ᓂᕼᐃᒤᐊᐅᑉ ᐊᒡᓚᖏᑦ 9:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒪᖅ ᐊᕕᒃᑎᓪᓗᒍ ᐃᓄᖁᑎᑎᑦ ᐊᖅᑯᓯᓚᐅᕐᐸᑎᑦ, ᐃᒪᐅᓚᐅᕐᑐᒃᑯᑦ ᑕᓯᐅᓚᐅᕐᐸᑎᑦ ᓄᓇᒃᑯᑦ ᐸᓂᕐᑐᒃᑯᑦ; ᑍᒃᑯᐊᓗ ᐊᑭᕋᕐᑐᕐᑐᑦ ᐃᐱᓚᐅᕐᐳᑦ ᐃᒫᓂ, ᐅᔭᕋᒃᑎᑐᑦ ᑭᕕᓚᐅᕐᐳᑦ ᐃᒪᕐᔪᐊᕐᒥ.

ᓂᕼᐃᒤᐊᐅᑉ ᐊᒡᓚᖏᑦ 9:11 Iomraidhean Croise

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᐃᓐᖏᕈᑎᑦ 78:13

ᐃᒪᕐᕕᒃ ᐊᕕᓚᐅᕐᐹ, ᑕᒪᐅᓇᓗ ᑕᓯᐅᕐᓗᒋᑦ ᐊᓂᒍᐃᑎᓚᐅᕐᐰᑦ; ᐃᒪᕐᓗ ᕿᑲᕐᑎᓚᐅᕐᐹ ᓇᖏᕐᑐᑐᑦ ᐳᕐᑐᓯᓯᒪᓪᓗᓂ.

ᒨᓯᓯ ᐂᑉᐸᖏᑦ 14:14

ᐊᑕᓂᐅᑉ ᐅᓇᑕᖔᕐᓂᐊᕐᒪᒋᑦ ᐊᑭᕋᓯ, ᐃᓕᑦᓯᓕ ᓱᓇᒥᒃ ᐱᓇᓱᐊᕆᐊᖃᓐᖏᓚᓯᓘᓐᓃᑦ.”

ᒨᓯᓯ ᐂᑉᐸᖏᑦ 14:25

ᕿᒧᒃᓯᐅᑎᖏᑕᓗ ᐊᒃᓴᓗᐊᖏᑦ ᐊᔪᕐᓯᑦᑕᕐᑎᓕᕐᐰᑦ ᐃᖏᕐᕋᑦᓯᐊᕈᓐᓃᕈᑎᒋᓪᓗᓂᑦᔪᒃ. ᐄᑦᔨᑉᑎᒥᐅᓪᓗ ᐅᖃᕐᐳᑦ, “ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᐅᑎᓕᕐᐰᑦ ᐅᕙᑦᑎᓐᓂᒃ, ᐊᑏ ᕿᒫᖔᓕᕐᑕ ᑕᒫᓐᖓᑦ.”

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᔨᕆᒤᐊᐅᑉ ᐊᒡᓚᖏᑦ 32:20

ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:1

ᐃᖅᑬᑎᑦᓱᒪᕙᑦᓯᓕ ᐃᓅᖃᑎᒃᑲ, ᓯᕗᓕᕕᓂᕗᑦ ᓄᕗᔭᒥᒃ ᖁᓕᒥᐅᑕᖃᕐᓗᑎᒃ ᓴᐳᑎᔭᐅᓯᒪᓚᐅᕐᒪᑕ ᑕᒪᕐᒥᒡᓗ ᐃᒪᕐᒥᒃ ᐃᑳᓚᐅᕐᐳᑦ.

ᐄᑉᕈᐃᓄᑦ 11:29

ᐅᒃᐱᕐᓂᑯᑦ ᐃᓴᕆᐊᓕᒥᐅᑦ ᐃᑳᕈᓐᓇᓚᐅᕐᐳᑦ ᐃᒪᒃᑯᑦ ᐊᐅᐸᓗᒃᑕᒃᑯᑦ ᓄᓇᑐᑦ ᐸᓂᕐᑐᒃᑯᑦ ᐃᖏᕐᕋᔪᑎᑐᑦ; ᐄᑦᔨᑉᑎᒥᐅᑦᑕᐅᖅ ᐆᒃᑐᕋᓱᐊᓚᐅᕋᓗᐊᕐᐳᑦ, ᐃᒪᕐᔪᐊᕐᒥᓕ ᐃᐱᓚᐅᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:21

ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ;