ᒨᓯᓯ ᓯᑕᒪᖏᑦ 10:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᒻᒪᓗᑦᑕᐅᖅ ᐅᓪᓗᓂ ᖁᕕᐊᓇᕐᑐᓂ, ᓇᓪᓕᐅᓐᓂᕐᓯᐅᕐᕕᒋᕙᒃᑕᑦᓯᓐᓂ, ᑕᖅᑭᐅᓪᓗ ᐱᒋᐊᓕᕐᓂᖏᓐᓂ, ᑎᑦᑐᓚᐅᑎᓂᒃ ᓂᓪᓕᐊᑎᑦᓯᔭᕆᐊᖃᕐᐳᓯ ᐆᑕᒃᓮᑦ ᑐᓂᕐᕈᑕᐅᑎᓪᓗᒋᑦ ᓮᒪᓂᕐᒧᓪᓗ ᑐᓂᕐᕈᑏᑦ ᑐᓂᕐᕈᑕᐅᑎᓪᓗᒋᑦ; ᑕᒪᒃᑯᐊ ᐃᖅᑲᐅᒪᑦᔪᑎᒃᓴᐅᖕᒪᑕ ᒎᑎᑦᓯ ᓵᖓᓂ: ᐊᑕᓂᐅᒐᒪ ᒎᑎᓯ.”

ᒨᓯᓯ ᓯᑕᒪᖏᑦ 10:10 Iomraidhean Croise

ᐊᑕᓃᑦ ᐂᑉᐸᖏᑦ 4:23

ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.”

ᑯᕉᓂᑲ ᓯᕗᓪᓖᑦ 15:24

ᓯᐸᓁᐊ, ᔫᓴᐸᑦ, ᓇᑖᓂᐅᓪ, ᐊᒪᓮ, ᓴᑲᕅᐊ, ᐱᓁᐊ, ᐃᓔᓯᕆᓗ, ᑐᓂᕐᕈᓯᕐᑎᑦᓯᔩᑦ, ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔪᒃᓴᐅᓪᓗᑎᒃ ᒎᑎᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓂ; ᐅᐱᑦ-ᐄᑕᒻ ᔨᕼᐂᐊᓗ ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓᓂᒃ ᖃᐅᔨᓴᕐᑎᐅᔪᒃᓴᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᑯᕉᓂᑲ ᐂᑉᐸᖏᑦ 29:26

ᓕᕔᑏᑦ ᓇᖏᕐᐳᑦ ᓂᑦᔭᐅᓯᔭᕐᓗᑎᒃ ᑍᕕᑎᐅᑉ ᐱᖏᓐᓂᒃ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᓯᔭᕐᓗᑎᒃ.

ᑯᕉᓂᑲ ᐂᑉᐸᖏᑦ 29:28

ᑕᕝᕙ ᑲᑎᒪᔪᓕᒫᑦ ᓂᕐᑐᐃᓕᕐᐳᑦ ᑐᒃᓯᐊᕐᓗᑎᒃ, ᐃᓐᖏᕐᑏᓪᓗ ᐃᓐᖏᕐᓗᑎᒃ, ᑎᑦᑐᓚᐅᓯᔭᕐᑐᓪᓗ ᓂᓪᓕᐊᕗᑦ; ᑍᒫᒃ ᑖᒃᑯᐊ ᑲᔪᓯᓚᐅᕐᐳᑦ ᐃᑯᐊᓪᓚᒋᐊᓕᒃ ᑐᓂᕐᕈᑏᑦ ᐱᔭᕇᓚᐅᖏᓐᓂᖏᓐᓂ.

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 3:10

ᐃᖅᑲᓁᔭᕐᑏᑦ ᑐᓐᖓᕕᓕᐅᓕᕐᑎᓪᓗᒋᑦ ᑐᒃᓯᐊᕐᕕᖕᒥᒃ, ᑐᓂᕐᕈᓯᕐᑎᑦᓯᔩᑦ ᐊᓐᓄᕌᕐᓯᒪᓪᓗᑎᒃ ᐃᓂᒥᓄᐊᓚᐅᕐᐳᑦ ᑎᑦᑐᓚᐅᓯᔭᕐᓱᑎᒃ, ᓕᕔᑏᓪᓗ ᐊᓴᐸᐅᑉ ᐃᕐᓂᖏᑦ ᓂᑯᕕᖓᓚᐅᕐᐳᑦ ᓯᕙᓂᐅᑎᓕᔭᕐᓱᑎᒃ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᒪᓕᒃᓱᑎᒃ ᐊᑐᕐᑕᐅᖁᔭᐅᓯᒪᔪᓂᒃ ᑍᕕᑎᒧᑦ ᐊᖓᔪᖅᑳᕐᔪᐊᕐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 12:35

ᑐᓂᕐᕈᓯᕐᑎᑦᓯᔩᓪᓗ ᐃᓚᖏᑕ ᑭᖑᕚᖏᑦ ᑎᑦᑐᓚᐅᑎᓕᔭᕐᓗᑎᒃ: ᑭᖑᓂᖓᒍᑦ ᓴᑲᕅᐊ ᔫᓇᑕᓂᐅᑉ ᐃᕐᓂᖓ, ᑖᓐᓇ ᓯᒤᐊᐅᑉ ᐃᕐᓂᖓ, ᑖᓐᓇ ᒪᑕᓁᐊᐅᑉ ᐃᕐᓂᖓ, ᑖᓐᓇ ᒥᑬᐊᐅᑉ ᐃᕐᓂᖓ, ᑖᓐᓇ ᔭᑯᕆᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ;

ᐃᓐᖏᕈᑎᑦ 150:3

ᓂᕐᑐᕐᓯᐅᒃ ᑎᑦᑐᓚᐅᑎᑦ ᓂᐱᖏᓐᓄᑦ; ᓂᕐᑐᕐᓯᐅᒃ ᑯᑭᑦᑕᐸᐅᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ ᑯᑭᑦᑕᐸᐅᑎᓄᓪᓗ ᕼᐊᕐᐱᓄᑦ!

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᐃᓐᖏᕈᑎᑦ 81:4

ᑕᒪᓐᓇ ᐃᓴᕆᐊᓕᒥᐅᑦ ᐱᐅᓯᕆᔭᒃᓴᕆᕚᑦ, ᔧᑰᑉ ᒎᑎᖓᑕ ᐱᖁᔨᑦᔪᑎᒋᔭᖓ.

ᐃᓐᖏᕈᑎᑦ 89:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᖁᕕᐊᓱᖕᓂᕐᒧᑦ ᕾᒐᓛᕐᓂᕐᒥᒃ ᖃᐅᔨᒪᔪᑦ, ᐊᑕᓃᖅ, ᑖᒃᑯᐊ ᐃᓅᓂᐊᕐᐳᑦ ᑮᓇᕕᑦ ᖃᐅᒪᓂᖓᒍᑦ.

ᒨᓯᓯ ᐂᑉᐸᖏᑦ 28:29

“ᐂᕉᓂ ᐃᑦᔪᕐᓁᑦᑐᕕᖕᒧᑦ ᐃᑎᓕᕈᓂ, ᐃᓴᕆᐊᓕᒥᐅᑦ ᑭᖑᕚᕇᖏᑕ ᐊᑎᖏᓐᓂᒃ ᓴᒡᕕᖕᒥᐅᑕᕐᒥ ᐊᑐᕐᑕᖓᓂᒃ ᑎᑎᕋᕐᓯᒪᔪᓂᒃ ᐃᑎᕈᑦᔨᖃᑦᑕᖁᓪᓗᒍ, ᑍᒤᑉᐸᑦ, ᑕᕝᕙ ᐅᕙᖓ ᐊᑕᓂᖅ, ᐃᓄᖁᑎᒃᑲ ᑍᒪᓐᖓᑦ ᐃᖅᑲᐅᒪᖃᑦᑕᕐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 30:16

ᑕᒪᒃᑯᐊ ᑐᓂᕐᕈᑎᐅᔪᑦ ᑮᓇᐅᔭᑦ ᐃᓅᓯᑎᒃ ᐱᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑲᑎᕐᓱᕐᑕᒃᓴᕆᕙᑎᑦ ᐊᑭᓕᐅᑎᒋᓗᒋᓪᓗ ᑐᐱᐅᑉ ᓇᔪᒐᕐᒪ ᐱᓇᓱᐊᕐᑕᐅᑦᔪᑎᒃᓴᖓᓄᑦ; ᑕᒪᓐᓇᓗ ᑖᒃᓰᔭᕈᑎᐅᔪᖅ ᐃᓅᓯᖏᓐᓄᑦ ᐊᑭᓕᐅᑎᒃᓴᐅᓂᐊᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖏᓐᓂᒡᓗ ᓴᐳᑦᔨᓯᒪᑦᔪᑎᒃᓴᓐᓄᑦ ᐃᖅᑲᐅᒪᑦᔪᑎᒃᓴᕆᓂᐊᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᒨᓯᓯ ᐱᖓᔪᖏᑦ 23:24

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᐅᓪᓗᐃᑦ ᓯᕗᓕᕐᐸᖓᓂ ᑕᖅᑮᑦ 7ᖓᓐᓂ ᑕᕾᕐᓯᕕᖃᕆᐊᖃᕐᐳᓯ, ᑲᑎᒪᔭᕆᐊᖃᕐᐳᓯᓗ ᑐᒃᓯᐊᖃᑎᒌᖕᓂᕐᒧᑦ, ᑎᑦᑐᓚᐅᑏᑦ ᓂᓪᓕᕐᐸᑕ.

ᒨᓯᓯ ᓯᑕᒪᖏᑦ 10:9

“ᐅᓇᑕᕆᐊᕐᑐᓕᕈᑦᓯᓕ ᓄᓇᑦᓯᓐᓂ ᐊᑭᕋᕐᑐᕐᑎᓯ ᐊᑭᕋᕐᑐᕐᓗᒋᑦ, ᓂᓪᓕᐊᑎᑦᓯᔭᕆᐊᖃᕐᐳᓯ ᑎᑦᑐᓚᐅᑎᓂᒃ, ᐃᖅᑲᐅᒪᔭᐅᓂᐊᕐᐳᓯᓗ ᐊᑕᓂᐅᑉ ᒎᑎᑦᓯ ᓵᖓᓂ, ᓴᐳᑎᔭᐅᓗᓯᓗ ᐊᑭᕋᑦᓯᓐᓂᑦ.

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᒨᓯᓯ ᓯᑕᒪᖏᑦ 29:1

“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:18

ᑍᒤᒻᒪᑦ ᑕᒪᒃᑯᓄᖓ ᐅᖃᐅᓯᕐᓄᑦ ᒪᓂᒍᕐᑎᒌᒋᑦᓯ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.

ᓴᒧᐃᓕ ᓯᕗᓪᓖᑦ 20:5

ᑍᕕᑎ ᐅᖃᕐᐳᖅ ᔫᓇᑕᓂᒧᑦ, “ᑕᑯᒋᑦ, ᖃᐅᒃᐸᒃ ᑕᖅᑭᓂᕋᑖᖅ ᓇᓪᓕᐅᓐᓂᕐᓯᐅᕐᑕᐅᔪᒫᕐᐳᖅ, ᐊᖓᔪᖅᑳᕐᔪᐊᕐᓗ ᓂᕆᖃᑎᒋᔭᕆᖃᓪᓚᕆᒃᐸᕋ; ᑍᑲᓃᖏᑦᓱᓐᓇᕐᑎᓚᐅᓐᖓ, ᐃᔨᕐᓯᒪᓂᐊᕐᐳᖓ ᐱᕈᕐᓰᕕᖕᒥ ᐅᓪᓘᑉ ᐱᖓᔪᐊᑕ ᐅᓐᓄᖓᓄᑦ ᑎᑭᓪᓗᒍ.