ᒨᓯᓯ ᓯᑕᒪᖏᑦ 13:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᐅᓪᓚᕋᒥᒃ ᒨᓯᓯᒧᑦ ᐂᕉᓂᒧᓪᓗ ᐃᓴᕆᐊᓕᒥᐅᓄᑦ ᐅᑎᕐᐳᑦ, ᑲᑎᓯᒦᑦᑐᓄᑦ ᐃᓄᖃᖏᑦᑐᒥ ᐸᕌᓐᒥ; ᐅᓂᒃᑳᕐᓗᑎᒡᓗ ᐃᓄᖃᑎᒌᒡᔪᐊᓄᑦ, ᓄᓇᐅᓪᓗ ᐸᐅᕐᖓᖏᓐᓂᒃ ᑕᑯᑎᓪᓗᒋᑦ.

ᒨᓯᓯ ᓯᑕᒪᖏᑦ 13:26 Iomraidhean Croise

ᒨᓯᓯ ᓯᕗᓪᓖᑦ 14:7

ᑕᕝᕙᓐᖓᓪᓗ ᐅᑎᕆᐊᕐᓗᑎᒃ ᑲᑎᓯᒧᑦ ᑎᑭᓚᐅᕐᐳᑦ ᐃᓐᒥᓯᐹᑦᒧᑦ (ᑍᔭᐅᕙᓚᐅᕐᑐᖅ ᑲᑎᓯᒥᒃ), ᐊᒪᓕᑬᑎᓪᓗ ᓄᓇᓕᒫᖏᓐᓂᒃ ᐊᕐᓵᓚᐅᕐᐰᑦ, ᐊᒧᕅᑎᓪᓗ ᓄᓇᖃᕐᑐᑦ ᕼᐊᔭᔭᓐᒥ ᑕᒫᕆᒥ.

ᐃᓐᖏᕈᑎᑦ 29:8

ᐊᑕᓂᐅᑉ ᓂᐱᖓᑕ ᐃᓄᖃᔪᐃᑦᑐᖅ ᓴᔪᒃᑎᑉᐹ; ᐊᑕᓂᐅᑉ ᐃᓄᖃᔪᐃᑦᑐᖅ ᑲᑎᓯ ᓴᔪᒃᑎᑉᐹ.

ᒨᓯᓯ ᓯᑕᒪᖏᑦ 13:25

ᐅᑎᓚᐅᕐᐳᓪᓗ ᐃᔨᕋᕐᑐᕐᓗᑎᒃ ᓄᓇᒥᒃ ᕿᒥᕐᕈᔭᕐᑐᕐᓯᒪᓚᐅᕐᓗᑎᒃ ᐅᓪᓗᓂᒃ 40ᓂᒃ.

ᒨᓯᓯ ᓯᑕᒪᖏᑦ 13:3

ᑍᒤᒻᒪᑦ ᒨᓯᓯ ᑎᓕᓯᓚᐅᕐᐳᖅ ᐃᓄᖃᖏᑦᑐᒥᑦ ᐸᕌᓐᒥᒃ ᐊᑎᓕᖕᒥᑦ ᐱᓪᓗᑎᒃ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᑎᓕᔭᐅᔪᓕᒫᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᒋᕔᑦ.

ᒨᓯᓯ ᓯᑕᒪᖏᑦ 20:1

ᑕᕝᕙ ᐃᓴᕆᐊᓕᒥᐅᑦ, ᑲᑎᒪᔪᕐᔪᐊᓪᓗ ᐃᓘᓐᓇᑎᒃ, ᑎᑭᑉᐳᑦ ᐃᓄᖃᖏᑦᑐᒧᑦ ᔨᓐᒥᒃ ᐊᑎᓕᖕᒧᑦ ᑕᖅᑮᑦ ᓯᕗᓪᓕᕐᐹᖓᓂᒃ, ᓄᖅᑲᖓᓕᕐᓗᑎᒡᓗ ᓄᓇᒥ ᑲᑎᓯᒥᒃ ᐊᑎᓕᖕᒥ; ᒥᕆᐊᒻᓕ ᑕᕝᕙᓂ ᑐᖁᓚᐅᕐᐳᖅ ᑕᕝᕙᓂᓗ ᐃᓗᕕᕐᑕᐅᓪᓗᓂ.

ᒨᓯᓯ ᓯᑕᒪᖏᑦ 20:14

ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ,

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒨᓯᓯ ᓯᑕᒪᖏᑦ 32:8

ᓯᕗᓕᓯ ᑍᑦᓱᒪᓂ ᑎᓕᓚᐅᕋᒃᑭᑦ ᓄᓇᒥ ᑲᑎᓯ-ᐸᕐᓂᐊᒥᑦ ᓄᓇᒥᒃ ᕿᒥᕐᕈᔭᕐᑐᓚᐅᕐᐳᑦ.

ᒨᓯᓯ ᓯᑕᒪᖏᑦ 32:9

ᓇᕐᓴᒧᓪᓗ ᐃᔅᑯᓪᒧᑦ ᑎᑭᓐᓇᒥᒃ ᓄᓇ ᑕᑯᓚᐅᕐᐹᑦ, ᓴᐱᓕᕐᑎᑦᓯᓚᐅᕐᐳᓪᓕ ᐃᓴᕆᐊᓕᒥᐅᓂᒃ, ᐅᐸᒍᓐᓃᕐᓗᒍᓗ ᓄᓇ ᐊᑕᓂᐅᑉ ᑖᒃᑯᓄᖓ ᑐᓂᓚᐅᕐᑕᖓ.

ᒨᓯᓯ ᓯᑕᒪᖏᑦ 33:36

ᐃᔨᐅᓂ-ᒋᐱᕆᒥᑦ ᐊᐅᓪᓚᕋᒥᒃ ᐃᓄᖃᖏᑦᑐᒧᑦ ᔨᓐᒧᑦ ᑍᔭᐅᔪᒧᑦ ᑲᑎᓯᒥᒃ ᑕᖕᒫᓛᐅᕐᐳᑦ.

ᒨᓯᓯ ᑕᓪᓕᒪᖏᑦ 1:19

“ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ,

ᒨᓯᓯ ᑕᓪᓕᒪᖏᑦ 1:2

(ᐅᓪᓗᓂᒃ 11ᓂᒃ ᐃᖏᕐᕋᓇᕐᐳᖅ ᖃᖅᑲᒥᑦ ᕼᐆᕆᑉᒥᑦ ᓰᐊᕆᐅᑉ ᖃᖅᑲᖏᑎᒎᕐᓗᓂ ᑲᑎᓯ-ᐸᕐᓂᐊᒧᑦ.)

ᔮᓱᐊᑉ ᐊᒡᓚᖏᑦ 14:6

ᐅᓪᓗᐃᑦ ᐃᓚᖓᓂ ᔫᑕᐅᑉ ᐃᓄᖏᑕ ᐃᓚᖏᑦ ᐂᕗᑦ ᔮᓱᐊᒧᑦ ᒋᐅᓪᒐᐅᓪᒧᑦ; ᑬᓚᐱᐅᓪᓗ ᔨᐳᓂᐊᐅᑉ ᐃᕐᓂᖓᑕ ᑭᓂᔧᑦᒥᒃ ᑍᔭᐅᔫᑉ, ᔮᓱᐊ ᐅᖃᐅᑎᕚ, “ᖃᐅᔨᒪᕗᑎᑦ ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂᒃ ᒨᓯᓯᒧᑦ ᒎᑎᐅᑉ ᐃᓄᖁᑎᖓᓄᑦ ᑲᑎᓯ-ᐸᕐᓂᐊᒥ ᐃᓕᖕᓂᒃ ᐅᕙᓐᓂᒡᓗ ᐱᑦᔪᑎᖃᕐᓗᓂ.

ᔮᓱᐊᑉ ᐊᒡᓚᖏᑦ 14:7

ᑍᑦᓱᒪᓂ 40ᓂᒃ ᐊᕐᕌᒍᖃᓚᐅᕐᐳᖓ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑎᓕᖕᒪᖓ ᑲᑎᓯ-ᐸᕐᓂᐊᒥᑦ ᖃᐅᔨᔭᐅᑦᑍᓕᓗᖓ ᖃᐅᔨᓴᕆᐊᖁᓪᓗᓂᖓ ᓄᓇᒥᒃ; ᓱᓕᑦᓯᐊᕐᑐᒥᒡᓗ ᐅᖃᐅᑎᓚᐅᕐᐸᕋ ᐆᒻᒪᑎᒥᐅᑕᕆᔭᓐᓂᒃ.