ᓂᕼᐃᒤᐊᐅᑉ ᐊᒡᓚᖏᑦ 9:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓕᓴᑎᓚᐅᕐᐸᑎᓪᓗ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ, ᐱᖁᔨᓚᐅᕐᐳᑎᓪᓗ ᐊᑐᒐᒃᓴᐅᖁᔭᕐᓂᒃ ᒪᓕᒃᑕᐅᖁᔭᕐᓂᒡᓗ ᒪᓕᖁᓪᓗᒋᑦ, ᐱᔨᒃᑯᑦ ᒨᓯᓯᒃᑯᑦ ᐱᖁᔭᓂᒃ ᑐᓂᓯᕕᒋᓚᐅᕐᐸᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:14 Iomraidhean Croise

ᒨᓯᓯ ᓯᕗᓪᓖᑦ 2:3

ᒎᑎᐅᓪᓗ ᐅᓪᓗᐃᑦ 7ᖓ ᓮᒻᒪᕐᑎᑉᐹ ᐃᑦᔪᕐᓁᑎᓪᓗᒍᓗ, ᑕᕝᕙᓂ ᒎᑎ ᑕᕾᕐᓯᓚᐅᕋᒥ ᐱᓇᓱᐊᕐᑕᓕᒫᒥᓂᑦ ᐱᓐᖑᕐᑎᑦᓯᓪᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᓂᕼᐃᒤᐊᐅᑉ ᐊᒡᓚᖏᑦ 10:32

ᐅᕙᒍᑦᑕᐅᖅ ᓇᖕᒥᓂᖅ ᒪᓕᒐᒃᓴᖃᕐᓂᐊᕆᕗᒍᑦ ᐊᕐᕌᒍᑕᒫᑦ ᑐᓂᓯᖃᑦᑕᖁᓪᓗᑕ ᒎᑎᐅᑉ ᐃᒡᓗᖁᑎᖓᓂ ᐊᑐᕐᑕᐅᔪᒃᓴᐅᖁᓪᓗᒋᑦ ᓯᐅᓪᕕᕆᐅᑉ ᐱᖓᓲᓕᓗᓂ ᐊᕕᒐᔭᕐᓂᖓᑕ ᐱᖓᔪᖓᓐᓂᒃ.

ᒨᓯᓯ ᐂᑉᐸᖏᑦ 16:23

ᒨᓯᓯᐅᓪᓕ ᐅᖃᐅᑎᕔᑦ, “ᐊᑕᓂᐅᑉ ᐱᑯᓯᒪᖕᒪᑎᒍᑦ ᖃᐅᒃᐸᑦ ᑕᕾᕐᓯᕐᕕᐅᓂᐊᕐᒪᑦ ᑭᓱᓕᕆᕕᐅᖏᑦᓯᐊᕐᓗᓂ, ᑖᓐᓇ ᐊᑕᓂᐅᑉ ᓴᐸᑎᖁᑎᒋᖕᒪᒍ ᐃᑦᔪᕐᓁᑦᑐᖅ; ᑕᕝᕙᓂ ᐅᓪᓗᒥ ᐆᑎᕆᒋᑦᓯ ᐆᑦᑕᕆᐊᖃᕐᑕᑦᓯᓐᓂᒃ ᐆᔪᓕᐅᕐᓗᓯᓗ ᐆᔪᓕᐅᕆᐊᖃᕐᑕᑦᓯᓐᓂᒃ, ᐊᒥᐊᒃᑯᒋᔭᓯᓗ ᖃᐅᒃᐸᒧᑦ ᖁᒥᐅᑎᒋᓗᒋᑦ.”

ᒨᓯᓯ ᐂᑉᐸᖏᑦ 16:29

ᐃᖅᑲᐅᒪᓚᐅᕆᑦᓯ, ᐅᕙᖓ ᐊᑕᓂᐅᔪᖓ ᑕᕾᕐᓯᕐᕕᒃᓴᑦᓯᓐᓂᒃ ᑐᓂᓯᕕᒋᓚᐅᕋᑦᓯ, ᑍᒤᒻᒪᑦ ᐅᓪᓗᑦ ᐱᖓᓲᔪᕐᑐᖓᓐᓂ ᓂᕿᒃᓴᓂᒃ ᐅᓪᓘᖕᓄᑦ ᒪᕐᕉᖕᓄᑦ ᓈᒻᒪᒃᑐᒥᒃ ᑐᓂᓯᕕᒋᕙᑦᓯ; ᑍᒤᒻᒪᑦ ᐃᓄᓕᒫᑦ ᐃᓂᒥᖕᓂᑦ ᓅᑦᑐᖃᕐᑐᒃᓴᐅᓐᖏᓚᑦ ᐊᓂᔪᖃᖏᓪᓗᑎᒡᓗ ᐃᒡᓗᒥᖕᓂᑦ ᐅᓪᓗᑦ 7ᖓᓐᓂ.”

ᒨᓯᓯ ᐂᑉᐸᖏᑦ 24:12

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:12

ᓴᐸᑎᖁᑎᓐᓂᒡᓗ ᑐᓂᓚᐅᕐᐸᒃᑲ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᒃᓯᒪᓂᑦᑎᓐᓂᒃ, ᖃᐅᔨᖁᓪᓗᒋᑦ ᐅᕙᖓ ᐊᑕᓂᖅ ᐃᑦᔪᕐᓁᑎᑦᓯᓯᒪᓂᓐᓂᒃ ᑖᒃᑯᓂᖓ.

ᐃᓯᑭᐊᓕᐅᑉ ᐊᒡᓚᖏᑦ 20:20

ᓴᐸᑎᖁᑎᒃᑲ ᐃᑦᔪᕐᓁᑎᓯᒋᒃ ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ ᐅᕙᓐᓄᓪᓗ, ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ.’

ᒨᓯᓯ ᐱᖓᔪᖏᑦ 19:3

ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 27:34

ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 5:31

ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’