ᓂᕼᐃᒤᐊᐅᑉ ᐊᒡᓚᖏᑦ 9:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ, ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ; ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:20 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 143:10

ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.

ᒨᓯᓯ ᐂᑉᐸᖏᑦ 16:15

ᐃᓴᕆᐊᓕᒥᐅᓪᓗ ᑕᑯᒐᒥᑦᔪᒃ ᑭᓲᖕᒪᖔᑦ ᓇᓗᕚᑦ, ᐃᒻᒥᖕᓄᓪᓗ ᐊᐱᕆᖃᑦᑕᐅᑎᓕᕐᐳᑦ, “ᓱᓇ ᒪᓐᓇ?” ᒨᓯᓯᐅᑉ ᐅᖃᐅᑎᕔᑦ, “ᑕᒪᑦᔭ ᐊᑕᓂᐅᑉ ᑐᓂᓯᒪᔭᖓ ᓂᕿᒃᓴᕆᔭᐅᖁᓪᓗᓂᐅᒃ ᐃᓕᑦᓯᓐᓄᑦ.

ᒨᓯᓯ ᐂᑉᐸᖏᑦ 16:35

ᐃᓴᕆᐊᓕᒥᐅᓪᓗ ᓂᕿᖃᓚᐅᕐᐳᑦ ᒫᓇᒥᒃ ᐊᕐᕌᒍᓂᒃ 40ᓂᒃ, ᓄᓇᒧᑦ ᐱᕈᕐᑐᓕᖕᒧᑦ ᑎᑭᓚᐅᖏᓐᓂᕐᒥᖕᓂ; ᓂᕿᖃᓚᐅᕐᐳᑦ ᒫᓇᒥᒃ, ᑬᓇᓂᐅᑉ ᓄᓇᖓᓄᑦ ᑎᑭᓚᐅᖏᓐᓂᕐᒥᖕᓂ.

ᒨᓯᓯ ᐂᑉᐸᖏᑦ 16:4

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᓂᕿᒃᓴᑦᓯᓐᓂᒃ ᕿᓚᖕᒥᑦ ᑲᑕᒐᕐᑎᑦᓯᓂᐊᕋᒪ ᓯᓚᓗᒃᑐᑎᑐᑦ. ᐃᓄᐃᑦ ᖃᐅᑕᒫᑦ ᐅᓪᓗᒧᑦ ᐊᑕᐅᓯᕐᒧᑦ ᓂᕿᒃᓴᒥᖕᓂᒃ ᑲᑎᑦᓯᔭᕐᑐᖃᑦᑕᕆᐊᖃᕐᓂᐊᕐᐳᑦ, ᑍᒤᓕᐅᕐᑎᓪᓗᒋᑦ ᖃᐅᔨᓴᕈᓐᓇᕐᓂᐊᕐᐸᒃᑲ ᐱᖁᔭᓐᓂᒃ ᐊᑐᕐᓯᔪᓐᓇᕐᓂᐊᕐᒪᖔᑕ.

ᒨᓯᓯ ᐂᑉᐸᖏᑦ 17:3

ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”

ᒨᓯᓯ ᐂᑉᐸᖏᑦ 17:6

ᐱᖃᑎᒋᓂᐊᕐᐸᒋᓪᓗ ᕾᕐᑐᒑᕐᒦᓕᕐᑎᓪᓗᑎᑦ ᖃᖅᑲᒥ ᕼᐆᕆᑉᒦᑦᑐᒥ, ᕾᕐᑐᕐᓗ ᐊᓇᐅᒍᕕᐅᒃ ᐃᒥᖅ ᑯᕕᓕᕐᓂᐊᕐᐳᖅ ᑕᕝᕙᓐᖓᑦ ᐃᓄᐃᑦ ᐃᒥᕈᓐᓇᖁᓪᓗᒋᑦ.” ᒨᓯᓯᓗ ᑍᒫᒃ ᐱᓂᐊᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᑕᒃᑯᐊᓂ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᕼᐊᒊᑉ ᐊᒡᓚᖏᑦ 2:5

‘ᑕᒪᓐᓇ ᐊᖏᕈᑎᒋᓚᐅᕋᒃᑯ ᐃᓕᑦᓯᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᓯ, ᐊᓂᕐᓂᕋ ᓱᓕ ᐃᓕᑦᓯᓐᓃᒻᒪᑦ; ᑍᒤᒻᒪᑦ ᑲᑉᐱᐊᓱᒃᑍᓕᒋᑦᓯ!’

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᕉᒪᒥᐅᓄᑦ 15:30

ᐊᒃᓱᕈᕐᓗᖓ ᐃᓇᑉᐸᑦᓯ ᐃᓅᖃᑎᒃᑲ, ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᓂᕐᓂᐅᓪᓗ ᓇᒡᓕᒍᓱᖕᓂᖓᒍᑦ, ᐊᒃᓱᕈᖃᑎᒋᓗᖓ ᑐᒃᓯᐅᑎᓚᐅᕐᓯᓐᖓ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:3

ᑕᒪᕐᒥᒡᓗ ᐊᑦᔨᒌᒥᒃ ᓂᕆᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ.

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᔮᓱᐊᑉ ᐊᒡᓚᖏᑦ 5:12

ᑍᒤᒻᒪᑦ ᓂᕿᒃᓴᖓᑦ ᒫᓇ ᓄᖅᑲᓚᐅᕐᐳᖅ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᒍ ᓂᕆᑐᐊᕐᒪᑕ ᓄᓇᒥᑦ ᑬᓇᓂᒥ ᐱᕈᕐᑐᕕᓂᕐᓂᒃ; ᐃᓴᕆᐊᓕᒥᐅᓪᓗ ᒫᓇᒥᒃ ᓂᕆᖃᑦᑕᕈᓐᓁᓚᐅᕐᐳᖅ, ᑬᓇᓂᒥᓪᓕ ᓂᕿᒃᓴᓂᒃ ᓂᕆᖃᑦᑕᖔᓕᓚᐅᕐᐳᑦ ᐊᕐᕌᒍᒥ ᑕᕝᕙᓂ ᐱᒋᐊᕐᓗᑎᒃ.

ᐲᑦᑐᕉᓯ ᐂᑉᐸᖏᑦ 1:21

ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.