ᒨᓯᓯ ᓯᑕᒪᖏᑦ 14:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᓯᕆᓂᐊᕐᐹᓪᓗ ᓄᓇᐅᑉ ᐅᐸᒐᓱᐊᕐᑕᑦᑕ ᐃᓄᖏᓐᓄᑦ. ᑐᓴᕐᓯᒪᖕᒪᑕ, ᐃᕝᕕᑦ ᐊᑕᓃᖅ, ᐃᓄᐃᑦ ᑖᒃᑯᐊ ᐃᓚᒋᒐᕕᒋᑦ; ᐃᕝᕕᓪᓗ ᐊᑕᓃᖅ ᑕᑯᕙᒃᑲᕕᒋᑦ ᑮᓇᕐᒥᑦ ᑮᓇᕐᒧᑦ ᓄᕗᔭᒧᓪᓗ ᖁᓚᖏᐊᖃᑦᑕᕋᕕᒋᑦ, ᓄᕗᔭᒧᓪᓗ ᓯᕗᓕᖃᑦᑕᕋᕕᒋᑦ ᐅᓪᓗᒃᑯᑦ ᐃᑯᐊᓚᔪᒧᓪᓗ ᐅᓐᓄᐊᒃᑯᑦ.

ᒨᓯᓯ ᓯᑕᒪᖏᑦ 14:14 Iomraidhean Croise

ᒨᓯᓯ ᓯᕗᓪᓖᑦ 32:30

ᔧᑰᓪᓗ ᓄᓇ ᑖᓐᓇ ᐊᑦᓯᕐᐹ ᐱᓂᐅᓪᒥᒃ ᐅᖃᕋᒥ, “ᒎᑎ ᑕᑯᓯᒪᕙᕋ ᑮᓇᕐᒥᑦ ᑮᓇᕐᒧᑦ, ᓱᓕᓕ ᐃᓅᓪᓗᖓ.”

ᓂᕼᐃᒤᐊᐅᑉ ᐊᒡᓚᖏᑦ 9:12

ᓄᕗᔭᒧᓪᓗ ᖁᒻᒧᖓᔪᒧᑦ ᑕᓯᐅᓚᐅᕐᐸᑎᑦ ᐅᓪᓘᑎᓪᓗᒍ, ᐅᓐᓄᒃᑯᓪᓗ ᖃᐅᒪᑎᓚᐅᕐᐸᑎᑦ ᐃᑯᒪᒧᑦ ᖁᒻᒧᖓᔪᒧᑦ ᐊᖅᑯᑎᖏᓐᓂ ᖃᐅᒻᒥᔮᖁᓪᓗᒋᑦ ᐃᖏᕐᕋᕕᒋᔭᒥᒃᑎᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 9:19

ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.

ᐃᓐᖏᕈᑎᑦ 105:39

ᑖᑦᓱᒪ ᓄᕗᔭ ᐃᓯᕕᓚᐅᕐᐹ ᐅᓕᒋᔭᐅᖁᓪᓗᒍ, ᐃᑯᒪᓗ ᖃᐅᒪᑎᑦᓯᖁᓪᓗᒍ ᐅᓐᓄᒃᑯᑦ.

ᐃᓐᖏᕈᑎᑦ 78:14

ᐅᓪᓘᑎᓪᓗᒍ ᑕᓯᐅᓚᐅᕐᐰᑦ ᓄᕗᔭᒃᑯᑦ, ᐅᓐᓄᐊᕐᓗ ᓈᓪᓗᒍ ᐃᑯᒪᒧᑦ ᐃᑯᐊᓚᔪᒧᑦ.

ᒨᓯᓯ ᐂᑉᐸᖏᑦ 15:14

ᐃᓄᐃᑦ ᑕᒪᑐᒥᖓ ᑐᓴᕋᒥᒃ, ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᖁᐊᕐᓵᑲᓪᓚᖕᓂᕐᒧᓪᓗ ᐱᓕᔅᑎᐊᒥᐅᑦ ᕿᒪᒃᓯᓚᐅᕐᐳᑦ.

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 33:16

ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

ᒨᓯᓯ ᐂᑉᐸᖏᑦ 40:38

ᑍᒫᓐᖓᓪᓕ ᐃᖏᕐᕋᓂᓕᒫᖏᓐᓂ ᐊᑕᓂᐅᑉ ᓄᕗᔭᖁᑎᖓ ᐅᓪᓗᒃᑯᑦ ᑐᐱᐅᑉ ᖁᓛᓃᑉᐸᓚᐅᕐᐳᖅ, ᐅᓐᓄᒃᑯᓪᓕ ᐃᑯᒪᐅᓕᖃᑦᑕᕐᓗᓂ, ᐃᓴᕆᐊᓕᒥᐅᓕᒫᓂᑦ ᑕᑯᔭᐅᖃᑦᑕᓚᐅᕐᐳᖅ.

ᒨᓯᓯ ᓯᑕᒪᖏᑦ 10:34

ᐊᑕᓂᐅᑉ ᓄᕗᔭᖓ ᐅᓪᓗᒃᑯᑦ ᖁᓛᓃᓚᐅᕐᐳᖅ ᑕᖕᒫᕐᓯᒪᕕᖕᒥᑦ ᐃᖏᕐᕋᑎᓪᓗᒋᑦ.

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᔪᐊᓇᓯᐅᑉ ᐊᒡᓚᖏᑦ 1:18

ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 14:9

ᔩᓱᓯᐅᑉ ᐅᖃᐅᑎᕚ, “ᐊᑯᓂᐊᓗᒃ ᓇᔪᓕᕐᐸᑦᓯ, ᓱᓕ ᖃᐅᔨᒪᓐᖏᓚᕐᒪ ᐱᓕᑉᐴᓯ? ᐅᕙᓐᓂᒃ ᑕᑯᓯᒪᔫᑉ ᐊᑖᑕ ᑕᑯᓯᒪᒋᕚ; ᓱᖕᒪᓪᓖ ᐅᖃᕐᐱᑦ, ‘ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ’?

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12

ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᒨᓯᓯ ᑕᓪᓕᒪᖏᑦ 1:19

“ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ,

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 5:24

ᐅᖃᕐᓗᑎᒡᓗ, ‘ᑕᑯᒋᑦ, ᐊᑕᓂᐅᑉ ᒎᑎᑦᑕ ᑕᑯᑎᑉᐹᑎᒍᑦ ᓂᕐᑐᕐᓇᕐᓂᕐᔪᐊᒥᓂᒃ ᐱᔪᓐᓇᕐᓂᕐᔪᐊᒥᓂᒡᓗ, ᓂᐱᖓ ᑐᓵᓕᕋᑦᑎᒍ ᐃᑯᒪᒥᑦ! ᐅᓪᓗᒥ ᑕᑯᕗᒍᑦ ᐃᓅᑉ ᓱᓕ ᐆᒪᔪᓐᓇᕐᓂᖓᓂᒃ, ᒎᑎᒧᑦ ᐅᖄᕕᐅᓯᒪᒐᓗᐊᕐᓗᓂ.

ᒨᓯᓯ ᑕᓪᓕᒪᖏᑦ 5:4

ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ.

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.