1 ᑍᒤᒻᒪᑦ ᐃᓄᐃᑦ ᑍᑦᓱᒪᓂ, ᓂᐱᖅᑯᕐᑐᓪᓗᑎᒃ ᕿᐊᓕᓚᐅᕐᐳᑦ ᐅᓐᓄᐊᓕᒫᖅ.
ᑐᐱᕐᒥᖕᓃᖏᓐᓇᓚᐅᕐᐳᑦ ᓈᒻᒪᒃᓴᖏᓐᓂᕐᒧᑦ ᐅᖃᓗᕿᓪᓗᑎᒃ, ᐊᑕᓂᐅᓪᓗ ᓂᐱᖓᓂᒃ ᓈᓚᓚᐅᓐᖏᓚᑦ.
ᑍᒤᓕᐅᕋᓗᐊᕐᒪᑦ ᓱᓕ ᐊᔪᕐᑐᓕᓚᐅᕐᐳᑦ; ᐅᒃᐱᕈᓱᓚᐅᓐᖏᓚᑦ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ.
ᐰᕉᓪᓕ ᐃᓄᐃᑦ ᐊᐅᓪᓚᖁᓕᕐᒪᒋᑦ, ᒎᑎᐅᑉ ᑕᓯᐅᓚᓐᖏᓔᑦ ᐱᓕᔅᑍᓂᒥᐅᑦ ᓄᓇᖓᒍᑦ, ᑕᒪᓐᓇᓕ ᖃᓂᒋᓈᓚᐅᕋᓗᐊᕐᐹᑦ; ᒎᑎ ᐅᖃᓚᐅᕐᒪᑦ, “ᐃᓄᐃᑦ ᐅᓇᑕᕐᑐᓂᒃ ᑕᑯᓕᕈᑎᒃ ᐃᓱᒪᖏᑦ ᓴᖑᒐᔭᕐᒪᑕ, ᐄᑦᔨᑉᑎᒧᓪᓗ ᐅᑎᑐᐃᓐᓇᕆᐊᖃᕐᓗᑎᒃ.”
ᐃᓄᐃᓪᓕ ᑕᒪᑐᒥᖓ ᑐᓴᕋᒥᒃ, ᐊᖏᔪᕐᔪᐊᒥᒃ ᕿᒃᓵᓕᕐᐳᑦ; ᐱᐅᓴᐅᑎᒐᓚᖕᓂᒡᓗ ᐊᑐᕐᑐᖃᕈᓐᓃᕐᓗᑎᒃ.
ᐋᓱᕆᐅᑉ ᑭᖑᕚᖏᓐᓂᑦ, ᓯᑐᕆ ᒤᑰᑉ ᐃᕐᓂᖓ;
ᑖᕙᓂ ᑕᑯᓚᐅᕐᐳᒍᑦ ᐃᓄᒃᐸᓂᒃ (ᐊᓇᑭᐅᑉ ᑭᖑᕚᖏᑦ ᐃᓄᒃᐸᓂᑦ ᐱᓯᒪᖕᒪᑕ); ᐅᕙᒍᓪᓕ ᖁᐱᕐᕈᑎᑐᑦ ᐱᒡᓕᕐᑕᐅᔮᕐᑐᑎᑐᑦ ᑍᒤᓚᐅᕐᐳᒍᑦ ᑕᐅᑐᒃᑕᑦᑎᒍᑦ, ᑍᒫᒃᑕᐅᖅ ᑍᒃᑯᓇᓐᖓᑦ ᑕᐅᑐᒃᑕᐅᓪᓗᑕ.”
ᐃᓴᕆᐊᓕᒥᐅᓕᒫᓪᓗ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐃᓴᕆᐊᓕᒥᐅᓪᓗ ᑖᒃᑯᖕᓄᖓ ᐅᖃᕐᓗᑎᒃ, “ᑍᒪᓕ ᐄᑦᔨᑉᑎᐅᑉ ᓄᓇᖓᓂ ᑐᖁᓚᐅᕈᑦᑕ! ᐅᕝᕙᓘᓐᓃᑦ ᐃᓄᖃᖏᑦᑐᒥ ᑐᖁᓚᐅᕈᑦᑕ!
“ᐃᓕᑦᓯᓕ ᑕᕝᕗᓐᖓᕈᒪᓚᐅᓐᖏᓚᓯ, ᐊᑕᓂᐅᓪᓗ ᒎᑎᑦᓯ ᐱᖁᔨᓂᖓ ᐊᑭᕋᕐᑐᓚᐅᕐᐸᓯ.
ᑕᕝᕙ ᐅᑎᕋᑦᓯ ᐊᑕᓂᕐᒧᑦ ᕿᐊᓪᓗᓯ ᑐᒃᓯᐊᓕᓚᐅᕐᐳᓯ ᐃᑲᔪᕐᑕᐅᔪᒪᓪᓗᓯ, ᑖᑦᓱᒪᓕ ᑐᓴᓚᐅᓐᖏᓛᓯ ᐅᖃᐅᓯᕆᔭᓯᓘᓐᓃᑦ ᐃᒃᐱᒋᓚᐅᓐᖏᓔᑦ.”
ᐊᑕᓂᐅᓪᓕ ᐊᐅᓪᓚᕐᑎᒻᒪᓯ ᑲᑎᓯ-ᐸᕐᓂᐊᒥᑦ ᑎᓕᔭᐅᓪᓗᓯ ᓄᓇᑖᕆᐊᕐᑐᖁᔭᐅᓪᓗᓯ ᐃᓕᑦᓯᓐᓄᑦ ᑐᓂᓯᒪᔭᖓᓂᒃ, ᐊᑕᓂᕐᒥᒃ ᒎᑎᑦᓯᓐᓂᒃ ᐊᑭᕋᕐᑐᓕᓚᐅᕆᕗᓯ; ᐅᒃᐱᕈᓱᖏᓐᓂᑦᓯᓐᓄᑦ ᑖᑦᓱᒥᖓ ᓈᓚᖏᓐᓂᑦᓯᓐᓄᓪᓗ.
ᐊᖑᑏᓪᓕ ᑍᒃᑯᐊ ᐱᖃᑎᒋᓚᐅᕐᑕᒃᑲ ᑲᑉᐱᐊᓱᓕᕐᑎᑦᓯᓚᐅᕐᐳᑦ ᐃᓄᖕᓂᒃ; ᐅᕙᖓᓕ ᓈᓚᑦᓯᐊᓚᐅᕐᐳᖓ ᐊᑕᓂᕐᒥᒃ ᒎᑎᓐᓂᒃ.
ᑕᕝᕙ ᑍᕕᑎᒃᑯᑦ ᐃᓚᖏᓪᓗ ᓂᐱᖃᕐᓗᑎᒃ ᕿᐊᓕᕐᐳᑦ, ᑭᐊᖏᓐᓇᓚᐅᕐᐳᓪᓗ ᑕᖃᓂᕐᒧᑦ ᕿᐊᔪᓐᓁᓪᓕᒐᒥᒃ ᑭᓯᐊᓂ ᓄᖅᑲᕐᓗᑎᒃ.
