1 ᐊᑕᓂᖅ ᒨᓯᓯᒧᑦ ᐅᖃᕐᐳᖅ ᐃᒤᓕᓪᓗᓂ,
ᐊᑕᓃᖅ, ᐃᓂᒃᓴᕆᑦᓮᓐᓇᕐᐸᑦᑎᒋᑦ ᑭᖑᕚᕇᖑᔪᓕᒫᓂ.
ᑭᖑᓂᖓᓂ ᐃᓄᐃᑦ ᐊᐅᓪᓚᓕᓚᐅᕐᐳᑦ ᕼᐊᔨᕌᑎᒥᑦ ᑕᖕᒫᕐᓗᑎᒡᓗ ᐃᓄᖃᖏᑦᑐᒥ ᐸᕌᓐᒥ.
ᐋᓱᕆᐅᑉ ᑭᖑᕚᖏᓐᓂᑦ, ᓯᑐᕆ ᒤᑰᑉ ᐃᕐᓂᖓ;
“ᐅᑯᐊ ᑕᕝᕙ ᐊᖑᑎᑦ ᐊᑎᖏᑦ ᓄᓇᒥᒃ ᐊᕕᒃᑐᐃᔨᐅᓂᐊᕐᑐᑦ ᐃᓕᑦᓯᓐᓄᑦ ᓄᓇᖁᑎᑖᖁᓪᓗᓯ: ᐃᓕᓯᕆ ᑐᓂᕐᕈᓯᕐᑎᑦᓯᔨ, ᔮᓱᐊᓗ ᓈᓂᐅᑉ ᐃᕐᓂᖓ.
ᑎᓕᓯᔭᕆᐊᖃᕐᐳᓯᓗ ᑭᖑᕚᖑᖃᑎᒌᑦ ᐊᑐᓂᑦ ᓯᕗᓕᕐᑎᖏᓐᓂᒃ ᓄᓇᒥᒃ ᐊᕕᒃᑐᐃᔨᐅᓂᐊᕐᑐᓂᒃ ᓄᓇᖁᑎᑖᕆᔭᐅᓂᐊᕐᑐᓂᒃ.”
“ᐅᕙᓐᓄᓪᓕ ᕾᓪᓗᓯ ᐅᖃᓚᐅᕐᐳᓯ, ‘ᐊᖑᑎᓂᒃ ᑎᓕᓯᓚᐅᕐᑕ ᓯᕗᓂᑦᑎᓐᓄᑦ ᐃᔨᕋᕐᑐᓪᓗᑎᒃ ᖃᐅᔨᓴᕆᐊᕐᑐᒃᓴᓂᒃ, ᓇᐅᒃᑰᕐᓗᓂ ᐱᐅᓂᕐᐸᐅᖕᒪᖔᑦ ᖃᓄᐃᑦᑐᓂᒡᓗ ᐃᒡᓗᒐᓴᖃᕐᒪᖔᑕ ᐅᕙᑦᑎᓐᓄᑦ ᐅᖃᕈᓐᓇᖁᓪᓗᒋᑦ.’
“ᑕᒪᓐᓇᓕ ᐊᑲᐅᔫᔮᕐᒪᑦ, ᑕᕝᕙ ᐊᖑᑎᓂᒃ 12ᓂᒃ ᑎᓕᓯᓕᓚᐅᕐᐳᖓ, ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ.
ᐊᑕᓂᐅᓪᓕ ᐊᐅᓪᓚᕐᑎᒻᒪᓯ ᑲᑎᓯ-ᐸᕐᓂᐊᒥᑦ ᑎᓕᔭᐅᓪᓗᓯ ᓄᓇᑖᕆᐊᕐᑐᖁᔭᐅᓪᓗᓯ ᐃᓕᑦᓯᓐᓄᑦ ᑐᓂᓯᒪᔭᖓᓂᒃ, ᐊᑕᓂᕐᒥᒃ ᒎᑎᑦᓯᓐᓂᒃ ᐊᑭᕋᕐᑐᓕᓚᐅᕆᕗᓯ; ᐅᒃᐱᕈᓱᖏᓐᓂᑦᓯᓐᓄᑦ ᑖᑦᓱᒥᖓ ᓈᓚᖏᓐᓂᑦᓯᓐᓄᓪᓗ.
ᑍᑦᓱᒪᓂ 40ᓂᒃ ᐊᕐᕌᒍᖃᓚᐅᕐᐳᖓ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑎᓕᖕᒪᖓ ᑲᑎᓯ-ᐸᕐᓂᐊᒥᑦ ᖃᐅᔨᔭᐅᑦᑍᓕᓗᖓ ᖃᐅᔨᓴᕆᐊᖁᓪᓗᓂᖓ ᓄᓇᒥᒃ; ᓱᓕᑦᓯᐊᕐᑐᒥᒡᓗ ᐅᖃᐅᑎᓚᐅᕐᐸᕋ ᐆᒻᒪᑎᒥᐅᑕᕆᔭᓐᓂᒃ.
ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.
