ᒨᓯᓯ ᓯᑕᒪᖏᑦ 11:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᑯᐊ ᐃᓄᓕᒫᑦ ᕿᑐᕐᖓᕐᑖᕆᓚᐅᕋᒃᑮᑦ? ᑖᒃᑯᓂᖓ ᐃᕐᓂᕐᑖᓚᐅᕋᒫ? ᐅᕙᓐᓄᑦ ᐅᖃᕈᓐᓇᓕᕐᐲᑦ, ‘ᐅᑯᐊ ᐃᕿᒻᒥᓗᒋᑦ ᐊᒡᔭᒃᑭᑦ, ᓲᕐᓗ ᓄᑕᕋᑯᓗᒃ ᐊᒫᒪᒃᑐᖅ ᑲᒪᔨᒥᓄᑦ ᐊᒡᔭᕐᑕᐅᖕᒪᑦ,’ ᓄᓇᒧᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓄᑦ ᑎᑭᐅᑎᓗᒋᑦ?

ᒨᓯᓯ ᓯᑕᒪᖏᑦ 11:12 Iomraidhean Croise

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 24:7

ᐊᑕᓂᐅᑉ, ᕿᓚᐅᑉ ᒎᑎᖓᑕ, ᑕᒪᐅᓐᖓᕐᑎᓚᐅᕐᒪᖓ ᐊᑖᑕᒪ ᐊᖏᕐᕋᖓᓂᑦ ᓄᓇᒥᓪᓗ ᐃᓅᓕᕐᕕᒋᓚᐅᕐᑕᓐᓂᑦ, ᑖᑦᓱᒪ ᐅᖃᕕᒃᓗᓂ ᐅᖃᕐᕕᒋᓚᐅᕐᒪᖓ, ‘ᑭᖑᕚᒃᓴᕐᓄᑦ ᑕᒪᓐᓇ ᓄᓇ ᑐᓂᔪᒪᕙᕋ,’ ᐂᖏᓕᖁᑎᓂᓗ ᓯᕗᓂᕐᓂ ᑎᓕᓂᐊᕐᐹ, ᐃᕐᓂᕐᒪ ᓄᓕᐊᒃᓴᖓᓂᒃ ᓇᓂᓯᓂᐊᕐᐳᑎᑦ ᑕᐅᕙᓐᖓᑦ.

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᐊᑕᓃᑦ ᐂᑉᐸᖏᑦ 10:1

ᓴᒥᐊᕆᐊᒥ ᐂᕼᐊᑉ ᑭᖑᕚᖃᓚᐅᕐᐳᖅ 70ᓂᒃ ᔨᕼᐆ ᑎᑎᕋᕐᐳᖅ ᔨᔭᕆᐅᓪᓕᐅᑉ ᐊᖓᔪᖅᑳᖏᓐᓄᑦ ᓯᕗᓪᓕᕐᑎᒋᔭᐅᔪᓄᓪᓗ ᐂᕼᐊᐱᐅᓪᓗ ᕿᑐᕐᖓᖏᑕ ᑲᒪᔨᖏᓐᓄᑦ ᑎᑎᕋᕐᑕᓂᓗ ᐊᐅᓪᓚᕐᑎᓪᓗᓂᒋᑦ ᓴᒥᐊᕆᐊᒧᑦ. ᑎᑎᕋᕐᑕᖏᑦ ᐃᒫᒃ ᐅᖃᐅᓯᖃᕐᐳᑦ,

ᐊᑕᓃᑦ ᐂᑉᐸᖏᑦ 10:5

ᑕᕝᕙ ᐊᖓᔪᖅᑳᕐᔪᐊᑉ ᐃᒡᓗᖓᓂ ᐊᖓᔪᖅᑳᑦ, ᐊᐅᓚᑦᓯᔩᓪᓗ ᓯᕗᓕᕐᑏᓪᓗ ᑲᒪᔨᐅᔪᓪᓗ ᑭᐅᑦᔪᑎᒥᖕᓂᒃ ᔨᕼᐆᒧᑦ ᐋᑕᐅᑎᑦᓯᕗᑦ, “ᐃᓕᖕᓄᑦ ᐱᔨᐅᒐᑦᑕ ᐊᑐᖁᔭᕐᓂᒃ ᐱᓇᓱᐊᕈᒪᕗᒍᑦ, ᐊᖓᔪᖅᑳᕐᔪᐊᓐᖑᕐᑎᑦᓯᔪᒪᓐᖏᓚᒍᓪᓕ, ᐃᕝᕕᑦ ᐊᑲᐅᓂᕐᐹᖑᓇᓱᒋᔭᕐᓂᒃ ᐱᓇᓱᐊᓕᕆᑦ.”

ᒨᓯᓯ ᐂᑉᐸᖏᑦ 13:11

“ᐊᑕᓂᐅᓪᓗ ᑬᓇᓂᒥᐅᑉ ᓄᓇᖓᓄᑦ ᑎᑭᑎᓚᐅᕐᐹᓯ, ᐊᖏᕈᑎᒋᓯᒪᔭᒥᓂᒃ ᓯᕗᓕᕕᓂᑦᓯᓐᓄᑦ ᐃᓕᑦᓯᓐᓄᓪᓗ ᑐᓂᓂᐊᕐᓂᕋᓚᐅᕐᑕᒥᓄᑦ,

ᒨᓯᓯ ᐂᑉᐸᖏᑦ 13:5

ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ.

ᒨᓯᓯ ᐂᑉᐸᖏᑦ 33:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ.

ᒨᓯᓯ ᐂᑉᐸᖏᑦ 6:8

ᓄᓇᒧᓪᓗ ᑎᑭᑎᑦᓱᒪᕙᑦᓯ ᐊᖏᕈᑎᒋᓯᒪᓚᐅᕐᑕᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ; ᑕᒪᓐᓇᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ ᓄᓇᑖᕆᔭᐅᖁᓪᓗᒍ ᐃᓕᑦᓯᓐᓄᑦ. ᐅᕙᖓ ᐊᑕᓂᐅᒐᒪ.’”

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 49:15

“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ.

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐃᓯᑭᐊᓕᐅᑉ ᐊᒡᓚᖏᑦ 34:23

ᐊᑕᐅᓯᕐᒥᒃ ᐰᕐᓯᔨᑖᕐᑎᑦᓱᒫᕐᐸᒃᑲ, ᐱᔨᓐᓂᒃ ᑍᕕᑎᒥᒃ, ᑖᑦᓱᒪᓗ ᓂᕆᑎᑦᓱᒫᕐᐰᑦ; ᑲᒪᒋᔪᒫᕐᐰᑦ ᑖᒃᑯᓇᓐᖓᓪᓗ ᐰᕐᓯᔨᒋᔭᐅᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 10:11

“ᐅᕙᖓ ᐰᕐᓯᔨᑦᓯᐊᖑᕗᖓ. ᐰᕐᓯᔨᑦᓯᐊᖅ ᐃᓅᓯᕐᒥᓂᒃ ᑐᓂᓯᕗᖅ ᓰᐲᑦ ᐱᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:15

ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 1:31

ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:7

ᐃᓕᕋᓇᕐᓵᕋᑕᓕ ᐃᓕᑦᓯᓐᓃᓚᐅᕐᐳᒍᑦ, ᐊᓈᓇᐅᔪᑐᑦ ᕿᑐᕐᖓᓛᒥᓂᒃ ᐰᕆᒃᓯᔪᑎᑐᑦ.