ᓂᕼᐃᒤᐊᐅᑉ ᐊᒡᓚᖏᑦ 9:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 9:29 Iomraidhean Croise

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᑯᕉᓂᑲ ᐂᑉᐸᖏᑦ 24:19

ᑍᒤᒃᑲᓗᐊᕐᑎᓪᓗᒋᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᓂ ᑎᓕᓚᐅᕐᐰᑦ ᑖᒃᑯᓄᖓ ᐅᑎᖁᓪᓗᒋᑦ ᐊᑕᓂᕐᒧᑦ; ᐅᖃᐅᑦᔨᒋᐊᕈᑕᐅᔪᓪᓕ ᑖᒃᑯᓄᖓ, ᓈᓚᒃᑕᐅᓚᐅᓐᖏᓚᑦ ᑖᒃᑯᓇᓐᖓᑦ.

ᑯᕉᓂᑲ ᐂᑉᐸᖏᑦ 33:10

ᐊᑕᓂᖅ ᐅᖃᓚᐅᕐᐳᖅ ᒫᓇᓯᒧᑦ ᐃᓄᖁᑎᖏᓐᓄᓪᓗ, ᑖᒃᑯᐊᓕ ᓈᓚᓚᐅᓐᖏᓚᑦ.

ᑯᕉᓂᑲ ᐂᑉᐸᖏᑦ 36:15

ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᓂᕼᐃᒤᐊᐅᑉ ᐊᒡᓚᖏᑦ 9:16

ᓯᕗᓕᕕᓂᕗᓪᓕ ᐱᐅᔪᕆᓕᓚᐅᕐᐳᑦ ᓯᑎᔫᓕᕐᓗᑎᒡᓗ ᐱᖁᔭᕐᓂᒡᓗ ᓈᓚᒍᒪᔪᓐᓁᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:26

ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 17:23

ᑖᒃᑯᐊᓕ ᓈᓚᓚᐅᓐᖏᓚᑦ ᑐᓴᓚᐅᓐᖏᓚᓪᓗ, ᓯᑎᔫᒐᓱᓚᐅᕐᐳᓪᓕ ᓈᓚᒍᒪᓇᑎᒡᓗ ᐅᖃᐅᑦᔫᓯᐊᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 42:19

“ᐃᓕᑦᓯ ᔫᑕᒥ ᐊᒥᐊᒃᑰᔪᓯ, ᐊᑕᓂᐅᑉ ᐅᖃᐅᑎᕚᓯ, ᐃᓂᕐᑎᕐᓗᓯ ᐄᑦᔨᑉᑎᒧᐊᖁᓐᖏᓚᑦᓯ. ᖃᐅᔨᓕᕆᑦᓯ ᖁᓚᕐᓇᖏᑦᑐᒥᒃ ᐅᓪᓗᒥ ᐃᓂᕐᑎᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 44:10

ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 6:5

ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᕐᑎᒃᑲ ᑎᓕᓚᐅᕐᐸᒃᑲ, ᐅᖃᕆᐊᕐᑐᖁᓪᓗᒋᑦ ᐅᖃᐅᓯᕐᓄᑦ ᑐᖁᓚᐅᕐᐸᒃᑲ, ᐃᖅᑲᕐᑐᐃᓂᕋᓗ ᐱᒋᐊᓚᐅᕐᐳᖅ ᖃᐅᒻᒪᓕᕐᑐᑎᑐᑦ.

ᒨᓯᓯ ᐱᖓᔪᖏᑦ 18:5

ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’

ᒫᑎᐅᓯᐅᑉ ᐊᒡᓚᖏᑦ 19:17

ᔩᓱᓯᐅᑉ ᑭᐅᕚ, “ᓱᖕᒪᑦ ᐊᐱᕆᕕᖓ ᓱᓇ ᐱᐅᖕᒪᖔᑦ? ᐊᑕᐅᓯᖅ ᑭᓯᒥ ᐱᐅᔪᑑᕗᖅ. ᐃᓅᓯᕐᒧᑦ ᓄᖑᓱᐃᑦᑐᒧᑦ ᐃᑎᕈᒪᒍᕕᑦ ᐱᖁᔭᓂᒃ ᒪᓕᑦᓯᐊᓕᕆᑦ.”

ᓘᑲᓯᐅᑉ ᐊᒡᓚᖏᑦ 10:28

ᔩᓱᓯᐅᑉ ᑭᐅᕚ, “ᑍᒫᑦᓯᐊᖅ ᑭᐅᕗᑎᑦ; ᑍᒤᓕᐅᕆᑦ ᑕᕝᕙ ᐃᓅᓂᐊᕐᐳᑎᑦ.”

ᕉᒪᒥᐅᓄᑦ 10:5

ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᒐᓔᑎᐊᒥᐅᓄᑦ 3:12

ᐱᖁᔭᓪᓕ ᐅᒃᐱᕐᓂᒃᑯᑦ ᐱᓐᖏᓚᑦ, ᐅᖃᕐᓯᒪᖕᒪᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᒨᓯᓯ ᑕᓪᓕᒪᖏᑦ 31:21

ᑕᕝᕙ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᑎᓄᓪᓗ ᐅᓄᕐᑐᓄᑦ ᑎᑭᑕᐅᔪᒫᕐᐳᑦ, ᑖᑦᓱᒪ ᐃᓐᖏᕈᓯᐅᑉ ᓵᓐᖓᔪᒫᕐᐰᑦ ᓇᓗᓁᕐᓯᓗᓂ ᑖᒃᑯᓂᖓ ᑖᓐᓇ ᐳᐃᒍᕐᑕᐅᓂᐊᖏᒻᒪᑦ ᑭᖑᕚᖏᑕ ᖃᓂᖏᓐᓂᑦ ᖃᐅᔨᒪᒐᒪ ᖃᓄᐃᓕᐅᕋᓱᐊᕐᑕᖏᑦ ᐋᖅᑭᒃᐸᓪᓕᐊᖕᒪᑕ, ᓱᓕ ᑎᑭᑎᓚᐅᖏᒃᑲᓗᐊᕐᓗᑎᒃ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑐᓂᓂᐊᕐᓂᕋᕐᓗᒍ ᑖᒃᑯᓄᖓ.”

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᐃᓗᐊᕐᓮᔩᑦ ᐊᒡᓚᖏᑦ 6:10

ᐅᖃᐅᑎᓚᐅᕐᐸᑦᓯ, ‘ᐅᕙᖓ ᐊᑕᓂᐅᕗᖓ ᒎᑎᓯ; ᐊᒧᕅᑎᑦ ᒎᑎᖏᓐᓂᒃ, ᐅᐱᒋᔭᖃᓕᕐᑐᒃᓴᐅᓐᖏᓚᓯ ᑖᒃᑯᐊ ᓄᓇᖏᓐᓂ ᒫᓐᓇ ᓄᓇᖃᓕᕐᑐᓯ.’ ᑭᓯᐊᓂᓕ ᓂᐱᓐᓂᒃ ᑐᓴᕐᑑᔮᓚᐅᓐᖏᓚᓯ.”