ᓂᕼᐃᒤᐊᐅᑉ ᐊᒡᓚᖏᑦ 8:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᕝᕙ ᑐᑭᓯᓇᑦᓯᐊᕐᑐᒥᒃ ᐱᖁᔭᓂᒃ ᓇᓗᓁᕐᓯᓚᐅᕐᐳᑦ, ᐊᒡᓚᖕᓂᒃ ᒎᑎᐅᑉ ᐱᖁᔭᖏᓐᓂᒃ; ᑐᑭᓯᓇᕐᓯᑎᑦᓯᓚᐅᕐᐳᑦ ᐃᓄᖕᓄᑦ ᑐᑭᓯᔪᓐᓇᖁᓪᓗᒋᑦ ᐊᑐᐊᕐᑕᐅᔪᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:8 Iomraidhean Croise

ᐊᑕᓃᑦ ᐂᑉᐸᖏᑦ 23:2

ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓄᐊᕐᐳᖅ, ᐊᖑᑎᓕᒫᑦ ᔫᑕᒥᐅᑦ ᐃᓚᒋᓪᓗᒋᑦ ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑐᓂᕐᕈᓯᕐᑎᑦᓯᔩᓪᓗ, ᒎᑎᐅᓪᓗ ᐅᖃᕐᑎᖏᑦ, ᐃᓄᓕᒫᑦ ᐊᒃᓗᔪᑦ ᐊᒃᓗᐃᑦᑐᓪᓗ ᐃᓚᒋᓪᓗᒋᑦ; ᑖᒃᑯᐊᓗ ᓵᖏᓐᓂ ᐊᖓᔪᖅᑳᕐᔪᐊᑉ ᓂᐱᖅᑯᕐᑐᓪᓗᓂ ᐊᒡᓔᑦ ᐊᖏᖃᑎᒌᖕᓂᕐᒥᒃ ᐅᖃᐅᓯᖃᕐᑐᑦ ᐅᖃᓕᒫᕐᐰᑦ ᐊᑕᓂᐅᑉ ᐃᒡᓗᖓᓂᑦ ᓇᓂᔭᐅᓚᐅᕐᑐᑦ.

ᐄᓱᕋᐅᑉ ᐊᒡᓚᖏᑦ 4:18

ᑎᑎᖅᑲᓯ ᑐᔫᑎᒋᓚᐅᕐᑕᓯ ᑐᑭᓯᓇᕐᓯᑎᑕᐅᓚᐅᕐᑐᑦ ᐅᖃᓕᒫᕐᑕᐅᓪᓗᑎᒡᓗ ᐅᕙᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:12

ᐃᓄᐃᓪᓗ ᐃᓘᓐᓇᑎᒃ ᐊᖏᕐᕋᓕᕐᐳᑦ ᓂᕆᔭᕐᑐᕐᓗᑎᒃ ᐃᒥᕆᐊᕐᑐᕐᓗᑎᒡᓗ ᑲᑐᑦᔨᖃᑎᒌᒡᓗᑎᒡᓗ ᐊᖏᔪᒥᒃ ᖁᕕᐊᓱᓕᕐᐳᑦ, ᑐᑭᓯᑦᓯᐊᓚᐅᕋᒥᒃ ᐅᖃᐅᓯᕐᓂᒃ ᐅᖃᓕᒫᕐᑕᐅᓚᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:7

ᒪᑭᓐᓇᒥᒡᓗ ᓇᖏᓕᕐᐳᑦ ᐃᓂᒋᔭᒥᖕᓂ, ᓕᕔᑎᓪᓗ ᓇᓗᓁᕐᓯᓚᐅᕐᐳᑦ ᐱᖁᔧᑦ ᑐᑭᖏᓐᓂᒃ ᐃᓄᖕᓄᑦ ᐅᑯᐊᖑᓪᓗᑎᒃ: ᔩᓱᐊ, ᐹᓂ, ᓯᕆᐰᐊ, ᔭᒥᓐ, ᐊᑯᑉ, ᓴᐱᑍ, ᕼᐅᑍᐊ, ᒫᓯᐊ, ᑭᓔᑕ, ᐊᔭᕅᐊ, ᔫᓴᐸᑦ, ᕼᐊᓇᓐ, ᐱᓔᐊᓗ.

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᓂᕼᐃᒤᐊᐅᑉ ᐊᒡᓚᖏᑦ 9:3

ᓇᖏᓚᐅᕐᐳᑦ ᓇᔪᕐᑕᒥᖕᓂ ᐊᑐᐊᕐᓯᓪᓗᑎᒃ ᐊᒡᓚᖕᓂᒃ ᐊᑕᓂᐅᑉ ᐱᖁᔭᓕᐊᕕᓂᖏᓐᓂᒃ ᑖᒃᑯᐊ ᒎᑎᖓᑦᑕ ᐃᑲᕐᕋᓂᒃ ᐱᖓᓱᓂᒃ, ᐊᒻᒪ ᑭᖑᓂᐊᒍᑦ ᓱᓕ ᐃᑲᕐᕋᓂᒃ ᐱᖓᓱᓂᒃ ᐊᔪᕐᓂᕐᒥᖕᓂᒃ ᐅᖃᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ ᑐᒃᓯᐊᕐᓗᑎᒡᓗ ᐊᑕᓂᕐᒧᑦ ᒎᑎᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 46:10

ᐃᓄᐃᑦ ᐃᑎᓕᕐᐸᑕ ᐊᖓᔪᖅᑳᖅ ᐃᑎᖃᑕᐅᔪᒃᓴᐅᕗᖅ ᐊᑕᐅᑦᓯᒃᑯᑦ ᐃᑎᖃᑎᒋᓗᒋᑦ; ᐊᓂᓕᕐᐸᑕᓗ ᐊᓂᖃᑕᐅᖕᒥᓗᓂ.

ᕼᐊᐸᑲᐅᑉ ᐊᒡᓚᖏᑦ 2:2

ᐊᑕᓂᐅᑉ ᑕᕝᕙ ᐃᒫᒃ ᑭᐅᓚᐅᕐᐹᖓ ᐅᖃᕐᓗᓂ: “ᑕᑯᑎᑦᓯᑦᔪᑎᒃᑲ ᐃᓕᖕᓄᑦ ᑎᑎᕋᒃᑭᑦ ᐅᔭᕋᒃᑯᑦ ᑕᑯᒃᓴᐅᑦᓯᐊᕐᓗᒋᑦ, ᐊᖅᑯᓵᕐᑐᓄᑦ ᐅᖃᓕᒫᕐᑕᐅᔪᓐᓇᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᓘᑲᓯᐅᑉ ᐊᒡᓚᖏᑦ 24:32

ᑖᒃᑯᐊᒃ ᐃᒻᒥᖕᓄᑦ ᐅᖃᓕᕐᐴᒃ, “ᐆᓇᕐᓯᔪᐊᓘᖅᑲᐅᒐᓗᐊᕐᐳᒍᒃ ᐃᓗᑦᑎᖕᓂ ᐅᖃᓪᓚᒃᑎᓪᓗᒍ ᐊᖅᑯᑎᒃᑰᕐᑎᓪᓗᑕ, ᐊᒡᓚᖕᓂᒃ ᐅᖃᕐᕕᒋᖕᒪᑎᒃᑯᒃ ᓇᓗᓁᕐᓯᕕᒋᓪᓗᓄᒡᓗ.”

ᓘᑲᓯᐅᑉ ᐊᒡᓚᖏᑦ 24:45

ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.