ᓂᕼᐃᒤᐊᐅᑉ ᐊᒡᓚᖏᑦ 9:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓄᖁᑎᑎᓪᓗ ᐃᒡᓗᒐᓴᖕᓂᒃ ᓴᐴᓗᑕᕐᔪᐊᓕᖕᓂᒃ ᓵᓚᖃᓚᐅᕐᐳᑦ, ᓄᓇᒥᒡᓗ ᐱᕈᕐᑐᓕᖕᒥᒃ, ᐃᒡᓗᓂᒡᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐃᒥᕐᑕᕐᕖᓪᓗ ᐃᑎᕐᓴᓕᐅᕇᕐᓯᒪᔪᑦ, ᓇᐹᕐᑐᓂᒡᓗ ᐅᕐᓱᒃᓴᓕᖕᓂᒃ, ᐱᕈᕐᑐᓕᖕᓂᒡᓗ, ᕔᓂᒃᓴᓕᖕᓂᒡᓗ ᑐᓂᓚᐅᕐᐸᑎᑦ, ᓂᕆᔪᒪᔭᓕᒫᒥᓂᒡᓗ ᓂᕆᓚᐅᕐᐳᑦ ᖁᐃᒃᓯᓪᓗᑎᒡᓗ; ᖁᕕᐊᓲᑎᖃᓚᐅᕐᐳᓪᓗ ᐱᐅᔪᓂᒃ ᑐᓂᔭᕐᓂᒃ ᑖᒃᑯᓄᖓ.

ᓂᕼᐃᒤᐊᐅᑉ ᐊᒡᓚᖏᑦ 9:25 Iomraidhean Croise

ᐊᑕᓃᑦ ᓯᕗᓪᓖᑦ 14:9

ᐃᕝᕕᓪᓕ ᐱᐅᖏᓐᓂᕐᐹᓂᒃ ᓯᕗᓕᕆᓚᐅᕐᑕᓕᒫᕐᓂᑦ ᐱᓇᓱᐊᕐᐳᑎᑦ ᒎᑎᓐᖑᐊᓕᐅᓚᐅᕋᕕᑦ ᐃᓄᓐᖑᐊᓕᐅᕐᓗᑎᓪᓗ ᓂᓐᖓᒃᓮᓪᓗᑎᑦ ᐅᕙᓐᓂᒃ, ᕿᒤᓪᓗᑎᓪᓗ ᐅᕙᓐᓂᒃ.

ᐊᑕᓃᑦ ᓯᕗᓪᓖᑦ 8:66

ᐅᓪᓗᐃᑦ 8ᒋᓕᕐᑕᖓᓂ ᓲᓗᒨᓂᐅᑉ ᐃᓄᐃᑦ ᐊᖏᕐᕋᕐᑎᑉᐰᑦ; ᑖᒃᑯᐊᓕᒫᓪᓗ ᓂᕐᑐᐃᕗᑦ ᓲᓗᒨᓂᒥᒃ ᖁᕕᐊᓱᒡᓗᑎᒃ, ᓮᒻᒪᕐᑎᑕᐅᓂᐊᓗᐃᑦ ᑕᒪᕐᒥᒃ ᐊᑕᓂᕐᒥᑦ ᐱᔪᑦ ᐱᓪᓗᒋᑦ, ᑐᓂᓯᓚᐅᕐᓂᖓᓄᑦ ᐱᔨᒥᓄᑦ ᑍᕕᑎᒧᑦ ᐃᓄᓕᒫᓄᓪᓗ ᐃᓴᕆᐊᓕᒥ.

ᓂᕼᐃᒤᐊᐅᑉ ᐊᒡᓚᖏᑦ 9:35

ᓮᒻᒪᕐᑎᑦᓯᓂᕐᓄᑦ, ᐊᖓᔪᖅᑳᕐᔪᐊᑦ ᐊᐅᓚᑦᓯᓚᐅᕐᐳᑦ ᐃᓄᖁᑎᖕᓂᒃ ᓄᓇᖃᑦᓯᐊᕐᓂᖏᓐᓂ ᐱᕕᑐᔪᒥ, ᐱᕈᕐᑐᖃᑦᓯᐊᕐᑐᒥᒡᓗ ᓄᓇᒥᒃ ᑐᓂᓚᐅᕐᐸᑎᑦ; ᑭᓯᐊᓂᓕ ᐊᔪᕐᑐᓕᓂᕐᒥᖕᓂᒃ ᕿᒤᓚᐅᓐᖏᓚᑦ, ᐱᔨᑦᓯᓚᐅᕋᑎᒡᓗ ᐃᓕᖕᓂᒃ.

ᐃᓐᖏᕈᑎᑦ 105:44

ᑐᓂᓯᕕᒋᓚᐅᕐᐰᓪᓗ ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᓄᓇᖓᓐᓂᒃ; ᑕᒫᓂ ᓄᓇᖃᓚᐅᕐᑐᑦ ᐱᖁᑎᖏᓐᓂᒃ ᐱᑖᖁᓪᓗᒋᑦ ᓇᖕᒥᓂᕐᑖᕆᓗᒋᑦ,

ᐃᓐᖏᕈᑎᑦ 65:11

ᐊᕐᕌᒍ ᓂᐊᖂᓯᕐᐸᑦ ᐱᑦᓯᐊᕐᓂᕐᓂᒃ, ᐊᒃᓴᓗᐊᓕᖕᒧᑦ ᐊᖅᑯᓵᕐᑕᑎᑦ ᑯᑐᒃᐳᑦ ᐊᒥᒐᕐᓯᖏᓐᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᐂᓮᐊᓯᐅᑉ ᐊᒡᓚᖏᑦ 63:7

ᐊᑕᓂᐅᑉ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐅᓂᒃᑲᐅᓯᕆᔪᒪᕙᕋ, ᐊᑕᓂᐅᓪᓗ ᓂᕐᑐᕐᓇᕐᓂᖓ, ᐊᑕᓂᐅᓪᓗ ᐱᓂᐊᕐᓂᕆᓯᒪᔭᓕᒫᖏᑦ ᐅᕙᑦᑎᓐᓄᑦ, ᐱᑦᓯᐊᕐᓂᕆᖃᑦᑕᕐᓯᒪᔭᖏᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᓐᓄᑦ ᐱᓂᐊᕐᓂᕆᕙᓚᐅᕐᑕᖏᑦ ᑖᒃᑯᓂᖓ ᓂᑲᒍᓱᖕᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 31:14

ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᑖᓂᐊᓕᐅᑉ ᐊᒡᓚᖏᑦ 11:24

ᓄᓇᐅᑉ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᑦ ᐊᔪᕐᓴᖏᓐᓂᕐᐹᑦ ᓵᓚᐅᓂᐊᕋᓱᒋᓐᖏᑎᓪᓗᒋᑦ, ᐅᓇᑕᕆᐊᖃᑦᑕᕈᒫᕐᐰᑦ, ᓵᓚᖃᕈᒫᕐᓗᓂᓗ, ᓯᕗᓕᖏᑕ ᓯᕗᓕᑐᖃᖏᑕᓘᓐᓃᑦ ᐱᓚᐅᕐᓯᒪᓐᖏᑕᖏᓐᓂᒃ ᓵᓚᖃᕈᒫᕐᐳᖅ, ᓵᓚᒃᓴᕈᑎᓂ ᐱᖁᑏᑦ, ᑮᓇᐅᔧᓪᓗ, ᐊᔪᕐᓴᖏᑦᔪᑎᒃᓮᓪᓗ ᓱᓇᑐᐃᓐᓁᑦ ᑐᓂᐅᖅᑲᕐᓗᒋᑦ ᒪᓕᒃᑎᒥᓄᑦ, ᐃᓱᒪᓕᐅᖃᑦᑕᕈᒫᕐᓗᓂᓗ ᓄᓇᓖᑦ ᐊᕙᓗᕐᔪᐊᖏᓐᓂᒃ ᓵᓚᖃᕈᑎᒃᓴᒥᓂᒃ ᐅᓇᑕᕐᓂᒃᑯᑦ, ᑭᓯᐊᓂ ᐱᕕᒃᓴᑭᑦᑑᔪᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 13:6

ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᒨᓯᓯ ᑕᓪᓕᒪᖏᑦ 3:5

ᑖᒃᑯᐊ ᐃᒡᓗᒐᓮᑦ ᐱᔭᐅᑦᔧᕐᓯᒪᓚᐅᕐᐳᑦ ᐳᕐᑐᔪᓂᒃ ᐊᕙᓗᕐᔪᐊᖃᕐᓗᑎᒃ, ᐃᑎᕐᑕᕐᕕᒃᔪᐊᖃᕐᓗᑎᒃ, ᐃᑎᕐᑕᕐᕕᖏᓪᓗ ᓴᕕᕋᔭᖕᓂᒃ ᐃᑳᖓᔪᓂᒃ ᓴᓐᓂᕈᐊᖃᕐᓗᑎᒃ, ᐃᓚᖏᓪᓕᑦᑕᐅᖅ ᐃᒡᓗᒐᓮᑦ ᐅᓄᕐᑐᑦ ᐊᕙᓗᕐᔪᐊᖃᓚᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.