ᓂᕼᐃᒤᐊᐅᑉ ᐊᒡᓚᖏᑦ 8:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᓂᕼᐃᒤᐊᐅᑉ ᐊᒡᓚᖏᑦ 8:9 Iomraidhean Croise

ᐊᑕᓃᑦ ᐂᑉᐸᖏᑦ 22:11

ᐊᖓᔪᖅᑳᕐᔪᐊᑉ ᐊᒡᓔᑦ ᐱᖁᔭᓂᒃ ᑎᑎᕋᕐᕕᒋᓯᒪᔪᑦ ᑐᓴᕇᕋᒥᒋᑦ, ᐊᓐᓄᕌᓂ ᐊᓕᒃᐰᑦ ᖁᕕᐊᓱᖏᓐᓂᕐᒧᑦ.

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 15:3

ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᑯᕉᓂᑲ ᐂᑉᐸᖏᑦ 30:22

ᕼᐃᓯᑬᐊᐅᓪᓗ ᐅᖃᐅᑎᓪᓗᒋᑦ ᑲᔪᖏᕐᓴᕐᐰᑦ ᓕᕔᑎᓕᒫᑦ ᐱᔪᓐᓇᑦᓯᐊᕐᓗᑎᒃ ᐱᓕᕆᔪᑦ ᐱᓇᓱᐊᕆᐊᓕᖕᒥᖕᓂᒃ ᐊᑕᓂᕐᒧᑦ. ᑕᕝᕙ ᐃᓄᐃᑦ ᓂᕆᓚᐅᕐᐳᑦ ᓇᓪᓕᐅᓐᓂᕐᓯᐅᕐᓗᑎᒃ ᐅᓪᓗᓂᒃ 7ᓂᒃ, ᑐᓂᕐᕈᓯᕐᓗᑎᒃ ᓮᒻᒪᕐᑎᑕᐅᑦᔪᑎᒃᓴᒧᑦ ᑐᓂᕐᕈᓯᕐᐳᓪᓗ ᖁᔭᓕᓪᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 34:19

ᐊᖓᔪᖅᑳᕐᔪᐊᑉ ᐅᖃᐅᓰᑦ ᐱᖁᔭᓃᑦᑐᑦ ᑐᓴᕋᒥᒋᑦ ᐊᓐᓄᕌᓂ ᐊᓕᒃᐰᑦ.

ᑯᕉᓂᑲ ᐂᑉᐸᖏᑦ 34:21

“ᐂᓕᕆᑦᓯ ᐊᑕᓂᖅ ᖃᐅᔨᒋᐊᕐᕕᒋᓗᒍ ᐱᓪᓗᖓ ᔫᑕᐅᓪᓗ ᐃᓴᕆᐊᓕᒥᐅᓪᓗ ᐊᒥᐊᒃᑯᖏᑦ, ᑖᒃᑯᐊ ᐅᖃᐅᓰᑦ ᐊᒡᓚᖕᓂᑦ ᐱᔪᑦ ᓇᓂᔭᐅᓚᐅᕐᑐᑦ ᐱᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐊᖏᔫᕗᖅ ᐅᕙᑦᑎᓐᓄᑦ ᑯᕕᔭᐅᓯᒪᔪᖅ, ᓯᕗᓕᕆᓚᐅᕐᑕᕗᑦ ᐊᑕᓂᐅᑉ ᐅᖃᐅᓯᖓᓂᒃ ᒪᓕᓚᐅᖏᒻᒪᑕ, ᐱᓇᓱᐊᓚᐅᕋᑎᒡᓗ ᑖᒃᑯᓂᖓ ᐊᒡᓚᒃᓯᒪᔪᑦ ᒪᓕᒡᓗᒋᑦ.”

ᑯᕉᓂᑲ ᐂᑉᐸᖏᑦ 35:3

ᓕᕔᑏᓪᓗ ᐅᖃᐅᑎᕔᑦ ᐃᓴᕆᐊᓕᒥᐅᓕᒫᓂᒃ ᐃᓕᓮᕙᒃᑐᑦ ᑖᒃᑯᐊ ᐃᑦᔪᕐᓁᑦᑐᒥᒃ ᐱᓇᓱᐊᕐᑐᑦ ᐊᑕᓂᕐᒧᑦ, “ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓ ᐃᑦᔪᕐᓁᑦᑐᖅ ᐃᒡᓗᒧᐊᕐᓯᐅᒃ ᓲᓗᒨᓂᐅᑉ ᑍᕕᑎᐅᑉ ᐃᕐᓂᖓᑕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ, ᓴᓇᓚᐅᕐᑕᖓ; ᐊᒡᔭᖃᑦᑕᕐᓂᐊᕈᓐᓃᕐᐸᓯ ᐃᕐᓱᒡᓗᒍ. ᒫᓐᓇᓕ ᐊᑕᓂᖅ ᒎᑎᓯ ᐱᔨᑦᓯᓕᕐᓯᐅᒃ ᐃᓴᕆᐊᓕᒥᐅᓪᓗ.

ᐄᓱᕋᐅᑉ ᐊᒡᓚᖏᑦ 2:63

ᔫᑎᑦ ᐊᐅᓚᑦᓯᔨᖓᑕ ᐅᖃᐅᑎᓚᐅᕐᐰᑦ ᓂᕆᖁᓇᒋᑦ ᓂᕿᓂᒃ ᑐᓂᕐᕈᑕᐅᓯᒪᔪᓂᒃ ᒎᑎᒧᑦ ᐃᑦᔪᕐᓁᑦᑑᓂᕋᕐᑕᐅᔪᓂᒃ ᑐᓂᕐᕈᓯᕐᑎᑦᓯᔨᒥᒃ ᓇᓚᐅᑦᓵᕈᑎᓄ ᔪᕆᒻᒧᑦ ᑐᒥᒥᒧᓪᓗ ᐱᓇᓱᐊᕈᓐᓇᕐᑐᒥᒃ ᐱᑕᖃᓚᐅᕐᑎᓐᓇᒍ.

ᐄᓱᕋᐅᑉ ᐊᒡᓚᖏᑦ 7:11

ᐅᑯᐊ ᑕᕝᕙ ᐊᑦᔨᖏᑦ ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᑎᑎᕋᓚᐅᕐᑕᖏᑦ ᐄᓱᕋᒧᑦ, ᑐᓂᕐᕈᓯᕐᑎᑦᓯᔨᒧᑦ ᐃᓕᓯᒪᔪᒧᓪᓗ, ᖃᐅᔨᒪᑦᓯᐊᕐᑐᒧᑦ ᐱᖁᔭᓂᒃ ᐊᑕᓂᐅᑉ ᐱᖁᓯᒪᔭᖏᓐᓂᒃ, ᐊᑐᕐᑕᐅᖁᓚᐅᕐᑕᖏᓐᓂᒡᓗ ᐃᓴᕆᐊᓕᒥᐅᓄᑦ:

ᓂᕼᐃᒤᐊᐅᑉ ᐊᒡᓚᖏᑦ 10:1

ᐅᑯᐊ ᑕᕝᕙ ᓇᕿᑦᔪᓯᕐᓯᓚᐅᕐᑐᑦ ᓇᓗᓁᒃᑯᑕᐅᓂᐊᕐᑐᓂᒃ ᐱᖁᔭᕆᔭᐅᓂᐊᓕᕐᑐᓂᒡᓗ ᐅᑯᐊᖑᓚᐅᕐᐳᑦ: ᓂᕼᐃᒤᐊ ᐊᐅᓚᑦᓯᔨᐅᔪᖅ, ᕼᐊᑲᓔᐊᐅᑉ ᐃᕐᓂᖓ, ᔨᑎᑬᐊᓗ,

ᓂᕼᐃᒤᐊᐅᑉ ᐊᒡᓚᖏᑦ 12:26

ᑖᒃᑯᐊ ᑕᕝᕙ ᐃᓅᓚᐅᕐᑐᑦ ᔪᐃᐊᑭᒻ ᔩᓱᐊᑉ ᐃᕐᓂᖓ ᔫᔭᑕᐅᑉ ᐃᕐᖑᑕᖓ, ᓂᕼᐃᒤᐊᓗ ᐊᐅᓚᑦᓯᔨᐅᑎᓪᓗᒍ ᐄᓱᕋᓗ ᑐᓂᕐᕈᓯᕐᑎᑦᓯᔨᐅᑎᓪᓗᒍ ᐱᖁᔭᓂᒃ ᐃᓕᓯᒪᔪᖅ.

ᓂᕼᐃᒤᐊᐅᑉ ᐊᒡᓚᖏᑦ 7:65

ᔫᑎᑦ ᐊᐅᓚᑦᓯᔨᒋᔭᖓᑕ ᐅᖃᐅᑎᓚᕐᐰᑦ ᓂᕆᖁᓇᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᓂᒃ ᐃᑦᔪᕐᓁᓐᓂᕐᐹᖑᔪᓂᒡᓗ ᓂᕿᓂᒃ, ᑐᓂᕐᕈᓯᕐᑎᑦᓯᔨᑕᖃᓚᐅᖏᓐᓂᖓᓂ ᐊᑐᕈᓐᓇᕐᑐᒥᒃ ᓇᓚᐅᑦᓵᕈᑎᓂᒃ ᔪᕆᒻᒥᒃ ᓴᒥᒻᒥᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 7:70

ᐃᓄᐃᑦ ᐅᓄᕐᑐᑦ ᐃᑲᔪᓚᐅᕐᑐᑦ ᑐᓂᓯᓪᓗᑎᒃ ᐊᑭᓕᐅᑎᒃᓴᓂᒃ ᑐᒃᓯᐊᕐᕕᒃᔪᐊᑉ ᐋᖅᑭᒋᐊᕐᑕᐅᑦᔪᑎᒃᓴᖓᓄᑦ ᐅᑯᐊᖑᓚᐅᕐᐳᑦ: ᐊᐅᓚᑦᓯᔨᐅᔪᖅ ᑐᓂᓯᓚᐅᕐᐳᑦ ᒎᓗᓂᒃ ᐅᖁᒤᓐᓂᖃᕐᑐᓂᒃ 8ᓂᒃ ᑭᓗᒍᕌᓂᒃ, 50ᓂᒡᓗ ᐴᒍᑕᕐᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓂᒃ, 530ᓂᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:2

ᑕᕝᕙ ᐄᓱᕋᐅᑉ ᑐᓂᕐᕈᓯᕐᑎᑦᓯᔨᐅᑉ ᑲᑎᒪᔪᓄᐊᕈᑎᓚᐅᕐᐰᑦ ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᕿᑐᕐᖓᖏᓐᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᑉ 7ᖓᑦᑕ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:4

ᓇᓪᓕᐅᓐᓂᖃᕐᐳᖅ ᕿᐊᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓚᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᒡᒍᐊᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᑖᓂᓯᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᒨᓯᓯ ᐱᖓᔪᖏᑦ 23:24

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᐅᓪᓗᐃᑦ ᓯᕗᓕᕐᐸᖓᓂ ᑕᖅᑮᑦ 7ᖓᓐᓂ ᑕᕾᕐᓯᕕᖃᕆᐊᖃᕐᐳᓯ, ᑲᑎᒪᔭᕆᐊᖃᕐᐳᓯᓗ ᑐᒃᓯᐊᖃᑎᒌᖕᓂᕐᒧᑦ, ᑎᑦᑐᓚᐅᑏᑦ ᓂᓪᓕᕐᐸᑕ.

ᒪᓚᑬᑉ ᐊᒡᓚᖏᑦ 2:13

ᓱᓕᓗ ᐃᒫᒃ ᐱᓂᐊᕐᓂᖃᕆᕗᓯ: ᐊᑕᓂᐅᑉ ᑐᓂᕐᕈᓯᕐᕕᖓ ᖁᕝᕕᐅᕐᓂᕐᓄᑦ ᐅᓕᒃᐸᓯ, ᕿᐊᓂᑦᓯᓐᓄᑦ ᐅᒡᒍᐊᕐᓂᑦᓯᓐᓄᓪᓗ; ᑐᓂᕐᕈᑎᓯ ᐃᓚᓕᐅᕈᓐᓁᕐᒪᒋᑦ, ᖁᕕᐊᒋᔪᓐᓁᕐᓗᒋᓪᓗ ᐱᓂᐊᕐᓂᓯ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 7:9

ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 26:14

ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ.

ᔧᒥᓯᐅᑉ ᐊᒡᓚᖏᑦ 4:9

ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.