ᒨᓯᓯ ᓯᑕᒪᖏᑦ 15:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑕᐅᓯᕐᒥᒃ ᐱᖁᔭᖃᕐᓂᐊᕐᐳᓯ ᐱᔮᕆᓇᓂ ᐊᔪᕐᑐᓕᔪᒧᑦ, ᐃᓴᕆᐊᓕᒥᐅᓂ ᓄᓇᖃᖃᑕᐅᓗᓂ ᐃᓅᓚᐅᕐᑐᒧᑦ ᐊᓯᓂᓪᓗ ᓄᓇᒥᑦ ᐱᓯᒪᓗᓂ ᑖᒃᑯᓇᓂ ᓄᓇᖃᖃᑕᐅᔪᓄᑦ.”

ᒨᓯᓯ ᓯᑕᒪᖏᑦ 15:29 Iomraidhean Croise

ᐊᑕᓃᑦ ᓯᕗᓪᓖᑦ 8:41

“ᓱᓕᓗ ᓄᓇᖅᑲᑎᑐᖃᕆᓐᖏᑕᕗᑦ ᐃᓄᖁᑎᖕᓂᑦ ᐃᓴᕆᐊᓕᒥᐅᓂᑦ ᐱᓯᒪᖏᑦᑐᑦ ᑎᑭᖃᑦᑕᓕᕋᔭᕐᐳᑦ ᐅᖓᓯᒃᑐᒥᑦ ᐊᑏᑦ ᑎᑭᑦᔪᑎᒋᓗᒍ

ᒨᓯᓯ ᐂᑉᐸᖏᑦ 12:49

ᐊᑕᐅᓯᕐᒥᒡᓕ ᐱᖁᔭᖃᕐᑐᒃᓴᐅᕗᑦ ᐃᓚᒋᔭᓯᓗ ᐃᓚᒋᓐᖏᑕᓯᓗ ᐃᒡᓗᒥᐅᑕᓕᒫᓯ.”

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 17:15

“ᓇᓪᓕᐊᑦ ᐃᓴᕆᐊᓕᒥᐅᖅ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᓄᓇᖃᖃᑕᐅᔪᖅ ᓂᕆᒃᐸᑦ ᐆᒪᔪᕕᓂᕐᒥᒃ ᑐᖁᖓᔪᕐᓯᐊᕕᓂᕐᒥᓂᒃ ᐆᒪᔪᒧᑦ ᑐᖁᑕᐅᔪᕕᓂᕐᒥᒡᓘᓐᓃᑦ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐃᒥᕐᒧᓪᓗ ᑎᒥᓕᒫᓂ ᐅᐊᓴᕐᓗᒍ, ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ, ᑭᖑᕐᖓᓂ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 4:2

“ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ; ᓇᓪᓕᐊᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐊᑕᓂᐅᓪᓗ ᒪᓕᒐᒃᓴᐅᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑦ.

ᒨᓯᓯ ᓯᑕᒪᖏᑦ 15:15

ᒪᓕᒐᖃᕐᓂᐊᕐᐳᓯ ᐃᓕᑦᓯᓐᓄᑦ ᑲᑎᒪᔪᕐᔪᐊᓄᑦ ᓄᓇᐅᓪᓗ ᐊᓯᐊᓂᑦ ᐱᓯᒪᔪᓄᑦ, ᑍᒪᓐᖓᓕᒫᖅ ᒪᓕᒐᕆᓂᐊᕐᑕᓯ ᑭᖑᕚᕇᓂᑦ ᑭᖑᕚᕇᓄᑦ; ᐃᓕᑦᓯ ᑍᒤᑦᓴᕆᐊᖃᕐᓂᐊᕋᑦᓯ, ᑍᒫᒃᑕᐅᖅ ᓄᓇᐅᑉ ᐊᓯᐊᓂᑦ ᐱᓯᒪᔪ ᐱᔭᕆᐊᖃᕆᕗᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 15:28

ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᒃᒐᔭᕐᐹ ᐃᓄᒃ ᐱᔮᕆᓇᓂ ᐊᔪᕐᑐᓕᓚᐅᕐᑐᖅ, ᐱᔮᕆᓇᓂ ᐊᔪᕐᑐᓕᓚᐅᕐᐸᑦ ᐊᑕᓂᐅᑉ ᓵᖓᓂ, ᐃᓱᒪᒋᔪᓐᓁᕐᕕᐅᖁᓪᓗᒍ; ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᓯᑕᒪᖏᑦ 15:30

“ᐱᔮᕆᓗᓂᓕ ᐊᔪᕐᑐᓕᔪᖅ, ᐃᓴᕆᐊᓕᒥᐅᓂ ᐃᓅᓯᒪᒐᓗᐊᕈᓂ, ᓄᓇᐅᓪᓗ ᐊᓯᐊᓂᑦ ᐱᓯᒪᒐᓗᐊᕈᓂ, ᐊᑕᓂᕐᒥᒃ ᓇᕐᕈᓇᕐᑎᑦᓯᕗᖅ, ᑖᓐᓇ ᐃᓅᖃᑎᒥᓂᑦ ᐊᕕᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 9:14

“‘ᐃᓅᖃᑎᒋᓐᖏᑕᓯᓕ ᐃᓂᖃᕐᑐᖅ ᐊᑯᓐᓇᑦᓯᓐᓂ, ᐊᑕᓂᐅᑉ ᖄᖏᕐᑕᐅᕕᒃᓯᐅᑎᖓᓂᒃ ᓇᓪᓕᐅᓐᓂᕐᓯᐅᕈᒪᒃᐸᑦ, ᓇᓪᓕᐅᓐᓂᕐᓯᐅᕈᓐᓇᕐᐳᖅ ᖄᖏᕐᑕᐅᕕᐅᑉ ᐱᐅᓯᖏᑦ ᒪᓕᒡᓗᒋᑦ ᑐᒃᓯᐊᕐᓂᒃᑯᓪᓗ ᐱᐅᓯᖏᑦ ᒪᓕᒡᓗᒋᑦ; ᐊᑕᐅᓯᕐᒥᒃ ᒪᓕᒐᖃᕆᐊᖃᕐᐳᓯ, ᓂᐅᕐᕈᐊᓄᓪᓗ ᓄᓇᖃᕐᑐᑐᖃᕐᓄᓪᓗ.’”

ᓘᑲᓯᐅᑉ ᐊᒡᓚᖏᑦ 12:48

ᐱᔨᓕ ᖃᐅᔨᒪᖏᑦᑐᖅ ᐊᖓᔪᖅᑳᒥ ᐱᖁᔭᖓᓂᒃ, ᑏᒐᕐᑐᕐᑕᐅᑦᔪᑎᒃᓴᒥᒃ ᐱᓚᐅᕋᓗᐊᕐᓗᓂ ᒥᑭᔪᒥᒃ ᑏᒐᕐᑐᕐᑕᐅᔪᒫᕐᐳᖅ. ᐊᒥᓱᓂᒃ ᑐᓂᓯᕕᐅᔪᖅ ᐊᒥᓱᓂᒃᑕᐅᖅ ᐱᔪᒪᕕᐅᔪᒫᕐᐳᖅ; ᓱᓕ ᐊᖏᓂᕐᓴᑲᓐᓂᕐᓂᒃ ᑐᓂᓯᕕᐅᔪᖅ ᓱᓕ ᐊᖏᓂᕐᓴᑲᓐᓂᕐᓂᒃ ᐱᔪᒪᕕᐅᔪᒫᕐᐳᖅ.”

ᔮᓱᐊᑉ ᐊᒡᓚᖏᑦ 8:33

ᐃᓴᕆᐊᓕᒥᐅᓕᒫᑦ, ᐊᖓᔪᖅᑳᖏᓪᓗ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ, ᐃᓱᒪᓕᐅᕆᔩᓪᓗ ᓄᓇᓕᑐᖃᐅᖏᑦᑐᓪᓗ ᐃᓚᒋᔭᖏᑦ ᓇᖏᓚᐅᕐᐳᑦ ᐊᑭᓕᕇᒃᓗᑎᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᓴᓂᐊᓂ, ᓵᓐᖓᓪᓗᑎᒃ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐊᒡᔭᕐᓯᔪᓄᑦ ᑖᑦᓱᒥᖓ, ᐃᓄᐃᑦ ᐊᕝᕙᖏᑦ ᓇᖏᕐᐳᑦ ᖃᖅᑲᐅᑉ ᒋᕆᔨᐅᑉ ᓵᖓᓂ, ᐊᕝᕙᖏᓪᓗ ᖃᖅᑲᐅᑉ ᐄᐸᐅᑉ ᓵᖓᓃᓪᓗᑎᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᒪᒋᑦ ᓯᕗᓪᓕᕐᐹᒥᒃ, ᐃᓴᕆᐊᓕᒥᐅᓕᒫᑦ ᓮᒻᒪᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.