ᓂᕼᐃᒤᐊᐅᑉ ᐊᒡᓚᖏᑦ 9:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᓂᕼᐃᒤᐊᐅᑉ ᐊᒡᓚᖏᑦ 9:32 Iomraidhean Croise

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 17:3

ᓵᓪᒪᓃᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᓕᓚᐅᕐᐳᖅ ᑖᑦᓱᒧᖓ; ᐊᖓᔪᖅᑳᕐᔪᐊᖅ ᕼᐆᓯᐊ ᓵᓚᐅᒐᒥ, ᐊᑭᓕᕐᓱᐃᖃᑦᑕᕆᐊᖃᓕᓚᐅᕐᐳᖅ ᐊᕐᕌᒍᑕᒫᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓄᑦ.

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 23:29

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐰᕉ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑰᖕᒧᑦ ᐃᕗᕅᑎᒧᑦ ᐅᐸᒍᑎᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᑲᔪᕆᐊᕐᓗᓂ. ᔫᓮᐊᐅᑉ ᐅᓇᑕᕐᑎᖁᑎᖏᑕᓗ ᐅᓇᑕᕆᐊᕐᕕᒋᓪᓗᒍ ᐹᕆᐊᕐᑐᕐᐹᑦ, ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓᑦᑕ ᓂᑰᑉ ᐅᓇᑕᕐᓗᑎᒃ ᓵᓚᒋᓪᓗᒍ ᔫᓮᐊ ᑐᖁᑉᐹ ᓄᓇᒥ ᒥᒌᑐᒥ.

ᐊᑕᓃᑦ ᐂᑉᐸᖏᑦ 25:7

ᔨᑎᑬᐊ ᑕᑯᓐᓇᕐᑎᓪᓗᒍ ᐃᕐᓂᖏᑦ ᑐᖁᕋᕐᑕᐅᕗᑦ, ᓂᐱᑯᓁᓴᐅᓪᓗ ᔨᑎᑬᐊᐅᑉ ᐃᔨᖏᒃ ᖄᕐᑕᐅᑎᑉᐰᒃ, ᐊᕐᓵᕐᑑᔭᓄᓪᓗ ᐊᑦᑐᖏᕐᓱᕐᓗᒍ, ᐹᐱᓘᓂᒧᑦ ᐊᐅᓪᓚᕈᑎᕚ.

ᐄᓱᕋᐅᑉ ᐊᒡᓚᖏᑦ 4:10

ᐃᓅᖃᑎᒌᑦ ᐊᓯᖏᑦ ᐃᓚᒋᓪᓗᒋᑦ ᑖᑦᓱᒪ ᐱᓯᑎᒻᒪᕆᐊᓘᑉ ᐋᓐᓴᓈᐸᐅᑉ ᐊᐅᓪᓚᐅᑎᔭᕕᓂᖏᑦ ᓄᓇᖏᓐᓂᑦ ᓄᓇᑖᕐᑎᓪᓗᒋᓪᓗ ᐃᒡᓗᖓᓴᖕᓂ ᓴᒥᐊᕆᐊᒥ ᐊᓯᖏᓐᓂᓗ ᐃᕗᕅᑎᐅᑉ ᓴᐅᒥᖔᖓᓂᒥᐅᑦ ᓄᓇᖓᓂ.”

ᐄᓱᕋᐅᑉ ᐊᒡᓚᖏᑦ 4:2

ᑕᑯᔭᕐᑐᓚᐅᕐᐳᑦ ᔨᕈᐸᐱᐅᓪᒥᒃ ᐃᓚᒌᓄᓪᓗ ᐊᖓᔪᖅᑲᐅᔪᓂᒃ, ᐅᖃᐅᑎᓪᓗᒋᓪᓗ, “ᐃᓚᓕᐅᑎᓚᐅᕐᑕ ᓴᓇᑎᓪᓗᓯ ᑐᒃᓯᐊᕐᕕᖕᒥᒃ, ᑐᒃᓯᐊᕐᕕᖃᖃᑦᑕᕐᐳᒍᑦ ᒎᑎᒧᑦ ᑖᑦᓱᒧᖓᑦᓮᓐᓇᖅ ᑐᒃᓯᐊᕐᕕᒋᕙᒃᑕᑦᓯᓐᓄᑦ, ᑐᓂᕐᕈᓯᖃᑦᑕᓚᐅᕆᕗᒍᓪᓗ ᑐᓂᕐᕈᓯᕈᑎᓂᒃ ᑖᑦᓱᒧᖓ ᑍᑦᓱᒪᓐᖓᒥᑦ ᐱᒋᐊᕐᓗᑕ ᐊᖓᔪᖅᑳᕐᔪᐊᑉ ᐃᓴᕼᐊᑕᓂᐅᑉ ᐊᓯᕆᐊᒥᐅᑕᐅᑉ ᑕᒪᐅᖓ ᐊᐅᓪᓚᕐᑎᓚᐅᕐᓯᒪᖕᒪᑎᒍᓂᑦ ᓄᓇᖃᓕᕐᓗᑕᓗ ᑕᒫᓂ.”

ᐄᓱᕋᐅᑉ ᐊᒡᓚᖏᑦ 9:13

ᐸᓯᔭᒃᓴᐅᓂᕗᑦ ᐊᔪᕐᑐᓕᓂᑦᑎᓐᓄᑦ ᑕᒻᒪᕐᓂᑦᑎᓐᓄᓪᓗ ᐊᑐᕇᕋᓗᐊᕐᒪᑕ, ᖃᐅᔨᒪᕗᒍᑦ ᐃᕝᕕᑦ ᒎᑎᕘᑦ, ᓱᒋᐊᓚᐅᕋᑦᑎᒍᑦ ᓱᒋᐊᕐᑕᐅᔭᕆᐊᖃᕐᓂᑦᑕ ᒥᒃᓯᑦᑎᓐᓄᑦ ᐃᓅᔪᓐᓇᕐᑎᓚᐅᕋᑦᑎᒍᓪᓗ ᑍᒤᒃᑲᓗᐊᕐᑎᓪᓗᑕ,

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 47:2

ᐊᑕᓂᖅ ᖁᑦᓯᖕᓂᕐᐹᖑᔪᖅ ᐊᔪᖏᑦᑐᕐᔪᐊᖑᕗᖅ; ᐊᔪᖏᓐᓂᕐᐹᖑᓪᓗᓂ ᐊᖓᔪᖅᑳᔪᐊᖑᕗᖅ ᓄᓇᕐᔪᐊᓕᒫᒧᑦ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 66:5

ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ; ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.

ᒨᓯᓯ ᐂᑉᐸᖏᑦ 18:8

ᒨᓯᓯᐅᓪᓗ ᓴᑭᓂ ᐅᓂᒃᑲᐅᑎᓕᕐᐹ ᐊᑕᓂᐅᑉ ᐱᓇᓱᐊᓚᐅᕐᑕᓕᒫᖏᓐᓂᒃ ᐰᕉᒧᑦ ᐄᑦᔨᑉᑎᒥᐅᓄᓪᓗ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᓂᒃᑲᐅᑎᒋᓪᓗᓂᐅᒡᓗ ᐃᓴᕆᐊᓕᒥᐅᑦ ᖃᓄᖅ ᐅᖁᒤᑦᑐᒃᑰᕐᓯᒪᓂᖏᓐᓂᒃ ᐃᖏᕐᕋᓕᕐᑎᓪᓗᒋᑦ ᖃᓄᕐᓗ ᐊᑕᓂᕐᒧᑦ ᓴᐳᑎᔭᐅᓯᒪᓂᕐᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:6

ᐱᔨᑎᑦ ᐅᖃᕐᑎᑎᑦ ᓈᓚᖃᑦᑕᕐᓯᒪᖏᓐᓇᑦᑎᒍ, ᐃᕝᕕᑦ ᐊᑎᖓᓂ ᐅᖃᓪᓚᖃᑕᕐᓯᒪᔪᑦ ᐊᖓᔪᖅᑳᕐᔪᐊᓄᑦ, ᐊᖓᔪᖅᑳᓄᓪᓗ ᓯᕗᓕᕕᓂᑦᑎᓐᓄᓪᓗ, ᐃᓄᖕᓄᓪᓗ ᓄᓇᑎᓐᓂ ᓄᓇᖃᕐᑐᓕᒫᓄᑦ.

ᑖᓂᐊᓕᐅᑉ ᐊᒡᓚᖏᑦ 9:8

ᐊᑕᓃᖅ, ᐅᕙᒍᑦ ᐊᖓᔪᖅᑳᕐᔪᐊᕗᑦ, ᐊᖓᔪᖅᑳᕗᓪᓗ, ᓯᕗᓕᕕᓂᕗᓪᓗ ᐅᓕᒃᓯᒪᕗᒍᑦ ᑲᓐᖑᓱᖕᓂᕐᒥᒃ, ᐊᔪᕐᑐᓕᓯᒪᒐᑦᑕ ᐃᓕᖕᓄᑦ.

ᒨᓯᓯ ᐱᖓᔪᖏᑦ 26:18

“ᑕᒪᒃᑯᐊ ᐊᑐᓚᐅᕐᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᕐᐸᑦᓯ 7ᐃᕐᑑᑎᓪᓗᐊᖏᓐᓂᑦ ᐱᐅᖏᓐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:21

“ᓱᓕ ᐅᕙᓐᓄᑦ ᓵᖓᓇᓱᐊᖏᒃᑯᑦᓯ ᓈᓚᒍᒪᖏᓪᓗᓯᓗ ᐅᕙᓐᓂᒃ, ᓱᒋᐊᕐᑕᐅᓂᓯ ᐊᖏᒡᓕᑎᒃᑲᓐᓂᕐᓂᐊᕐᐸᕋ 7ᐃᕐᑑᑎᓪᓗᐊᖏᓐᓂ, ᐱᐅᖏᑦᑐᓕᓂᓯ ᒪᓕᒡᓗᒍ.

ᒨᓯᓯ ᐱᖓᔪᖏᑦ 26:24

ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᓂᐊᕐᐸᑦᓯ, ᓱᒋᐊᕐᓂᐊᕐᐸᑦᓯᓗ ᐱᐅᖏᑦᑐᓕᓂᓯ ᐱᓪᓗᒍ ᓱᒋᐊᕐᑕᐅᓂᒃᓮᑦ ᐅᖃᐅᓯᕆᔭᒃᑲ 7ᐃᕐᑐᕐᓗᒋᑦ ᑲᑉᐱᐊᓇᕐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒨᓯᓯ ᑕᓪᓕᒪᖏᑦ 7:12

“ᑖᒃᑯᓂᖓ ᐱᖁᔨᑦᔪᑎᓂᒃ ᓈᓚᒃᑯᕕᑦ ᒪᓕᑦᓯᐊᕈᕕᒋᓪᓗ ᓱᖁᓯᔪᐃᑦᑑᓗᑎᑦ, ᑕᕝᕙ ᐊᑕᓂᐅᑉ ᒎᑎᕕᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᕕᒋᓂᐊᕐᐹᑎᑦ ᓇᒡᓕᒍᓱᖕᓂᕐᒥᓂᒡᓗ ᑍᒪᓐᖓᑦ ᖃᐅᔨᑎᖃᑦᑕᕐᓂᐊᕐᐹᑎᑦ, ᑕᒪᑐᒥᖓ ᓯᕗᓕᕕᓂᕐᓯ ᐊᖏᕐᕕᒋᓯᒪᖕᒪᒋᑦ;

ᒨᓯᓯ ᑕᓪᓕᒪᖏᑦ 7:13

ᑕᕝᕙ ᓇᒡᓕᒋᓂᐊᕐᐹᑎᑦ ᓮᒻᒪᕐᑎᓪᓗᓂᑎᓪᓗ, ᐃᓄᒋᐊᒃᓯᕙᓪᓕᐊᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᓂᑎᓪᓗ ᐅᓄᕐᑐᓂᒃ; ᐱᕈᕐᓰᕕᖁᑎᑎᓪᓗ ᓮᒻᒪᕐᑎᓐᓂᐊᕆᕔᑦ, ᐱᕈᕐᕕᐅᑦᓯᐊᖁᓪᓗᒋᑦ ᓂᕿᒃᓴᓂᒃ, ᕔᓂᒃᓴᓂᒡᓗ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ; ᓮᒻᒪᕐᑎᓐᓂᐊᕐᐹᓯᓗ ᑐᓂᓯᕕᒋᓗᓂᓯ ᐆᒪᔪᖁᑎᒃᓴᑦᓯᓐᓂᒃ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓰᐱᓂᒡᓗ. ᑕᒪᒃᑯᓂᖓ ᑕᕝᕙ ᑐᓂᓯᕕᒋᒐᔭᕐᐹᓯ ᓮᒻᒪᕐᑎᓪᓗᓂᓯ ᑕᒫᓂ ᓄᓇᒥ ᑕᒪᓐᓇ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᖕᒪᒍ ᑕᒪᒃᑯᓂᖓ ᑐᓂᓯᕕᒋᔪᒪᓪᓗᓯ.

ᒨᓯᓯ ᑕᓪᓕᒪᖏᑦ 7:21

ᑍᒤᒻᒪᑦ ᑖᒃᑯᓂᖓ ᓯᕘᕋᔪᒃᓴᐅᓐᖏᓚᓯ, ᐊᑕᓂᐅᑉ ᒎᑎᑦᓯ ᐃᓚᒋᖕᒪᓯ, ᑖᓐᓇ ᐊᔪᖏᑦᑐᕐᔪᐊᖑᖕᒪᑦ ᓯᕘᕋᒋᔭᐅᔭᕆᐊᖃᕐᓗᓂᓗ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,