ᓂᕼᐃᒤᐊᐅᑉ ᐊᒡᓚᖏᑦ 9:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓯᕗᓕᕕᓂᕗᓪᓕ ᐱᐅᔪᕆᓕᓚᐅᕐᐳᑦ ᓯᑎᔫᓕᕐᓗᑎᒡᓗ ᐱᖁᔭᕐᓂᒡᓗ ᓈᓚᒍᒪᔪᓐᓁᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:16 Iomraidhean Croise

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᑯᕉᓂᑲ ᐂᑉᐸᖏᑦ 29:6

ᓯᕗᓕᕗᑦ ᐱᐅᖏᑦᑐᓕᓚᐅᕐᒪᑕ ᐊᑕᓂᐅᑉ ᒎᑎᑦᑕ ᓵᖓᓂ; ᑖᑦᓱᒥᖓᓗ ᕿᒤᓚᐅᕐᒪᑕ, ᐊᑕᓂᐅᓪᓗ ᐊᓯᐊᓄᑦ ᑕᑯᓐᓇᖔᓕᓚᐅᕐᒪᑕ; ᑐᓄᐃᓪᓗᑎᒡᓗ ᑖᑦᓱᒥᖓ.

ᑯᕉᓂᑲ ᐂᑉᐸᖏᑦ 30:8

ᒫᓐᓇ ᓯᑎᔫᒐᓱᐊᕐᑍᓕᒋᑦᓯ ᓯᕗᓕᑦᓯᑐᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᐊᑕᓂᕐᒧᑦ, ᐃᑎᕐᓗᓯᓗ ᐃᑦᔪᕐᓁᑦᑐᕕᖁᑎᖓᓄᑦ, ᑖᑦᓱᒪ ᐃᑦᔪᕐᓁᑎᓚᐅᕐᑕᖓᓄᑦ ᐃᓱᖃᖏᑦᑐᒧᑦ, ᐊᑕᓂᕐᓗ ᒎᑎᓯ ᐱᔨᑦᓯᓕᕐᓯᐅᒃ, ᑖᑦᓱᒪ ᓂᓐᖓᐅᓯᖓᓄᑦ ᓯᕘᕋᓇᕐᑐᒧᑦ ᕿᒪᒃᑕᐅᖁᓪᓗᓯ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᐃᓐᖏᕈᑎᑦ 81:8

ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 32:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᖃᐅᔨᕙᒃᑲ ᐃᓄᐃᑦ ᑖᒃᑯᐊ ᓯᑎᔪᐊᓘᓂᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 48:4

ᖃᐅᔨᒪᒐᒪ ᓯᑎᔫᒐᑦᓯ, ᖁᖓᓯᓯᓗ ᓄᑭᖏᑦ ᓴᕕᕋᔭᐅᓪᓗᑎᒃ, ᖃᐅᓯᓗ ᑲᓐᓄᔭᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 9:13

“ᐊᑕᓂᐅᓪᓗ ᐅᖃᐅᑎᒃᑲᓐᓂᕆᕚᖓ, ‘ᐅᑯᐊ ᐃᓄᐃᑦ ᖃᐅᔨᒪᔭᒃᑲ ᑐᓴᕈᓐᓇᖏᑦᑐᐊᓘᖕᒪᑕ.

ᒨᓯᓯ ᑕᓪᓕᒪᖏᑦ 9:27

ᐱᔨᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᐃᓱᒪᒋᓐᖏᓚᐅᒃᑭᑦ ᒫᓐᓇ ᐃᓅᖃᑎᒌᑦ ᑐᓴᕈᓐᓇᖏᑦᑐᐊᓘᓂᖏᑦ, ᐱᐅᖏᑦᑐᓕᓂᖏᓪᓗ, ᐊᔪᕐᑐᓕᓂᖏᓪᓗ.

ᒨᓯᓯ ᑕᓪᓕᒪᖏᑦ 9:6

ᐊᑕᓂᐅᓪᓕ ᒎᑎᑦᓯ ᑐᓂᓯᕕᒋᓯᒪᓐᖏᓛᓯ ᓄᓇᒥᒃ ᓱᓇᑐᐃᓐᓇᖃᑦᓯᐊᕐᑐᒥᒃ ᐱᔭᕆᐊᖃᕐᓂᓯ ᐱᑦᔪᑎᒋᓗᒍ. ᑍᒤᓐᖏᓚᖅ, ᑐᓵᖏᑦᑐᐊᓘᕗᓯᓕ ᐃᓅᖃᑎᒌᖑᔪᓯ.

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᐄᑉᕈᐃᓄᑦ 3:15

ᑕᕝᕙ ᐃᒫᒃ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ, ᐱᔭᕐᓂᖏᑦᑑᒐᓱᐊᕐᑍᓕᒋᑦᓯ ᐊᑭᕋᕐᑐᓚᐅᕐᑐᑎᑐᑦ.”