47 ᓕᕔᓪᓕ ᑭᖑᕚᖏᑦ ᓈᓴᖃᓯᐅᑎᔭᐅᓚᐅᓐᖏᓚ ᓯᕗᓕᕕᓂᕐᒥᖕᓄᑦ;
ᓕᕔᒃᑯᓪᓕ ᐱᓐᔭᒥᓂᑯᓪᓗ ᑭᖑᕚᖏᑦ ᓈᓴᖃᓯᐅᑎᓚᐅᓐᖏᓔᑦ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖏᑦ ᔪᐊᐱᐅᑉ ᐊᖏᖃᑎᒋᓚᐅᖏᓐᓇᒥᒋᑦ.
ᐊᕐᕌᒍᖃᕐᑐᑦ ᐊᕙᑎᓂᒃ ᐊᖓᔪᒋᔭᖏᓪᓗ ᑕᒪᕐᒥᒃ, ᐃᓴᕆᐊᓕᒥᐅᓂ ᐅᓇᑕᖃᑕᐅᔪᓐᓇᕐᑐᓕᒫᑦ. ᐃᕝᕕᓪᓗ ᐂᕉᓂᓗ ᓈᓴᕐᓯᒃᑯᒃ ᐅᓇᑕᕐᑐᒃᓴᐅᖃᑎᒌᑦ ᒪᓕᒡᓗᒋᑦ.
ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ, ᐅᖃᕐᓗᓂ,
ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.
ᓕᕔᑎᓪᓕ ᓈᓴᖃᓯᐅᑎᔭᐅᓚᐅᓐᖏᓚᑦ ᐃᓴᕆᐊᓕᓄᑦ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.
ᐅᑯᐊ ᑕᕝᕙ ᑎᑎᕋᕐᑕᐅᓯᒪᔪᑦ ᐂᕉᓂᐅᑉ ᒨᓯᓯᐅᓪᓗ ᐃᓚᖏᑦ ᐊᑕᓂᖅ ᒨᓯᓯᒧᑦ ᐅᖃᕐᑎᓪᓗᒍ ᖃᖅᑲᒥ ᓮᓁᒥ.
ᐊᒻᒪ ᐊᑕᓂᖅ ᐅᖃᓚᐅᕐᐳᖅ ᒨᓯᓯᒧᑦ ᓮᓁᒥ ᐃᓄᖃᔪᐃᑦᑐᒥ, ᐅᖃᕐᓗᓂ,
“ᓕᕔᑎᑦ ᕿᑐᕐᖓᖏᑦ ᓈᓴᒃᑭᑦ ᐃᓚᒌᑦ ᒪᓕᒡᓗᒋᑦ ᓯᕗᓕᕕᓂᖏᑕ ᐃᓚᒌᖕᓂᒋᑦ ᒪᓕᒡᓗᒋᑦ, ᐊᖑᑎᓕᒫᑦ ᓈᓴᕐᓗᒋᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒋᑦ ᐊᖓᔪᒃᓰᓪᓗ.”
ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᓈᓴᕐᑕᐅᓚᐅᕐᐳᑦ ᒨᓯᓯᒃᑯᑦ, ᐱᔨᑦᓯᕈᓐᓇᕐᓂᖏᑦ ᐱᔭᒃᓴᖏᓪᓗ ᐊᑐᓂᑦ ᒪᓕᒡᓗᒋᑦ; ᑍᒫᒃ ᓈᓴᕐᑕᐅᓚᐅᕐᐳᑦ, ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.
