ᒨᓯᓯ ᓯᑕᒪᖏᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓴᕆᐊᓕᒥᐅᓕᒫᓪᓗ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐃᓴᕆᐊᓕᒥᐅᓪᓗ ᑖᒃᑯᖕᓄᖓ ᐅᖃᕐᓗᑎᒃ, “ᑍᒪᓕ ᐄᑦᔨᑉᑎᐅᑉ ᓄᓇᖓᓂ ᑐᖁᓚᐅᕈᑦᑕ! ᐅᕝᕙᓘᓐᓃᑦ ᐃᓄᖃᖏᑦᑐᒥ ᑐᖁᓚᐅᕈᑦᑕ!

ᒨᓯᓯ ᓯᑕᒪᖏᑦ 14:2 Iomraidhean Croise

ᐊᑕᓃᑦ ᓯᕗᓪᓖᑦ 19:4

ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”

ᔫᐱᐅᑉ ᐊᒡᓚᖏᑦ 3:11

ᓱᖕᒪᓪᓕ ᑐᖁᓐᓂᓐᖏᓚᖓ ᐃᕐᓂᐊᖑᕋᑖᕐᓗᖓ? ᐊᓈᓇᒪ ᐃᒡᓕᐊᖓᓂᑦ ᐊᓂᓕᕐᓗᖓ ᑐᖁᔪᒃᓴᕕᓂᐅᒐᓗᐊᕐᑐᖓ.

ᐃᓐᖏᕈᑎᑦ 106:24

ᑕᕝᕙ ᓄᓇᑦᓯᐊᕚᓗᒃ ᓇᕐᕈᒋᓕᓚᐅᕆᕚᑦ, ᐊᖏᕈᑎᒋᓚᐅᕐᑕᖏᑦ ᐅᒃᐱᕆᓚᐅᓐᖏᓐᓇᒥᒋᑦ:

ᐃᓐᖏᕈᑎᑦ 106:25

ᑐᐱᕐᒥᖕᓃᖏᓐᓇᓚᐅᕐᐳᑦ ᓈᒻᒪᒃᓴᖏᓐᓂᕐᒧᑦ ᐅᖃᓗᕿᓪᓗᑎᒃ, ᐊᑕᓂᐅᓪᓗ ᓂᐱᖓᓂᒃ ᓈᓚᓚᐅᓐᖏᓚᑦ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᒨᓯᓯ ᐂᑉᐸᖏᑦ 14:11

ᒨᓯᓯᒧᓪᓗ ᐅᖃᕐᓗᑎᒃ, “ᐄᑦᔨᑉᑎᒥᐅᑦ ᓄᓇᖓᓐᓂ ᐃᓗᕕᕐᓯᕕᒃᓴᖃᖏᓐᓂᖓᓄᑦ ᒪᐅᖓ ᐃᓄᖃᖏᑦᑐᓕᐊᕈᑎᕕᑎᒎᑦ ᑐᖁᑕᐅᔭᕐᑐᖁᓪᓗᑖ? ᑕᒪᐅᓐᖓᐅᑦᔨᓚᐅᕐᓂᕐᓄᑦ ᑕᑯᒋᑦ ᐃᒤᑦᑑᒦᓕᕐᐳᒍᑦ!

ᒨᓯᓯ ᐂᑉᐸᖏᑦ 15:24

ᐃᓄᐃᓪᓗ ᓈᒻᒪᒃᓴᕋᑎᒃ ᒨᓯᓯᒧᑦ ᐅᖃᓕᕐᐳᑦ, “ᓇᑭᓪᓕ ᐃᒥᕐᓂᐊᓕᕐᐱᑖ?”

ᒨᓯᓯ ᐂᑉᐸᖏᑦ 17:3

ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”

ᔫᓇᐅᑉ ᐊᒡᓚᖏᑦ 4:3

ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᔫᓇᐅᑉ ᐊᒡᓚᖏᑦ 4:8

ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᒨᓯᓯ ᓯᑕᒪᖏᑦ 11:1

ᐃᓄᒋᐊᒃᑐᕐᔪᐊᓪᓕ ᐅᖁᒤᒃᓴᕐᓂᕐᒥᒃ ᓈᒻᒪᒃᓴᕋᑎᒃ ᓂᓪᓕᐊᓕᕐᒪᑕ, ᐊᑕᓂᖅ ᖁᕕᐊᓱᓚᐅᓐᖏᓚᖅ; ᐊᑕᓂᐅᑉ ᑐᓵᓚᐅᕐᒪᒋᑦ ᓂᓐᖓᐅᒪᓂᖓᓗ ᐊᐅᓚᑦᔭᒃᑕᐅᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᐃᑯᒪᖓ ᐃᑯᐊᓚᓚᐅᕐᐳᖅ ᐊᑯᓐᓂᖓᓐᓂ, ᑕᖕᒫᕐᓯᒪᕕᐅᓪᓗ ᓯᓚᑖᓂ ᐃᑯᐊᓪᓚᓚᐅᕐᐳᖅ.

ᒨᓯᓯ ᓯᑕᒪᖏᑦ 11:15

ᑍᒫᒃ ᐱᑎᓐᓂᐊᕈᕕᖓ, ᐊᑏ ᒫᓐᓇ ᐅᕙᓂ ᑐᖁᓕᓐᖓ, ᐃᓕᖕᓄᑦ ᖁᕕᐊᒋᔭᐅᒍᒪ, ᐊᔪᓕᓕᕐᓂᕐᒥᒃ ᑕᑯᑎᑦᑍᓕᓐᖓ!”

ᒨᓯᓯ ᓯᑕᒪᖏᑦ 11:5

ᐃᖅᑲᐅᒪᕙᕗᑦ ᐃᖃᓗᐃᑦ ᐊᒥᒐᕋᑎᒃ ᓂᕿᒋᓚᐅᕐᑕᕗᑦ ᐄᑦᔨᑉᑎᒥ, ᐱᕈᕐᑐᐃᓪᓗ ᓂᕆᕙᓚᐅᕐᑕᕗᑦ ᐊᑎᖃᕐᑐᑦ ᑭᐅᑲᒻᐳᕆᓂᒃ, ᒥᓚᓐᓂᒡᓗ, ᓖᑭᓂᒡᓗ, ᐂᓂᐊᓂᒡᓗ, ᒑᕐᓕᒡᓂᒡᓗ.

ᒨᓯᓯ ᓯᑕᒪᖏᑦ 14:1

ᑍᒤᒻᒪᑦ ᐃᓄᐃᑦ ᑍᑦᓱᒪᓂ, ᓂᐱᖅᑯᕐᑐᓪᓗᑎᒃ ᕿᐊᓕᓚᐅᕐᐳᑦ ᐅᓐᓄᐊᓕᒫᖅ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒨᓯᓯ ᓯᑕᒪᖏᑦ 16:13

ᐃᓕᖕᓄᑦ ᒥᑭᓗᐊᕐᐹ ᓄᓇᒥᑦ ᐱᕈᕐᑐᖃᑦᓯᐊᕐᑐᒥᑦ ᐊᔪᕐᓴᕐᓇᖏᑦᑐᒥᓪᓗ ᐊᐅᓪᓚᕐᑎᓚᐅᕋᑦᑎᒍᑦ, ᐃᓄᖃᖏᑦᑐᒥ ᑐᖁᖁᓪᓗᑖ, ᐊᖓᔪᖅᑳᕐᔪᐊᓪᓗ ᐃᕐᓂᖓᑐᑦ ᑍᒤᑦᓱᒪᓪᓗᑎᑦ ᐅᕙᑦᑎᓐᓄᑦ?

ᒨᓯᓯ ᓯᑕᒪᖏᑦ 16:41

ᖃᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᓕᒫᑦ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐅᖃᕐᓗᑎᒃ, “ᑐᖁᑦᓯᔪᓯᒃ ᐊᑕᓂᐅᑉ ᐃᓄᖁᑎᖏᓐᓂᒃ.”

ᒨᓯᓯ ᓯᑕᒪᖏᑦ 17:6

ᑍᒫᒃ ᒨᓯᓯᐅᑉ ᐃᓴᕆᐊᓕᒥᐅᑦ ᐅᖃᕐᕕᒋᓚᐅᕐᐰᑦ, ᓯᕗᓕᕐᑎᖏᑕ ᐊᑐᓂᑦ ᐊᔭᐅᑉᐱᐊᕐᒥᒃ ᑐᓂᓯᕕᒋᕚᑦ, ᓯᕗᓕᕐᑏᑦ ᐊᑐᓂᑦ ᓯᕗᓕᕕᓂᕐᑎᒃ ᒪᓕᒡᓗᒋᑦ, 12ᓂᒃ ᐊᔭᐅᑉᐱᐊᓂᒃ; ᐂᕉᓂᐅᑉ ᐊᔭᐅᑉᐱᐊᖓ ᐃᓚᒋᔭᐅᓚᐅᕐᐳᖅ.

ᒨᓯᓯ ᓯᑕᒪᖏᑦ 20:2

ᐃᒪᖃᓚᐅᓐᖏᓚᕐᓕ ᑕᕝᕙᓂ ᐃᓄᒋᐊᒃᑐᕐᔪᐊᑦ ᐃᒥᒃᓴᖓᓂᒃ; ᑲᑎᓚᐅᕐᐳᑦ ᐊᑭᕋᕐᑐᕈᒪᓪᓗᑎᒃ ᒨᓯᓯᒥᒃ ᐂᕉᓂᒥᒡᓗ.

ᒨᓯᓯ ᓯᑕᒪᖏᑦ 20:3

ᐃᓄᐃᓪᓕ ᐂᕙᓕᕐᐳᑦ ᒨᓯᓯᒧᑦ ᐅᖃᕐᓗᑎᒃ, “ᑍᒪᓕ ᑐᖁᖃᑕᐅᓚᐅᕈᑦᑕ ᖃᑕᓐᖑᑎᕗᑦ ᑐᖁᑎᓪᓗᒋᑦ ᐊᑕᓂᐅᑉ ᓵᖓᓂ!

ᒨᓯᓯ ᓯᑕᒪᖏᑦ 20:4

ᓱᖕᒪᑦ ᐊᑕᓂᐅᑉ ᑲᑎᒪᔪᖁᑎᖏᑦ ᑕᒪᐅᖓ ᐃᓄᖃᖏᑦᑐᒧᑦ ᐱᑎᑉᐱᒋᑦ, ᐅᕙᒍᑦ ᐆᒪᔪᖁᑎᕗᓪᓗ ᑐᖁᖁᓪᓗᑕ ᑕᒫᓂ?

ᒨᓯᓯ ᓯᑕᒪᖏᑦ 21:5

ᐃᓄᐃᓪᓗ ᓈᒻᒪᒃᓴᖏᓐᓂᕐᒥᒃ ᓂᓪᓕᐊᕗᑦ ᒎᑎᒧᑦ ᒨᓯᓯᒧᓪᓗ ᐅᖃᕐᓗᑎᒃ: “ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐱᑎᒍᑦ ᑐᖁᖁᓪᓗᑖ ᐃᓄᖃᖏᑦᑐᒥ? ᑕᒫᓂ ᓂᕿᒃᓴᖃᖏᒻᒪᑦ, ᐃᒪᖃᕋᓂᓗ, ᓂᕿᕗᓪᓗ ᐃᕿᐊᓐᖑᕐᐸᕗᑦ ᓂᕿᑐᕾᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:10

ᓈᒻᒪᒃᓴᖏᓐᓂᐊᕋᓯᑦᑕᐅᖅ ᑍᒃᑯᑎᑐᓇᖅ, ᑍᒃᑯᐊ ᐃᓚᖏᑦ ᓈᒻᒪᒃᓴᖏᓐᓇᒥᒃ ᑐᖁᑉ ᐂᖏᓕᖓᓄᑦ ᑐᖁᑕᐅᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 1:27

ᐃᓕᑦᓯᓐᓄᓪᓕ ᐅᖃᖃᑦᑕᐅᑎᓕᓚᐅᕐᐳᓯ: ‘ᐊᑕᓂᐅᑉ ᐆᒥᒋᒐᒥᑎᒍᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐹᑎᒍᑦ ᐊᒧᕅᑎᒥᐅᓄᑦ ᓵᓚᐅᑎᑦᓱᒪᓪᓗᑕ, ᑐᖁᑕᐅᖁᓪᓗᑕᓗ.

ᒨᓯᓯ ᑕᓪᓕᒪᖏᑦ 9:23

ᐊᑕᓂᐅᓪᓕ ᐊᐅᓪᓚᕐᑎᒻᒪᓯ ᑲᑎᓯ-ᐸᕐᓂᐊᒥᑦ ᑎᓕᔭᐅᓪᓗᓯ ᓄᓇᑖᕆᐊᕐᑐᖁᔭᐅᓪᓗᓯ ᐃᓕᑦᓯᓐᓄᑦ ᑐᓂᓯᒪᔭᖓᓂᒃ, ᐊᑕᓂᕐᒥᒃ ᒎᑎᑦᓯᓐᓂᒃ ᐊᑭᕋᕐᑐᓕᓚᐅᕆᕗᓯ; ᐅᒃᐱᕈᓱᖏᓐᓂᑦᓯᓐᓄᑦ ᑖᑦᓱᒥᖓ ᓈᓚᖏᓐᓂᑦᓯᓐᓄᓪᓗ.

ᐄᑉᕈᐃᓄᑦ 3:16

ᑭᓇᒃᑰᓚᐅᕐᐸᑦ ᑍᒃᑯᐊ ᑐᓴᓚᐅᕐᑐᑦ ᐊᑭᕋᕐᑐᓚᐅᕐᑐᓪᓗ? ᑖᒃᑯᐊᖑᓐᖏᓛᑦ ᒨᓯᓯᐅᑉ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᓕᒫᖏᑦ?

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.