃᓴᕆᖕᒪᑦᔪᒃ ᑖᒃᑯᓇᓐᖓᑦ ᑐᓂᕐᕈᑎᓂᒃ ᐃᑯᐊᓪᓚᒃᑕᐅᓯᒪᔪᓂᒃ ᐊᑕᓂᕐᒧᑦ ᐃᓕᖓᖕᒪᑦ; ᑍᒫᒃ ᑕᕝᕙ ᐱᖁᕙᑦᓯ.

ᒨᓯᓯ ᐱᖓᔪᖏᑦ 27:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓄᒃ ᐊᖏᕈᑎᒋᔭᒥᓂᒃ ᑐᓂᕐᕈᓯᕐᐸᑦ ᐊᑕᓂᕐᒧᑦ ᐃᓄᒃ ᑐᓂᔭᐅᓯᒪᑎᓪᓗᒍ, ᐃᓄᒃ ᐊᑭᓕᕐᑕᐅᔪᖅ ᕿᓚᕈᑦᔮᕐᑕᐅᔭᕆᐊᖃᕐᐳᖅ ᐊᑭᓪᓗᐊᖓᓂᒃ ᑮᓇᐅᔭᓂᒃ ᐊᑭᓕᕐᓗᒍ.

ᒨᓯᓯ ᐱᖓᔪᖏᑦ 7:16

“ᑭᓯᐊᓂᓕ ᑐᓂᕐᕈᑎᖃᕐᑐᖃᕐᐸᑦ ᐊᖏᕐᓯᒪᓂᓂ ᐱᑦᔪᑎᒋᓗᒍ, ᐅᕝᕙᓘᓐᓃᑦ ᑐᓂᕐᕈᓯᕆᐊᖃᕐᓂᕐᒧᑦ ᐃᓱᒪᒥᓂᒃ ᑐᓂᕐᕈᓯᕐᑐᖃᕐᐸᑦ, ᑐᓂᕐᕈᑎᖓ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ, ᐊᒥᐊᒃᑯᖃᕐᐸᓪᓗ ᐅᓪᓘᑉ ᐂᑉᐸᖓᓂ ᓄᖑᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 28:27

ᑐᓂᕐᕈᓯᕆᐊᖃᕐᐳᓯ ᐃᑯᐊᓚᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ ᐊᑕᓂᕐᒧᑦ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒃ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ,

ᒨᓯᓯ ᓯᑕᒪᖏᑦ 29:8

ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ.

ᒨᓯᓯ ᓯᑕᒪᖏᑦ 6:15

ᐃᕕᐅᔭᕐᒧᓪᓗ ᐴᕐᓯᒪᔪᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ, ᐊᒻᒪᓗ ᓂᐊᖂᔭᒃᓴᖅ ᒥᑭᔪᑎᐅᓂᕐᐹᖅ ᐅᕐᓱᒧᑦ ᐊᑯᓯᒪᓗᓂ ᓵᑦᑐᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓴᓇᓯᒪᔪᖅ, ᐅᕐᓱᒧᓪᓗ ᒥᖑᐊᕐᓯᒪᓗᓂ, ᐃᓚᖃᕐᓗᓂᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᓂᒃ ᐃᒥᕐᓂᒡᓗ ᑐᓂᕐᕈᑎᒃᓴᓂᒃ ᐃᓚᖃᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:15

᙭ᔅᑑᓯᐅᑉ ᑎᐱᑦᓯᐊᕆᒃᓴᐅᑎᒋᕚᑎᒍᑦ ᒎᑎᒧᑦ ᐱᐅᓕᔭᐅᓯᒪᔪᓄᑦ ᐊᓯᐅᔪᒫᕐᑐᓄᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:17

ᐊᑕᓂᕐᒧᓪᓕ ᑐᓂᕐᕈᑎᒃᓴᕆᔭᓯ ᓄᓇᒥ ᓇᔪᕐᑕᑦᓯᓐᓂ ᓂᕆᔭᒃᓴᕆᓐᖏᓚᓯ: ᑕᓪᓕᒪᐅᔪᐃᕈᑎᒋᒍᑦᓯᐅᒃ ᐱᕈᕐᑐᕕᓂᐅᒃᐸᑦ ᓂᐊᖂᔭᒃᓴᖅ, ᕔᓂᒃᓴᖅ, ᓇᐹᕐᑑᓪᓗ ᐱᕈᕐᑐᖓ ᐅᕐᓱᒃᓴᐅᒃᐸᑦ, ᐃᒻᒧᒃᓯᐅᒐᖁᑎᑦᓯᓗ ᕿᑐᕐᖏᕐᖓᐅᑎᒋᒃᐸᒍ ᓰᐱᖁᑎᑦᓯᓘᓐᓃᑦ, ᐊᑕᓂᕐᒧᑦ ᐊᖏᕈᑎᒋᓯᒪᒍᕕᐅᒃ ᑐᓂᕐᕈᑎᒃᓴᕆᔪᒪᓗᒍ, ᐃᓱᒪᕐᓱᕐᓗᑎᑦ ᑐᓂᔪᒪᔭᕐᓂᒃ ᑐᓂᕐᕈᓯᕐᓂᐊᕈᕕᑦ, ᐊᓯᖏᓐᓂᒡᓘᓐᓃᑦ ᑐᓂᕐᕈᑎᒃᓴᕆᔭᕐᓂᒃ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.