ᓂᕼᐃᒤᐊᐅᑉ ᐊᒡᓚᖏᑦ 9:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:17 Iomraidhean Croise

ᐊᑕᓃᑦ ᓯᕗᓪᓖᑦ 6:13

ᐃᓂᖃᖃᑕᐅᓂᐅᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓂ, ᕿᒪᖕᓂᐊᕐᓇᒋᓪᓗ ᐃᓴᕆᐊᓕᒥᐅᑦ ᐃᓄᖁᑎᒃᑲ.”

ᐊᑕᓃᑦ ᓯᕗᓪᓖᑦ 8:57

ᐊᑕᓂᐅᑉ ᒎᑎᑦᑕ ᐃᓚᒋᓕᑎᒍᑦ, ᑍᒫᑦᓮᓐᓇᖅ ᓯᕗᓕᕕᓂᑦᑎᓐᓂᒃ ᐃᓚᐅᖃᓚᐅᕐᓂᕐᒥᑐᑦ, ᑖᑦᓱᒪ ᕿᒪᒃᑍᓕᓛᑎᒍᑦ ᖁᔭᓈᕐᑍᓕᓗᑕᓗ;

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᐄᓱᕋᐅᑉ ᐊᒡᓚᖏᑦ 9:9

ᓯᐊᓛᖑᓚᐅᕐᐳᒍᑦ, ᑭᓯᐊᓂᓕ ᓯᐊᓛᖑᑏᓐᓇᓚᐅᓐᖏᓚᑦᑎᒍᑦ ᐴᕐᓯᐊᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᕙᑦᑎᓐᓂᒃ ᐱᐅᒃᓴᕐᑎᓚᐅᕐᐸᑎᑦ ᐱᔪᓐᓇᕐᑎᑕᐅᓚᐅᕐᐳᒍᓪᓗ ᐃᓅᖏᓐᓇᕐᓗᑕ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕈᓐᓇᕐᓗᒍ, ᓯᖁᒥᓯᒪᓚᐅᕐᑐᖅ ᑲᑉᐱᐊᓇᖏᑦᑐᒦᑦᓱᓐᓇᕐᓗᑕᓗ ᑕᒫᓂ ᔫᑎᐊᒥ ᔨᕉᓴᓕᒥᓗ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 106:13

ᑖᑦᓱᒪᓕ ᐱᓂᐊᕐᓂᖏᑦ ᐳᐃᒍᑦᓴᐅᑎᒋᓚᐅᕆᕔᑦ; ᐱᓇᓱᐊᓕᓚᐅᕆᕗᑦ ᑖᑦᓱᒥᖓ ᖃᐅᔨᒋᐊᕐᕕᖃᓚᐅᕋᑎᒃ.

ᐃᓐᖏᕈᑎᑦ 106:7

ᓯᕗᓕᕆᓚᐅᕐᑕᕗᑦ ᑐᑭᓯᓚᐅᓐᖏᓚᑦ ᐄᑦᔨᑉᑎᒥ ᑲᒪᓇᕐᑐᓕᓂᕆᓚᐅᕐᑕᕐᓂᒃ; ᐃᖅᑲᐅᒪᓚᐅᓐᖏᓚᑦ ᓇᒡᓕᒍᓱᖕᓂᕐᓄᑦ ᐱᓂᐊᕐᓂᕆᖃᑦᑕᓚᐅᕐᑕᕐᓂᒃ; ᐊᑭᕋᕐᑐᓚᐅᕐᐳᓪᓕ ᖁᑦᓯᖕᓂᕐᐹᖑᔪᒥᒃ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 78:10

ᒎᑎᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ ᒪᓕᓚᐅᖏᒻᒪᑕ; ᐱᖁᔭᖏᓪᓕ ᒪᓕᒡᓗᒋᑦ ᐃᓅᔪᒪᓚᐅᓐᖏᓚᑦ,

ᐃᓐᖏᕈᑎᑦ 78:11

ᐱᓂᐊᕐᓂᕆᓯᒪᔭᖏᓪᓗ ᐳᐃᒍᓚᐅᕐᐰᑦ ᑲᒪᓇᕐᑐᓕᓂᖏᓪᓗᑕᐅᖅ ᑖᒃᑯᓄᖓ ᑕᑯᒃᓴᐅᑎᓚᐅᕐᑕᖏᑦ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᒨᓯᓯ ᐂᑉᐸᖏᑦ 32:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᖃᐅᔨᕙᒃᑲ ᐃᓄᐃᑦ ᑖᒃᑯᐊ ᓯᑎᔪᐊᓘᓂᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:24

ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᒨᓯᓯ ᐱᖓᔪᖏᑦ 26:44

ᑍᒤᒃᑲᓗᐊᕐᐸᑦ, ᐊᑭᕋᒥ ᓄᓇᖏᓐᓃᒃᑲᓗᐊᕐᐸᑕ, ᕿᒪᒻᒪᕆᖕᓂᐊᓐᖏᓚᒃᑲ ᑐᓄᐃᓂᕐᒧᓪᓗ ᓄᖑᑎᒻᒪᕆᖕᓂᐊᓐᖏᓚᒃᑲ, ᓄᖑᑕᐅᒻᒪᕆᒃᐸᑕ ᐊᖏᖃᑎᒌᒍᑎᒋᓯᒪᔭᕋ ᓄᖑᖁᓇᒍ. ᐅᕙᖓ ᐊᑕᓂᐅᒐᒪ ᑖᒃᑯᐊ ᒎᑎᖓᑦ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᒨᓯᓯ ᓯᑕᒪᖏᑦ 14:11

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᖃᓄᖅ ᐊᑯᓂᐅᑎᒋᔪᒥᒃ ᐃᓄᐃᑦ ᐅᑯᐊ ᐅᕙᓐᓂᒃ ᓇᕐᕈᒋᔭᖃᕐᓂᐊᕐᐹᑦ? ᖃᓄᖅ ᐊᑯᓂᐅᑎᒋᔪᒥᒃ ᐅᕙᓐᓂᒃ ᐅᒃᐱᕈᓱᖕᓂᐊᓐᖏᓚᑦ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒃ ᐱᓇᓱᐊᕋᓗᐊᕈᒪ ᐊᑯᓐᓂᖓᓂ?

ᒨᓯᓯ ᓯᑕᒪᖏᑦ 14:41

ᒨᓯᓯᓗ ᐅᖃᕐᐳᖅ, “ᓱᖕᒪᑦ ᐊᑕᓂᐅᑉ ᐱᖁᔨᓂᖓᓂᒃ ᓈᓚᓐᖏᓚᓰ? ᑍᒫᒃ ᓵᓚᖃᕐᓂᐊᖏᑦᑐᓯ.

ᒨᓯᓯ ᓯᑕᒪᖏᑦ 16:14

ᓱᓕᓗ ᑎᑭᑎᓚᐅᖏᓐᓇᑦᑎᒍᑦ ᓄᓇᒧᑦ ᐱᕈᕐᑐᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ, ᓄᓇᖁᑎᑖᕐᑎᓚᐅᕋᑕᓘᓐᓃᑦ ᐱᕈᕐᓰᕕᖕᓂᒃ ᕔᓂᓕᐅᕐᕕᒃᓴᓂᒡᓗ. ᐅᑯᐊ ᐃᔨᖏᑦ ᑕᐅᑐᒍᓐᓃᕐᑎᑦᓱᒪᔭᑏᑦ? ᕾᓂᐊᖏᑦᑐᒍᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 7:39

“ᓯᕗᓕᕕᓂᑦᑕ ᒨᓯᓯ ᓈᓚᒍᒪᓚᐅᓐᖏᓛᑦ, ᓇᕐᕈᒋᓪᓗᒍ ᐄᑦᔨᑉᑎᒧᑦ ᐅᑎᕈᒪᓂᕐᒥᒃ ᐃᓱᒪᖃᕐᓗᑎᒃ.

ᕉᒪᒥᐅᓄᑦ 9:15

ᒨᓯᓯᒧᑦ ᐅᖃᓚᐅᕐᒪᑦ, “ᓂᑲᒋᔪᒫᕐᐸᒃᑲ ᓂᑲᒋᔪᒪᔭᒃᑲ, ᓇᒡᓕᒋᔪᒫᕐᐸᒃᑲᓗ ᓇᒡᓕᒋᔪᒪᔭᒃᑲ.”

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.