ᓂᕼᐃᒤᐊᐅᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 9:6 Iomraidhean Croise

ᒨᓯᓯ ᓯᕗᓪᓖᑦ 1:1

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᒨᓯᓯ ᓯᕗᓪᓖᑦ 1:9

ᒎᑎᓗ ᐅᖃᕆᕗᖅ, “ᐃᒪᕐᔪᐊᖅ ᕿᓚᐅᑉ ᐊᑖᓂᑦᑐᖅ ᑲᑎᓪᓕ ᐊᑕᐅᓯᕐᒧᑦ, ᓄᓇᓗ ᐸᓂᕐᑐᖅ ᓴᖅᑭᓕᕐᓕ.” ᑍᒤᓕᕐᐳᕐᓗ.

ᒨᓯᓯ ᓯᕗᓪᓖᑦ 2:1

ᑕᕝᕙ ᕿᓔᓪᓗ ᓄᓇᕐᔪᐊᕐᓗ ᐱᔭᕇᓚᐅᕐᐳᑦ, ᐃᓂᖃᕐᑐᓪᓗ ᑖᒃᑯᓇᓂ.

ᒨᓯᓯ ᓯᕗᓪᓖᑦ 32:2

ᔧᑰᓪᓗ ᑕᑯᒐᒥᒋᑦ ᐅᖃᕐᐳᖅ, “ᐅᑯᐊ ᒎᑎᐅᑉ ᐅᓇᑕᕐᑐᒃᓴᖁᑎᖏᑦ”; ᑍᒤᒻᒪᑦ ᑖᓐᓇ ᐊᑦᓯᕐᐹ ᒪᕼᐊᓁᒥᒃ.

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᓂᕼᐃᒤᐊᐅᑉ ᐊᒡᓚᖏᑦ 9:5

ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ: “ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ, ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”

ᐃᓐᖏᕈᑎᑦ 102:25

ᑍᑦᓱᒪᓂᐊᓗᒃ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᑦ, ᐊᒡᒐᒃᐱᓪᓗ ᕿᓔᑦ ᓴᓇᓚᐅᕐᐰᑦ.

ᐃᓐᖏᕈᑎᑦ 103:21

ᐊᑕᓂᖅ ᓂᕐᑐᕐᓯᐅᒃ, ᕿᓚᖕᒥᐅᑕᔪᓯ ᑕᒪᑦᓯ, ᑖᑦᓱᒧᖓ ᐱᓇᓱᐊᕐᑎᐅᔪᓯ ᐱᔪᒪᔭᖓᓂᒃ ᐱᓕᕆᓪᓗᓯ!

ᐃᓐᖏᕈᑎᑦ 115:15

ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!

ᐃᓐᖏᕈᑎᑦ 124:8

ᐃᑲᔪᕐᑕᐅᓂᕗᑦ ᐊᑕᓂᐅᑉ ᐊᑎᖓᓃᑉᐳᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥ.

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 24:10

ᑭᓇ ᐊᖓᔪᖅᑳᕐᔪᐊᖑᕚ ᐱᓐᓇᕐᓇᕐᓂᕐᔫᓪᓗᓂ? ᐊᑕᓂᖅ ᑖᓐᓇᐅᕗᖅ, ᖁᑦᓯᖕᓂᕐᒦᑦᑐᖅ, ᑖᓐᓇᐅᕗᖅ ᐱᓐᓇᕐᓇᕐᓂᕐᔪᐊᒧᑦ ᐊᖓᔪᖅᑳᕐᔪᐊᖑᔪᖅ. ᓰᓚ

ᐃᓐᖏᕈᑎᑦ 33:6

ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.

ᐃᓐᖏᕈᑎᑦ 36:6

ᐃᓱᐊᕐᑐᓕᓃᑦ ᐊᑦᔨᖃᕐᐳᖅ ᒎᑎᐅᑉ ᖃᖅᑲᓂᒃ ᐳᕐᑐᔪᕐᔪᐊᓂᒃ; ᐃᖅᑲᕐᑐᐃᑦᓯᐊᕐᓃᓪᓗ ᐊᑦᔨᖃᕆᕗᖅ ᐃᒪᕐᔪᐊᓂᒃ ᐃᑎᔪᓂᒃ; ᐊᑕᓃᖅ, ᐃᑲᔪᕐᐸᑎᑦ ᑕᒪᕐᒥᒃ ᐃᓄᐃᓪᓗ ᐆᒪᔪᓪᓗ.

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 44:6

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᐂᓮᐊᓯᐅᑉ ᐊᒡᓚᖏᑦ 45:12

ᐅᕙᖓ ᓄᓇᕐᔪᐊᖅ ᓴᓇᓚᐅᕐᐸᕋ, ᐃᓄᒋᓂᐊᕐᑕᖏᓐᓂᒡᓗ ᓴᖅᑭᑎᑦᓯᓪᓗᖓ; ᐊᒡᒐᓐᓄᓪᓗ ᕿᓔᑦ ᐃᓯᕕᑎᓚᐅᕐᐸᒃᑲ, ᕿᓚᖕᒦᑦᑐᓪᓗ ᐋᖅᑭᒃᓯᒪᕗᑦ ᐱᖁᔨᓂᕋ ᒪᓕᒡᓗᒍ.

ᔨᕆᒤᐊᐅᑉ ᐊᒡᓚᖏᑦ 32:17

“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”

ᔪᐊᓇᓯᐅᑉ ᐊᒡᓚᖏᑦ 10:30

ᐅᕙᖓᓗ ᐊᑖᑕᓗ ᐊᑕᐅᓯᐅᕗᒍᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:24

ᐅᒃᐱᕐᑐᑦ ᑕᒪᑐᒥᖓ ᑐᓴᕋᒥᒃ; ᐊᑕᐅᑦᓯᒃᑯᑦ ᑐᒃᓯᐊᖃᑎᒌᓕᕐᐳᑦ ᒎᑎᒧᑦ ᐅᖃᕐᓗᑎᒃ, “ᑕᒤᓐᓄᑦ ᐊᑕᓂᐅᔪᑎᑦ, ᐱᓐᖑᕐᑎᑦᓯᓚᐅᕐᑐᑎᑦ ᕿᓚᖕᒥᒃ ᓄᓇᒥᒡᓗ ᐃᒪᕕᖕᒥᒡᓗ ᑕᕝᕙᓃᑦᑐᓕᒫᓂᒡᓗ,

ᒨᓯᓯ ᑕᓪᓕᒪᖏᑦ 10:14

ᑕᑯᒋᑦ, ᐊᑕᓂᐅᑉ ᒎᑎᑦᓯ ᕿᓔᑦ ᖁᕝᕙᓯᖕᓂᕐᐹᕆᔭᖏᑦ ᐱᖁᑎᒋᕔᑦ; ᓄᓇᕐᔪᐊᕐᑕᐅᖅ ᐱᖁᑎᒋᕚ, ᑖᑦᓱᒪᓃᑦᑐᓕᒫᓪᓗ ᐱᖁᑎᒋᒋᕔᑦ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᒨᓯᓯ ᑕᓪᓕᒪᖏᑦ 6:4

“ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 1:6

ᐊᒻᒪᓗ, ᐃᕐᓂᕐᑖᕆᐅᕈᑎᓂ ᑎᓕᓕᕋᒥᐅᒃ ᓯᓚᕐᔪᐊᕐᒧᑦ, ᐅᖃᓚᐅᕐᐳᖅ, “ᒎᑎᐅᑉ ᐂᖏᓕᖁᑎᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:7

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᒎᑎ ᐃᓕᕋᒋᓗᒍ ᓂᕐᑐᕐᑕᐅᓕ, ᒫᓐᓇ ᐃᓄᓕᒫᓂᒃ ᐃᖅᑲᕐᑐᐃᓂᒃᓴᖓ ᓇᓪᓕᐅᑎᖕᒪᑦ; ᑐᒃᓯᐊᕐᕕᒋᓯᐅᒃ ᐱᓐᖑᕐᑎᑦᓯᓚᐅᕐᑐᖅ ᕿᓚᖕᒥᒃ ᓄᓇᒥᒡᓗ, ᐃᒪᕐᕕᖕᒥᒡᓗ ᓄᓇᐅᓪᓗ ᐃᓗᐊᓂᑦ ᑰᒃᑐᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”