ᒨᓯᓯ ᓯᑕᒪᖏᑦ 11:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᒨᓯᓯ ᓯᑕᒪᖏᑦ 11:23 Iomraidhean Croise

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᐊᑕᓃᑦ ᐂᑉᐸᖏᑦ 4:43

ᐱᔨᖓᑕ ᐅᖃᐅᑎᕚ, “ᓈᒻᒪᖕᓂᐊᕋᓗᐊᕐᒪᑖ ᐃᓄᖕᓄᑦ 100ᓄ?” ᐃᓔᓴᓕ ᐅᖃᑐᐃᓐᓇᕆᕗᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ, ᐃᒫᒃ ᐊᑕᓂᖅ ᐅᖃᕐᒪᑦ ᓂᕆᒐᓗᐊᕐᐸᑕ ᓱᓕ ᐊᒥᐊᒃᑯᓂᐊᕐᐳᑦ.”

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᐃᓐᖏᕈᑎᑦ 78:41

ᑍᒪᓐᖓᑦ, ᑍᒪᓐᖓᑦ, ᒎᑎ ᐆᒃᑐᖃᑦᑕᓚᐅᕐᐹᑦ, ᓂᓐᖓᒃᓴᕐᓗᒍᓗ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᑦ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 32:17

“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.

ᔨᕆᒤᐊᐅᑉ ᐊᒡᓚᖏᑦ 32:27

“ᑕᑯᒋᑦ, ᐅᕙᖓ ᐊᑕᓂᐅᕗᖓ, ᒎᑎᐅᔪᖅ ᐃᓄᓕᒫᓄᑦ, ᐊᔪᕐᓇᓗᐊᕐᑐᖃᕐᐹ ᐅᕙᓐᓄᑦ?

ᐃᓯᑭᐊᓕᐅᑉ ᐊᒡᓚᖏᑦ 12:25

ᐅᕙᖓᓕ ᐊᑕᓂᖅ ᐅᖃᐅᓯᕐᒥᒃ ᐅᖃᕐᓂᐊᓕᕐᐳᖓ, ᐅᖃᐅᓯᕆᔭᒃᑲᓗ ᐊᑑᑎᓂᐊᓕᕐᓗᑎᒃ. ᑭᖑᕙᕐᓂᐊᕈᓐᓃᕐᐳᖅ, ᐃᓅᑎᓪᓗᓯ ᓱᓕ, ᐊᑭᕋᕐᑐᕐᑎᐅᓪᓗᓯ ᑭᖑᕚᖑᔪᓯ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᑎᓐᓂᐊᓕᕐᐸᒃᑲ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 6:20

ᓛᔧᑦ ᓯᑎᖓ ᖃᒡᓕᓪᓗᒍ, ᑖᓂᐊᓕᒧᑦ ᕾᒐᓛᕐᐳᖅ ᓂᐱᒧᑦ ᖁᓱᔪᒧᑦ, “ᑖᓂᐊᓖ, ᒎᑎᐅᑉ ᐆᒪᔫᑉ ᐱᔨᖓ, ᒎᑎᕕᑦ, ᑍᒪᓐᖓᑦ ᐱᔨᑦᓯᕐᑕᕕᑦ ᓛᔭᓂᑦ ᓴᐳᑎᕙᑏᑦ?”

ᒤᑲᐅᑉ ᐊᒡᓚᖏᑦ 2:7

ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᒨᓯᓯ ᓯᑕᒪᖏᑦ 11:22

ᓰᐲᑦ ᑐᖁᕋᕐᑕᐅᓂᐊᓕᕐᐹᑦ, ᐃᒻᒧᒃᓯᐅᒊᓪᓗ ᑐᖁᕋᕐᑕᐅᓂᐊᓕᕐᐹᑦ ᑖᒃᑯᓄᖓ ᓈᒻᒪᒡᓗᑎᒃ? ᐅᕝᕙᓘᓐᓃᑦ ᐃᒪᕐᒥᑦ ᐃᖃᓗᐃᑦ ᑲᑎᑕᐅᓂᐊᕐᐸᑦ ᑖᒃᑯᐊ ᐱᓪᓗᒋᑦ, ᑖᒃᑯᓄᖓᓕᒫᖅ ᓈᒻᒪᖁᓗᒋᑦ?”

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 19:26

ᔩᓱᓯᐅᑉ ᑕᑯᓴᕐᓗᒋᑦ ᐅᖃᐅᑎᕔᑦ, “ᑕᒪᓐᓇ ᐃᓄᖕᓄᑦ ᐊᔪᕐᓇᕐᐳᖅ; ᒎᑎᒧᓪᓕ ᓱᓇᓕᒫᓂᒃ ᐊᔪᕐᓇᕐᑐᖃᓐᖏᓚᑦ.”

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᓘᑲᓯᐅᑉ ᐊᒡᓚᖏᑦ 1:37

ᒎᑎᒥ ᐊᔪᕐᓇᕐᑐᖃᖏᒻᒪᑦ.”