ᓂᕼᐃᒤᐊᐅᑉ ᐊᒡᓚᖏᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:27 Iomraidhean Croise

ᐊᑕᓃᑦ ᐂᑉᐸᖏᑦ 13:5

ᑍᒤᒻᒪᑦ ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑦᔨᔨᒃᓴᖓᓂᒃ ᑎᓕᓯᕕᒋᓚᐅᕐᐰᑦ, ᓯᕆᐊᒥᐅᓄᑦ ᑎᒍᒥᐊᕐᑕᐅᔪᓐᓃᖁᓪᓗᒋᑦ; ᑕᕝᕙ ᐃᓴᕆᐊᓕᒥᐅᑦ ᐅᑎᕈᓐᓇᕐᓯᓚᐅᕐᐳᑦ ᓄᓇᒋᕙᓚᐅᕐᑕᒥᖕᓄᑦ ᐊᖏᕐᕋᕐᓯᒪᔪᓐᓇᓕᕆᓪᓗᑎᒃ.

ᐊᑕᓃᑦ ᐂᑉᐸᖏᑦ 14:27

ᐊᑕᓂᐅᑉ ᐃᓴᕆᐊᓕᒥᐅᑦ ᕿᓚᐅᑉ ᐊᑖᓂ ᓄᖑᑦᓱᒪᓪᓗᒋᑦ ᐅᖃᕐᓯᒪᓚᐅᖏᒻᒪᑦ, ᐱᐅᓕᓚᐅᕐᐰᓪᓕ ᔨᕈᐳᐊᒻᑯᑦ ᔪᐊᓯᐅᑉ ᐃᕐᓂᖓᒍᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:39

ᐃᒫᖔᕐᓕ ᐊᑕᓂᖅ ᒎᑎᓯ ᓯᕘᕋᒋᓗᒍ ᑐᒃᓯᐊᕐᕕᒋᔭᒃᓴᕆᕙᓯ, ᑖᑦᓱᒪ ᑕᕝᕙ ᐊᑭᕋᕐᑐᕐᑎᓕᒫᑦᓯᓐᓂᑦ ᐱᐅᓕᓂᐊᕐᐹᓯ.”

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 9:19

ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.

ᐃᓐᖏᕈᑎᑦ 136:24

ᐱᐅᓕᒃᓯᓚᐅᕐᑐᕐᓗ ᐊᑭᕋᕐᑐᕐᑎᑦᑎᓐᓂᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᐅᐸᑍᐊᑉ ᐊᒡᓚᖏᑦ 1:21

ᓴᐳᑦᔨᔨᒃᓴᑦ ᒪᔪᐊᕈᒫᕐᐳᑦ ᓮᐅᓂᐅᑉ ᖃᖅᑲᖓᓄᑦ ᐄᓴᐅᑉ ᖃᖅᑲᖓᓃᑦᑐᑦ ᐊᐅᓚᓐᓂᐊᕐᓗᒋᑦ, ᐊᑕᓂᐅᕕᒡᓗ ᑖᓐᓇ ᐊᑕᓂᐅᑉ ᐱᒋᔪᒫᕐᐹ.”

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.