ᒨᓯᓯ ᓯᑕᒪᖏᑦ 10:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᒪᕐᕉᖕᓂᒃ ᑎᑦᑐᓚᐅᑏᖕᓂᒃ ᓴᓇᓚᐅᕆᑦ ᐱᒋᓂᐊᕐᑕᕐᓂᒃ; ᓴᓇᓯᒪᔭᕆᐊᖃᕐᐴᒃ ᑲᓱᐊᕐᓯᒪᓗᑎᒃ; ᐊᑐᕆᐊᖃᕐᐹᒃᑭᒃ ᐃᓄᒋᐊᕐᑐᕐᔪᐊᓂᒃ ᕾᖁᔨᑦᔪᑎᒋᓗᒋᒃ ᑕᖕᒫᕐᓯᒪᔪᓪᓗ ᓱᒋᐊᖃᕐᒪᖔᑕ ᓇᓗᓁᕐᓯᑦᔪᑎᒋᓗᒋᒃ.

ᒨᓯᓯ ᓯᑕᒪᖏᑦ 10:2 Iomraidhean Croise

ᐊᑕᓃᑦ ᐂᑉᐸᖏᑦ 12:13

ᑮᓇᐅᔧᑦ ᑐᒃᓯᐊᕐᕕᒡᔪᐊᒧᑦ ᑐᓂᔭᐅᔪᑦ ᐊᑐᕐᑕᐅᓚᐅᓐᖏᓚᑦ ᐴᒍᑕᓕᐅᕐᑎᓄᑦ ᓯᐅᓪᕕᕆᓂᒃ. ᖃᐅᒻᒪᖅᑯᑏᓪᓗ ᒪᓂᖏᓐᓂᒃ ᐋᖅᑭᒃᓱᐃᑦᔪᑎᓄᑦ ᐃᒪᕐᑎᕆᐅᑎᓂᒃ ᐴᒍᑕᓕᐅᕐᑎᓄᑦ ᑎᑦᑐᓚᐅᑎᓕᐅᕐᑎᓄᓪᓗ ᐊᓯᖏᓐᓄᓗ ᑐᒃᓯᐅᕐᕕᒡᔪᐊᑉ ᐱᐅᒃᑯᑎᒃᓴᖏᓐᓄᑦ ᒎᓗᓄᑦ ᓯᐅᓪᕕᕆᓄᓪᓗ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᐃᓐᖏᕈᑎᑦ 89:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᖁᕕᐊᓱᖕᓂᕐᒧᑦ ᕾᒐᓛᕐᓂᕐᒥᒃ ᖃᐅᔨᒪᔪᑦ, ᐊᑕᓃᖅ, ᑖᒃᑯᐊ ᐃᓅᓂᐊᕐᐳᑦ ᑮᓇᕕᑦ ᖃᐅᒪᓂᖓᒍᑦ.

ᒨᓯᓯ ᐂᑉᐸᖏᑦ 25:18

ᑖᑦᓱᒪᓗ ᒪᑑᑉ ᖄᖓᒍᑦ ᐃᓱᖏᒃᑎᒃᑯᑦ ᐃᒡᓗᒌᖕᓂᒃ; ᐃᓴᕈᓐᖑᐊᓖᖕᓂᒃ ᓴᓇᔪᒃᓴᐅᕗᑎᑦ ᓯᕈᐲᓂᒃ ᑍᔭᐅᔪᖕᓂᒃ; ᑖᒃᑯᐊᒡᓗ ᒎᓘᔪᒃᓴᐅᕘᒃ ᑲᐅᒐᕐᓗᒋᒃ ᓴᓇᓯᒪᓗᑎᒃ.

ᒨᓯᓯ ᐂᑉᐸᖏᑦ 25:31

“ᓴᓇᔪᒃᓴᐅᕗᑎᑦ ᓇᓂᕈᐊᑉ ᓇᐸᕕᖓᓂᒃ ᒎᓗᐃᓐᓇᐅᓗᒍ. ᐊᓪᓕᕋᖓᓕ ᓇᐸᔪᖓᓗ ᒎᓘᔪᒃᓴᐅᕗᖅ ᑲᐅᒐᕐᓯᒪᓗᓂᓗ ᓴᓇᔭᐅᓯᒪᔪᒃᓴᐅᕗᖅ; ᓇᓂᕈᐊᖃᕐᕕᖓ, ᑕᑯᒥᓇᕐᓴᐅᑎᖏᓪᓗ ᐱᕈᕐᓯᐊᖑᐊᑦ, ᐱᕈᕐᕕᓐᖑᐊᖏᓪᓗ ᐊᑕᐅᓯᕐᒥ ᐃᓗᐃᑦᑑᓗᑎᒃ ᓴᓇᓯᒪᔪᒃᓴᐅᕗᑦ;

ᐂᓮᐊᓯᐅᑉ ᐊᒡᓚᖏᑦ 1:13

ᑐᓂᕐᕈᑎᒃᓴᓯ ᐊᑑᑎᖃᖏᑦᑐᑦ ᕾᑎᖃᑦᑕᕈᓐᓃᕐᓯᐅᒃ; ᐃᓯᕐᓗᐊᕐᓂᑎᑦᓯᑦᔪᑏᓪᓗ ᑎᐱᖏᑦ ᐱᐅᒋᓐᖏᓚᒃᑲ, ᑕᖅᑭᓂᕋᑖᕐᓂᖓᓂ ᓇᓪᓕᐅᓐᓂᕐᓯᐅᕈᑎᓯ ᓴᐸᑎᒥᓗ ᑲᑎᒪᓂᕆᕙᒃᑕᓯ ᐊᕆᐅᑉᐸᒃᑲ ᐊᔪᕐᓂᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 4:5

ᔫᑕᒥᐅᑦ ᔨᕉᓴᓕᒥᐅᓪᓗ ᑐᓴᕐᑎᓕᕐᓯᒋᒃ ᐅᖃᐅᑎᓗᒋᓪᓗ, “ᑎᑦᑐᓚᐅᑏᑦ ᓂᓪᓕᕐᑎᓕᕐᓯᒋᒃ ᑐᓴᕐᑕᐅᖁᓪᓗᒋᑦ ᓄᓇᓕᓕᒫᓄᑦ! ᓂᐱᖅᑯᕐᑐᓗᓯ ᐅᖃᓕᕆᑦᓯ, ‘ᑲᑎᓚᐅᕐᑕ, ᐂᓗᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ.’

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᒨᓯᓯ ᓯᑕᒪᖏᑦ 10:1

ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ:

ᒨᓯᓯ ᓯᑕᒪᖏᑦ 10:7

ᐃᓄᒋᐊᒃᑐᕐᔪᐊᓪᓕ ᑲᑎᔭᕆᐊᖃᕐᐸᑕ, ᓂᓪᓕᕐᑎᑦᓯᔭᕆᐊᖃᕐᐳᑎᑦ, ᐃᖏᕐᕋᓯᖁᔨᑦᔪᑎᐅᖏᑦᑐᒥᒃ.

ᐃᐱᓯᒥᐅᓄᑦ 4:5

ᐊᑕᓂᖅ ᐊᑕᐅᓯᖅ, ᐅᒃᐱᕐᓂᖅ ᐊᑕᐅᓯᖅ, ᐹᑉᑎᑦᔪᑦ ᐊᑕᐅᓯᖅ;