ᒨᓯᓯ ᓯᑕᒪᖏᑦ 11:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔮᓱᐊᓕ ᓈᓂᐅᑉ ᐃᕐᓂᖓ, ᒨᓯᓯᐅᑉ ᐃᑲᔪᕐᑎᖓ, ᓂᕈᐊᕐᓯᒪᓪᓚᕆᒃᑕᖓ, ᑭᐅᕗᖅ ᐅᖃᕐᓗᓂ, “ᐊᖓᔪᖅᑳᒃ ᒨᓯᓯ, ᑍᒤᓕᐅᖁᓐᖏᓚᐅᒃᑭᒃ!”

ᒨᓯᓯ ᓯᑕᒪᖏᑦ 11:28 Iomraidhean Croise

ᑯᕉᓂᑲ ᓯᕗᓪᓖᑦ 7:27

ᑖᓐᓇ ᐃᕐᓂᖃᕐᐳᖅ ᓈᓂᒥᒃ, ᑖᓐᓇ ᐃᕐᓂᖃᕐᐳᖅ ᔮᓱᐊᒥᒃ.

ᒨᓯᓯ ᐂᑉᐸᖏᑦ 17:9

ᒨᓯᓯ ᐅᖃᕐᐳᖅ ᔮᓱᐊᒧᑦ, “ᐊᖑᑎᓂᒃ ᓂᕈᐊᓚᐅᕆᑦ, ᑖᒃᑯᐊᓗ ᐃᓚᒋᓗᒋᑦ ᐊᒪᓕᒃᒥᐅᑦ ᖃᐅᒃᐸᑦ ᐅᓇᑕᕆᐊᓛᕐᐸᓯ; ᖃᐅᒃᐸᑦ ᖃᖅᑲᐅᑉ ᖄᖓᓂ ᓇᖏᓛᕐᐳᖓ ᒎᑎᐅᑉ ᐊᔭᐅᑉᐱᐊᖁᑎᐊ ᑎᒍᒥᐊᕐᓗᒍ.”

ᒨᓯᓯ ᐂᑉᐸᖏᑦ 24:13

ᑕᕝᕙ ᒨᓯᓯ ᐸᕐᓇᓕᕐᐳᖅ ᐱᔨᓂ ᔮᓱᐊ ᐃᓚᒋᓪᓗᒍ, ᒨᓯᓯᓗ ᖃᖅᑲᒧᑦ ᒪᔪᕋᕐᐳᖅ ᒎᑎᐅᑉ ᖃᖅᑲᖁᑎᖓᓄᑦ.

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᒨᓯᓯ ᓯᑕᒪᖏᑦ 11:27

ᐃᓅᓱᒃᑐᒥᒡᓕ ᑐᐊᕕᕐᓗᓂ ᒨᓯᓯᒧᑦ ᐅᖃᕆᐊᕐᑐᕐᑐᖃᕐᐳᖅ, ᐅᖃᕐᓗᓂ, “ᐃᓪᑖᑎ ᒥᑖᑎᓗ ᑕᖕᒫᕐᓯᒪᕕᖕᒥ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᓪᓚᒃᑑᒃ.”

ᔪᐊᓇᓯᐅᑉ ᐊᒡᓚᖏᑦ 3:26

ᑕᕝᕙ ᐃᓕᓐᓂᐊᕐᑎᖏᑕ ᔪᐊᓇᓯ ᐅᐸᒃᐹᑦ ᐅᖃᐅᑎᓪᓗᒍᓗ, “ᐊᔪᕆᕐᑐᐃᔩ, ᐊᖑᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᐃᓕᖕᓄᐊᓚᐅᕐᑐᖅ, ᐅᖃᐅᓯᕆᖃᑦᑕᕐᑍᑦ, ᑖᓐᓇ ᐹᑉᑎᑦᓯᖃᑦᑕᓕᕐᐳᖅ, ᐃᓄᓕᒫᓪᓗ ᑖᑦᓱᒧᓐᖓᖃᑦᑕᓕᕐᐳᑦ.”

ᔮᓱᐊᑉ ᐊᒡᓚᖏᑦ 1:1

ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᖁᓂᖓᑕ ᑭᖑᓂᐊᒍᑦ, ᐊᑕᓂᖅ ᐅᖃᕐᐳᖅ ᒨᓯᓯᐅᑉ ᐃᑲᔪᕐᑎᖓᓄᑦ, ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ.