1 ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ:
ᑖᒃᑯᐊ ᐅᖃᕐᐳᑦ, “ᐃᓕᖕᓄᑦ ᐱᔨᐅᕗᒍᑦ, ᓄᑲᕇᖑᓪᓗᑕ 12ᕗᒍᑦ, ᐊᖑᒻᒧᑦ ᐊᑕᐅᓯᕐᒧᑦ ᐃᕐᓂᕆᔭᐅᓪᓗᑕ ᑬᓇᓂᒥ ᓄᓇᒥ; ᑕᑯᒋᑦ ᓄᑲᕐᓯᕐᐹᕗᑦ ᐅᓪᓗᒥ ᐊᑖᑕᑦᑎᓐᓃᑉᐳᖅ, ᐊᑕᐅᓯᖅ ᐱᑕᖃᕈᓐᓃᕐᐳᖅ.”
(ᑖᒃᑯᐊ ᑕᕝᕙ ᓕᐊᑉ ᐃᕐᓂᕆᕔᑦ, ᔧᑯᒥᑦ ᐃᕐᓂᕐᑖᕆᓚᐅᕐᑕᖏᑦ ᓄᓇᒥ ᐸᑖᓐ-ᐊᕋᒥ, ᐸᓂᖃᕐᓗᓂᓗ ᑍᓇᒥᒃ; ᑕᒪᕐᒥᒃ ᐃᕐᓂᖏᑦ ᐸᓂᖏᓪᓗ ᑲᑎᓪᓗᒋᑦ 33ᖑᓚᐅᕐᐳᑦ).
ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᐱᖃᑎᒋᓪᓗᒋᑦ ᐃᒃᓯᕐᕕᒃ ᔨᕉᓴᓕᒧᐊᕈᑎᓚᐅᕐᐹ ᖁᕕᐊᓱᒡᓗᑎᒃ ᕾᒐᓛᕐᓗᑎᒃ ᑎᑦᑐᓚᐅᑎᓄᓪᓗ ᓂᑦᔮᓪᓗᑎᒃ.
ᑕᑯᒐᒥᓗ ᐊᖓᔪᖅᑳᕐᔪᐊᕐᒥᒃ, ᓇᖏᕐᑐᒥᒃ ᓇᐸᔪᐊᓗᐃᑦ ᓴᓂᐊᓂ ᐱᐅᓯᕆᔭᐅᓲᖅ ᒪᓕᒡᓗᒍ. ᐅᓇᑕᕐᑏᑦ ᐊᖓᔪᖅᑳᖏᑦ ᓱᐴᒐᕐᑏᓪᓗ ᓴᓂᐊᓂ ᓇᖏᕐᓗᑎᒃ, ᐃᓅᓕᒫᓗ ᓇᑭᑐᐃᓐᓇᖅ ᐱᓯᒪᔪᑦ ᑕᕝᕙᓃᑉᐳᑦ ᖁᕕᐊᓱᒃᑐᐊᓘᓪᓗᑎᒃ ᓱᐴᒐᕐᓂᒡᓗ ᓂᓪᓕᐊᑎᑦᓯᓪᓗᑎᒃ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᐰᑦ ᓂᐱᑭᑦᑑᓪᓗᓂᓗ ᐅᖃᕐᐳᖅ, “ᐊᑭᕋᕐᑐᕐᑎᐅᕗᓯ! ᐊᑭᕋᕐᑐᕐᑎᐅᕗᓯ!”
ᑕᑯᓴᕋᒥᓗ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᓇᖏᕐᑐᒥᒃ ᐃᑎᕆᐊᕐᕕᐅᑉ ᓱᑲᖓᑕ ᓴᓂᐊᓂ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᑦᑐᓚᐅᓯᔭᕐᑏᓪᓗ ᐊᖓᔪᖅᑳᕐᔪᐊᑉ ᓴᓂᐊᓃᑉᐳᑦ, ᐃᓄᓕᒫᓪᓗ ᓄᓇᓖᑦ ᖁᕕᐊᓱᒃᐳᑦ ᑎᑦᑐᓚᐅᑎᓄᓪᓗ ᓂᓪᓕᐊᑎᑦᓯᓪᓗᑎᒃ, ᐃᓐᖏᕐᑏᓪᓗ ᓂᑦᔭᐅᓯᔭᕐᑐᑦ ᓯᕗᓕᕐᓗᑎᒃ ᖁᕕᐊᓲᑎᖃᕐᐳᑦ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᓗᒋᑦ ᐅᖃᕐᐳᖅ, “ᐊᑭᕋᕐᑐᓕᕐᐳᓯ! ᐊᑭᕋᕐᑐᓕᕐᐳᓯ!”
ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;
ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.
ᐃᖅᑲᓁᔭᕐᑏᑦ ᑐᓐᖓᕕᓕᐅᓕᕐᑎᓪᓗᒋᑦ ᑐᒃᓯᐊᕐᕕᖕᒥᒃ, ᑐᓂᕐᕈᓯᕐᑎᑦᓯᔩᑦ ᐊᓐᓄᕌᕐᓯᒪᓪᓗᑎᒃ ᐃᓂᒥᓄᐊᓚᐅᕐᐳᑦ ᑎᑦᑐᓚᐅᓯᔭᕐᓱᑎᒃ, ᓕᕔᑏᓪᓗ ᐊᓴᐸᐅᑉ ᐃᕐᓂᖏᑦ ᓂᑯᕕᖓᓚᐅᕐᐳᑦ ᓯᕙᓂᐅᑎᓕᔭᕐᓱᑎᒃ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᒪᓕᒃᓱᑎᒃ ᐊᑐᕐᑕᐅᖁᔭᐅᓯᒪᔪᓂᒃ ᑍᕕᑎᒧᑦ ᐊᖓᔪᖅᑳᕐᔪᐊᕐᒧᑦ.
ᒎᑎ ᖁᒻᒧᐊᒃᐳᖅ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓪᓗᑎᒃ ᓂᓪᓕᐊᑎᓪᓗᒋᑦ, ᐊᑕᓂᖅ ᑎᑦᑐᓚᐅᑎᑦ ᓂᓪᓕᐊᑎᑕᐅᔪᑦ ᐊᑯᕐᖓᓐᓂ.
ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.
ᑎᑦᑐᓚᐅᑎᓄᑦ ᓱᐴᒐᕐᓄᓪᓗ ᓇᒡᔪᕕᓂᕐᓄᑦ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᐊᖓᔪᖅᑳᕐᔪᐊᖅ, ᐊᑕᓂᖅ!
ᐃᓴᕆᐊᓕᐅᑉ ᕿᑐᕐᖓᖏᑦ ᑐᐱᕆᐊᖃᕐᐳᑦ, ᓇᖕᒥᓂᖅ ᐃᓚᒌᑦ ᑐᐱᕐᕕᒋᔭᖏᑕ ᖃᓂᒋᔮᓂ, ᒪᓕᒐᑎᒃ ᒪᓕᒡᓗᒋᑦ, ᐅᓇᑕᕐᑐᒃᓴᖁᑎᑎᒃ ᒪᓕᒡᓗᒋᑦ;
“ᒪᕐᕉᖕᓂᒃ ᑎᑦᑐᓚᐅᑏᖕᓂᒃ ᓴᓇᓚᐅᕆᑦ ᐱᒋᓂᐊᕐᑕᕐᓂᒃ; ᓴᓇᓯᒪᔭᕆᐊᖃᕐᐴᒃ ᑲᓱᐊᕐᓯᒪᓗᑎᒃ; ᐊᑐᕆᐊᖃᕐᐹᒃᑭᒃ ᐃᓄᒋᐊᕐᑐᕐᔪᐊᓂᒃ ᕾᖁᔨᑦᔪᑎᒋᓗᒋᒃ ᑕᖕᒫᕐᓯᒪᔪᓪᓗ ᓱᒋᐊᖃᕐᒪᖔᑕ ᓇᓗᓁᕐᓯᑦᔪᑎᒋᓗᒋᒃ.
“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.
ᐃᓴᕆᐊᓕᒥᐅᓪᓕ ᓯᕗᓕᕐᑎᖏᑦ, ᐃᓚᒌᑦ ᓯᕗᓕᕕᓂᖏᓐᓄᑦ ᐊᐅᓚᑦᓯᔨᐅᔪᑦ, ᑭᖑᕚᖑᖃᑎᒌᓄᑦ ᓯᕗᓕᕐᑎᐅᔪᑦ ᓈᓴᕐᑕᐅᓚᐅᕐᑐᓄᑦ ᑐᓂᕐᕈᓯᕐᐳᑦ.
ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᑕᖕᒫᕐᓯᒪᖃᑦᑕᓚᐅᕐᐳᑦ, ᐊᑕᓂᐅᓪᓗ ᐱᖁᔨᓂᖓ ᒪᓕᒡᓗᒍ ᐃᖏᕐᕋᖃᑦᑕᕐᓗᑎᒃ; ᐊᑕᓂᐅᑉ ᐱᖁᔨᓂᖓ ᓈᓚᓚᐅᕐᐹᑦ, ᐊᑕᓂᖅ ᐱᖁᔨᖃᑦᑕᓚᐅᕐᒪᑦ ᒨᓯᓯᑯᑦ.
ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”
ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.
ᑕᕝᕙ ᑕᑯᓕᕐᐳᖓ ᐂᖏᓖᓂᒃ 7ᓂᒃ ᒎᑎᐅᑉ ᓵᖓᓂ ᓇᖏᕐᑐᓂᒃ, ᑎᑦᑐᓚᐅᑎᓂᒡᓗ 7ᓂᒃ ᑐᓂᓯᕕᐅᕗᑦ.
ᐅᓇᑕᕐᑐᒃᓮᑦ ᐱᖓᓱᐃᓕᖅᑲᖓᔪᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᒋᕗᑦ ᐃᒪᖃᐅᑎᓂᒡᓗ ᓯᖁᒥᑦᓯᓪᓗᑎᒃ, ᓴᐅᒥᖕᒥᖕᓂ ᓇᓂᕈᐊᕐᒥᒃ ᑎᒍᒥᐊᕐᓗᑎᒃ, ᑕᓕᕐᐱᖕᒥᖕᓄᓪᓗ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᓪᓗᑎᒃ, ᕾᒐᓛᕐᓗᑎᒡᓗ, “ᓴᕕᒡᔪᐊᖅ ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!”
