ᒨᓯᓯ ᓯᑕᒪᖏᑦ 11:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐊᓄᕆᓗ ᑎᑭᑉᐳᖅ ᐊᑕᓂᕐᒥᑦ ᑎᑭᑎᑦᓯᑎᑕᐅᓪᓗᓂ ᑎᖕᒥᐊᓂᒡᓗ ᑯᐂᐅᓪᓂᒃ ᐊᑎᓕᖕᓂᒃ ᑎᑭᑦᑐᖃᕐᐳᖅ ᐃᒪᐅᑉ ᓇᓛᓂᑦ ᐱᔪᓂᒃ, ᒥᓪᓗᑎᒡᓗ ᑕᖕᒫᕐᓯᒪᕕᐅᑉ ᖃᓂᒋᔭᖓᓄᑦ, ᐳᕐᑐᓂᖃᕐᓗᓂ ᐃᑎᒐᖕᓂᒃ ᐱᖓᓱᓂᒃ, ᑭᒡᓕᖃᕐᓗᓂᓗ ᓇᒧᑐᐃᓐᓇᖅ ᑕᖕᒫᕐᓯᒪᕕᖕᒥᑦ ᐱᓱᒡᓗᓂ ᐅᓪᓗᓕᒫᖅ ᐱᓱᒃᕕᓪᓗᐊᒧᑦ ᑎᑭᐅᒪᓪᓗᑎᒃ,

ᒨᓯᓯ ᓯᑕᒪᖏᑦ 11:31 Iomraidhean Croise

ᐃᓐᖏᕈᑎᑦ 105:40

ᐃᓄᐃᑦ ᑐᒃᓯᕋᕐᒪᑕ ᐊᕿᒡᒋᐅᔮᕐᑐᓄᑦ ᑎᑭᑕᐅᓚᐅᕐᐳᑦ, ᐱᔪᒪᓂᖏᑦ ᓈᒻᒪᒃᓯᑎᓚᐅᕐᐰᑦ ᕿᓚᐅᑉ ᓂᐊᖂᔭᖓᓂᒃ ᑐᓂᓯᕕᒋᓪᓗᒋᑦ.

ᐃᓐᖏᕈᑎᑦ 106:15

ᑖᑦᓱᒪᓗ ᑐᓂᓯᕕᒋᓚᐅᕐᐰᑦ ᐱᔪᒪᔭᖏᓐᓂᒃ; ᖃᓂᒻᒪᓯᕐᒥᒡᓗ ᓴᓗᒃᑎᓐᓇᕐᑐᒥᒃ ᑎᑭᑕᐅᑎᓪᓗᒋᑦ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᒨᓯᓯ ᐂᑉᐸᖏᑦ 10:13

ᑕᕝᕙ ᒨᓯᓯᐅᑉ ᐊᔭᐅᑉᐱᐊᓂ ᐃᓴᐅᑎᕚ ᐄᑦᔨᑉᑎᐅᑉ ᖁᓛᓄᑦ, ᐊᑕᓂᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᓕᕐᑎᑦᓯᕗᖅ ᓄᓇᒧᑦ ᐅᓪᓗᓕᒫᖅ ᐅᓐᓄᐊᓕᒫᕐᓗ ᓈᓪᓗᒍ; ᐅᓪᓛᓐᖑᕐᑎᓪᓗᒍ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᕐᑑᑉ ᐱᒡᓕᕐᑕᐅᔮᕐᑐᑦ ᑎᑭᑎᑉᐰᑦ.

ᒨᓯᓯ ᐂᑉᐸᖏᑦ 10:19

ᐊᑕᓂᕐᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ ᐊᓄᕆᒥ ᓴᓐᖏᔪᒥᒃ ᑎᑭᑎᑦᓯᕗᖅ, ᑕᒪᑐᒧᖓᓗ ᑕᒪᒃᑯᐊ ᐱᒡᓕᕐᑕᐅᔮᕐᑐᑦ ᑎᒃᑕᐅᓕᕐᐳᑦ ᐃᒪᕐᒧᑦ ᐊᐅᐸᓗᒃᑕᒧᑦ; ᐊᑕᐅᓯᕐᒥᒡᓘᓐᓃᑦ ᐱᒡᓕᕐᑕᐅᔮᕐᑐᒥᒃ ᐄᑦᔨᑉᑎᐅᑉ ᓄᓇᖓᓂ ᐊᒥᐊᒃᑯᑕᖃᕈᓐᓃᕐᓗᓂ.

ᒨᓯᓯ ᐂᑉᐸᖏᑦ 15:10

ᐊᑕᓃᖅ ᓱᐱᕕᒋᑐᐊᕋᕕᒋᑦ, ᐃᒪᕐᒧᑦ ᐅᓕᒃᑕᐅᕗᑦ; ᑭᕕᓪᓗᑎᒡᓗ ᑯᓯᕐᓯᐊᑎᑐᑦ ᐃᒪᕐᒧᑦ ᐃᑎᔪᒧᑦ.

ᒨᓯᓯ ᐂᑉᐸᖏᑦ 16:13

ᐅᓐᓄᓕᕐᑎᓪᓗᒍᓗ ᑎᖕᒥᐊᓂᒃ ᑲᑎᓐᖓᔪᐊᓗᖕᓂᒃ ᑎᑭᑦᑐᖃᕐᐳᖅ ᐅᓄᕐᓂᖏᓐᓄᓪᓗ ᑖᒃᑯᐊ ᓄᓇᓖᑦ ᐅᓕᒃᑕᐅᓗᐊᕐᐳᑦ ᑕᒪᒃᑯᓄᖓ. ᐅᓪᓛᒃᑯᓪᓗ ᓄᓇ ᖃᑯᐊᕐᑎᖓᓚᐅᕐᐳᖅ ᓄᓇᓕᖕᓂ.

ᒨᓯᓯ ᓯᑕᒪᖏᑦ 11:30

ᒨᓯᓯᓗ ᑕᖕᒫᕐᓯᒪᕕᖕᒧᑦ ᐅᑎᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ.