ᒨᓯᓯ ᓯᑕᒪᖏᑦ 11:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: “ᑲᑎᑎᑦᓯᓚᐅᕆᑦ ᓵᓐᓄᑦ ᐊᖑᑎᓂᒃ 70ᓂᒃ, ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ, ᐊᖓᔪᖅᑲᐅᔪᓐᓇᕐᑐᓪᓗ ᖃᐅᔨᒪᔭᑎᑦ; ᑐᐱᕐᔪᐊᒧᓪᓗ ᑲᑎᒪᕕᖕᒧᑦ ᑲᑎᑎᓪᓗᒋᑦ ᐃᓕᖕᓂᒃ ᑕᕝᕙᓂ ᓇᖏᖃᑎᖃᖁᓪᓗᒋᑦ.

ᒨᓯᓯ ᓯᑕᒪᖏᑦ 11:16 Iomraidhean Croise

ᒨᓯᓯ ᓯᕗᓪᓖᑦ 46:27

ᔫᓯᐱᐅᓪᓕ ᐃᕐᓂᖏᒃ ᐄᑦᔨᑉᑎᒥ ᐃᕐᓂᕐᑖᕆᓚᐅᕐᑕᖏᒃ, ᒪᕐᕉᓚᐅᕐᐴᒃ; ᔧᑰᑉ ᐃᒡᓗᒥᐅᖃᑎᓕᒫᖏᑦ ᑕᒪᕐᒥᒃ ᑲᑎᓪᓗᒋᑦ ᐄᑦᔨᑉᑎᒧᐊᓚᐅᕐᑐᑦ 70ᐅᓚᐅᕐᐳᑦ.

ᒨᓯᓯ ᐂᑉᐸᖏᑦ 18:25

ᒨᓯᓯᓗ ᓂᕈᐊᕐᐳᖅ ᐊᖑᑎᓂᒃ ᐱᔪᓐᓇᑦᓯᐊᕐᑐᓂᒃ ᐃᓴᕆᐊᓕᒥᐅᓂᑦ, ᐃᓄᖕᓄᓪᓗ ᑕᓯᐅᕐᑎᓐᖑᕐᑎᓪᓗᒋᑦ, ᐃᓚᖏᑦ 1,000ᓄᑦ, ᐃᓚᖏᓪᓗ 100ᓄᑦ, ᐃᓚᖏᓪᓗ 50ᓄᑦ ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 24:1

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᖅᑳᓗᖕᒧᑦ ᒪᔪᕋᕐᓗᑎᑦ ᐅᕙᓐᓄᐊᕆᑦ ᐂᕉᓂ ᐱᖃᑎᒋᓗᒍ, ᓁᑖᑉᓗ ᐊᐱᕼᐅᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓂᒃ 70ᓂᒃ ᐅᖓᓯᒃᑐᒦᓪᓗᓯ ᓱᓕ ᐅᑯᔪᒃᓴᐅᕗᓯ ᑐᒃᓯᐊᕐᕕᒋᓗᖓ.

ᒨᓯᓯ ᐂᑉᐸᖏᑦ 24:9

ᑕᕝᕙ ᒨᓯᓯᓗ ᐂᕉᓂᓗ, ᓁᑖᑉᓗ, ᐊᐱᕼᐅᓗ, ᐃᓴᕆᐊᓕᒥᐅᓂᓗ ᐊᖓᔪᖅᑳᑦ 70 ᖃᖅᑲᒧᑦ ᒪᔪᐊᕐᐳᑦ,

ᒨᓯᓯ ᐂᑉᐸᖏᑦ 4:29

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐄᑦᔨᑉᑎᒧᐊᕐᐴᒃ, ᑕᕝᕗᓐᖓᕋᒥᒡᓗ ᐃᓴᕆᐊᓕᒥᐅᑦ ᐊᖓᔪᖅᑳᓕᒫᖏᑦ ᑲᑎᒪᖃᑎᒋᕔᑦ.

ᔨᕆᒤᐊᐅᑉ ᐊᒡᓚᖏᑦ 19:1

ᐃᒫᒃ ᐊᑕᓂᖅ ᐅᖃᕐᐳᖅ, “ᓂᐅᕕᕆᐊᕆᑦ ᒪᕐᕋᐅᔭᓕᐅᕐᑎᒥᑦ ᒪᕐᕋᐅᔭᕐᒥᒃ, ᐱᖃᑎᖃᕐᓗᑎᑦ ᐊᖓᔪᖅᑳᓂᒃ ᑐᓂᕐᕈᓯᕐᑎᑦᓯᔨᓂᒡᓗ ᐊᖓᔪᒃᓕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 8:11

70ᓗ ᐃᓴᕆᐊᓕᐅᑉ ᑭᖑᕚᖏᓐᓂ ᓯᕗᓕᕐᑏᑦ ᑕᕝᕙᓃᑉᐳᑦ, ᐅᓇ ᓇᖏᖃᑕᐅᕗᖅ ᑕᕝᕙᓂ, ᔭ-ᐊᔭᓁᐊ ᓴᕙᓂᐅᑉ ᐃᕐᓂᖓ. ᑖᒃᑯᐊᓗ ᐊᑐᓂᑦ ᑎᒍᒥᐊᕐᐳᑦ ᐳᔫᕐᑎᑦᓯᑦᔪᑎᓂᒃ ᑎᐱᑦᓯᐊᕆᒃᑐᒥᒃ, ᐳᔪᖏᓪᓗ ᑎᐱᑦᓯᐊᕆᒃᑐᑦ ᖁᒻᒧᐊᒃᐳᑦ.

ᒨᓯᓯ ᓯᑕᒪᖏᑦ 11:24

ᒨᓯᓯ ᐊᓂᕗᖅ ᐃᓄᐃᑦ ᐅᖃᐅᑎᔭᕐᑐᕐᓗᒋᑦ ᐊᑕᓂᐅᑉ ᐅᖃᐅᓯᕆᔭᖏᓐᓂᒃ, ᐊᖓᔪᖅᑳᓪᓗ 70 ᑲᑎᑎᑉᐰᑦ ᑐᐱᕐᔪᐊᑉ ᐊᕙᑖᓄᐊᕐᑎᓪᓗᒋᑦ.

ᒨᓯᓯ ᓯᑕᒪᖏᑦ 16:25

ᑕᕝᕙ ᒨᓯᓯ ᒪᑭᓐᓇᒥ ᐅᐸᒍᑎᕗᖅ ᑖᑕᓂᒧᑦ ᐊᐱᕋᒥᒧᓪᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑕ ᒪᓕᒃᐹᑦ.

ᓘᑲᓯᐅᑉ ᐊᒡᓚᖏᑦ 10:1

ᑕᒪᑐᒪ ᑭᖑᓂᖓᒍᑦ ᐊᑕᓂᖅ ᓂᕈᐊᓚᐅᕆᕗᖅ 72ᓂᒃ, ᑎᓕᓪᓗᒋ ᒪᕐᕉᓈᕐᑎᕐᓗᒋᑦ ᓄᓇᓕᓕᒫᓄᑦ ᐅᐸᓛᕈᒪᔭᒥᓄᑦ.

ᓘᑲᓯᐅᑉ ᐊᒡᓚᖏᑦ 10:17

ᐊᖑᑎᑦ 72 ᐅᑎᕐᐳᑦ ᖁᕕᐊᓱᒃᑐᐊᓘᓪᓗᑎᒃ ᐅᖃᕐᓗᑎᒃ, “ᐊᑕᓃᖅ, ᐊᓂᕐᓂᕐᓗᐃᑦ ᐊᒡᓛᑦ ᓈᓚᖃᑦᑕᓚᐅᕐᐹᑎᒍᑦ ᐊᑎᕐᓂ!”

ᒨᓯᓯ ᑕᓪᓕᒪᖏᑦ 1:15

ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᒨᓯᓯ ᑕᓪᓕᒪᖏᑦ 31:28

ᑭᖑᕚᕇᑦ ᐊᖓᔪᖅᑳᓕᒫᖏᑦ ᐊᐅᓚᑦᓯᔨᐅᔪᓪᓗ ᐅᕙᓐᓄᑦ ᕾᖁᓚᐅᕐᓯᐅᒃ, ᒪᑯᓂᖓ ᐅᖃᐅᑎᓂᐊᕋᒃᑭᑦ; ᕿᓚᒡᓗ ᓄᓇᓗ ᓇᓗᓁᕐᓯᔨᒋᓂᐊᕐᐹᒃᑲᒃ ᑖᒃᑯᓂᖓ ᓈᒻᒪᒃᓴᖏᓐᓂᓐᓂᒃ.