32 ᐃᓕᑦᓯᓕ, ᑎᒥᓯ ᐅᕐᕈᔪᒫᕐᐳᑦ ᐃᓄᖃᖏᑦᑐᒥ.
ᑍᒤᒻᒪᑦ ᓵᕝᕕᒋᓚᐅᕐᐰᑦ ᐅᕐᓕᕐᑐᕐᓗᒋᑦ, ᑐᖁᑎᑦᓱᒪᓪᓗᒋᑦ ᐃᓄᖃᖏᑦᑐᒥ,
ᓈᒻᒪᒃᓴᕋᓯ ᓂᓪᓕᐊᔪᓯ ᐅᕙᓐᓄᑦ, ᑎᒥᕕᓂᓯ ᐅᕐᕈᖓᔪᒫᕐᐳᑦ ᐃᓄᖃᖏᑦᑐᒥ, ᐃᓕᑦᓯ ᓈᓴᕐᑕᐅᓚᐅᕐᑐᓯ, ᐅᓄᕐᓂᓯ ᒪᓕᒡᓗᒋᑦ, ᐊᕐᕌᒍᓖᑦ 20ᓂᒃ ᐅᖓᑖᓂᓗ.
ᓈᓴᕐᑕᐅᔪᓂ ᑖᒃᑯᓇᓂ ᐊᖑᒻᒥᒃ ᐱᑕᖃᓚᐅᓐᖏᓚᖅ ᓈᓴᕐᑕᐅᖃᓯᐅᑎᔭᐅᓯᒪᔪᒥᒃ ᒨᓯᓯᐅᓪᓗ ᐂᕉᓂᐅᓪᓗ ᓈᓴᓚᐅᕐᑕᖏᓐᓂ, ᐃᓴᕆᐊᓕᒥᐅᑦ ᓈᓴᕐᑕᐅᑎᓪᓗᒋᑦ ᐃᓄᖃᖏᑦᑐᒥ ᓮᓁᒥ.
ᐊᑕᓂᐅᑉ ᐅᖃᐅᓯᕆᓚᐅᕐᒪᒋᑦ, “ᑐᖁᓪᓚᕆᒍᒫᕐᐳᖅ ᐃᓄᖃᖏᑦᑐᒥ.” ᑍᒤᒻᒪᑦ ᐊᒥᐊᒃᑯᖃᓚᐅᓐᖏᓚᑦ ᐅᑯᐊᑐᐊᖅ ᐊᒥᐊᒃᑰᓚᐅᕐᐴᒃ, ᑬᓚᐱ ᔨᐳᓂᐊᐅᑉ ᐃᕐᓂᖓ, ᔮᓱᐊᓗ ᓈᓂᐅᑉ ᐃᕐᓂᖓ.
ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ.
ᑍᒤᒃᑲᓗᐊᕐᑎᓪᓗᒋᓪᓕ ᐃᓚᖏᑦ ᒎᑎᐅᑉ ᖁᕕᐊᒋᓚᐅᓐᖏᓔᑦ, ᑍᒤᒻᒪᑦ ᓯᐅᕅᓐᓇᕐᒥ ᑎᒥᖏᑦ ᑐᖁᖓᐅᓕᓚᐅᕐᐳᑦ ᑕᒫᓂᑐᐃᓐᓇᖅ.
ᑭᓇᒃᑯᓐᓄᓪᓕ ᒎᑎ ᓂᓐᖓᐅᒪᓚᐅᕐᐸ ᐅᑭᐅᓂᒃ 40ᓂᒃ? ᑖᒃᑯᓄᖓᐅᓐᖏᓛᖅ ᐊᔪᕐᑐᓕᓚᐅᕐᑐᓄᑦ, ᑐᖁᑎᑕᐅᓚᐅᕐᑐᓄᑦ ᓱᓇᖃᔪᐃᑦᑐᒥ?
