ᓂᕼᐃᒤᐊᐅᑉ ᐊᒡᓚᖏᑦ 9:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᓂᕼᐃᒤᐊᐅᑉ ᐊᒡᓚᖏᑦ 9:10 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:16

ᓯᕗᓕᕕᓂᕗᓪᓕ ᐱᐅᔪᕆᓕᓚᐅᕐᐳᑦ ᓯᑎᔫᓕᕐᓗᑎᒡᓗ ᐱᖁᔭᕐᓂᒡᓗ ᓈᓚᒍᒪᔪᓐᓁᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᒨᓯᓯ ᐂᑉᐸᖏᑦ 7:1

ᐊᑕᓂᕐᓕ ᒨᓯᓯᒧᑦ ᐅᖃᕐᐳᖅ, “ᒎᑎᑐᑦ ᐃᓱᒪᒋᔭᐅᓕᕐᑎᓐᓂᐊᕐᐸᒋᑦ ᐊᖓᔪᖅᑳᕐᔪᐊᕐᒧᑦ, ᐊᖓᔪᐃᓪᓗ ᐂᕉᓂ ᐅᖃᕐᑎᐅᓂᐊᕐᐳᖅ ᐊᖓᔪᖅᑳᕐᔪᐊᕐᒧᑦ ᐃᓕᖕᓄᑦ ᐅᖃᕐᑎᒋᔭᐅᔪᑐᑦ.

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 42:20

ᐅᓄᕐᑐᓂᒃ ᑕᑯᓯᒪᓕᕋᓗᐊᕐᓗᓯ ᐅᑦᔨᕈᓱᓚᐅᓐᖏᓚᓯ, ᓯᐅᑎᖃᕋᓗᐊᕐᓗᓯ ᑐᓵᔪᓂᒃ ᑐᓵᖏᑦᑐᑎᑐᑦ ᑐᑭᓯᔪᓐᓇᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 63:14

ᐃᒧᒃᓯᐅᒐᒐᓴᒡᔪᐊᑎᑐᑦ ᓇᑎᕐᓇᔮᒧᑦ ᐂᑎᑕᐅᔪᑎᑐᑦ, ᐊᑕᓂᐅᑉ ᐊᓂᕐᓂᖓᓄᑦ ᑕᕾᕐᓯᕐᕕᒃᓴᖃᕐᑎᑕᐅᓚᐅᕐᐳᑦ. ᑍᒫᒃ ᑕᕝᕙ ᐃᓄᖁᑎᑎᑦ ᑕᓯᐅᓚᐅᕐᐸᑎᑦ, ᐊᑏᑦ ᓂᕐᑐᕐᓇᕐᓯᑎᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 32:20

ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 20:9

ᑲᔪᓯᑎᓚᐅᓐᖏᓚᕋᓕ ᐊᑎᕋ ᐱᓪᓗᒍ ᓇᕐᕈᓇᕐᓯᑎᑕᐅᖁᓇᒍ ᐃᓅᖃᑎᒌᒡᔪᐊᑦ ᓄᓇᖃᑎᒋᔭᖏᑕ ᓵᖏᓐᓂ, ᐅᖃᐅᑎᔭᕇᓚᐅᕋᒃᑭᑦ ᓄᓇᖃᑎᖏᑦ ᑕᑯᓐᓇᕐᑎᓪᓗᒋᑦ ᐊᐅᓪᓚᕐᑎᑦᓱᒪᓂᕋᕐᓗᒋᑦ ᐄᑦᔨᑉᑎᒥᐅᑦ ᓄᓇᖓᓐᓂᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᕉᒪᒥᐅᓄᑦ 9:17

ᒎᑎᐅᑉ ᐅᖃᐅᓯᖏᑦ ᐰᕉᒧᑦ ᐅᖃᕐᒪᑕ, “ᒪᑭᑎᓚᐅᕐᐸᒋᑦ ᐊᑐᕈᒪᓪᓗᑎᑦ ᐱᔪᓐᓇᕐᓂᕋ ᓴᖅᑭᑎᑦᓱᒪᓪᓗᒍ ᐃᓕᖕᓂᒃ ᐊᑐᕐᓗᖓ, ᐊᑎᕋ ᐅᖃᐅᑎᒋᔭᐅᖁᓪᓗᒍ ᓄᓇᕐᔪᐊᓕᒫᒥ.”

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”