ᓂᕼᐃᒤᐊᐅᑉ ᐊᒡᓚᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᑲᓂ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓂ ᐅᖃᓕᒫᓚᐅᕐᐰᑦ ᐅᓪᓛᒻᒪᕆᖕᒥᑦ ᐱᒋᐊᕐᓗᓂ ᐅᓪᓘᑉ ᕿᑎᕋᓕᕐᓂᖓᓄᑦ ᑎᑭᓪᓗᒍ, ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ; ᐃᓘᓐᓇᑎᒃ ᕿᑲᕐᓗᑎᒃ ᓈᓚᑦᓯᐊᓚᐅᕐᐳᑦ ᐊᒡᓚᖕᓂᒃ ᐱᖁᔭᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:3 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 13:1

ᑕᕝᕙᓂ ᐅᓪᓗᒥ ᒨᓯᓯᐅᑉ ᐊᒡᓚᖏᑦ ᐊᑐᐊᕐᑕᐅᓚᐅᕐᐳᑦ ᐃᓄᒐᓴᒡᔪᐊᑦ ᑐᓵᑎᓪᓗᒋᑦ, ᑕᕝᕙᓂ ᑎᑎᕋᕐᓯᒪᔪᓂᒃ ᓇᓂᓯᔪᖃᓚᐅᕐᐳᖅ ᐊᒧᓁᑎᒥᐅᑦ ᒧᐊᐱᒥᐅᓪᓗ ᒎᑎᐅᑉ ᑲᑎᓐᖓᔪᖁᑎᖏᓐᓄᑦ ᐃᓚᐅᑎᑕᐅᔭᕆᐊᖃᖏᓐᓂᖏᓐᓂᒃ ᐅᖃᕐᓯᒪᔪᕐᑕᖃᕐᒪᑦ;

ᓂᕼᐃᒤᐊᐅᑉ ᐊᒡᓚᖏᑦ 8:1

ᑕᕝᕙᓂ ᑕᖅᑭᒥ ᐅᓪᓘᑉ ᓯᕗᓪᓕᕐᐹᖓᓂ ᐃᓄᐃᓪᓗ ᐃᓘᓐᓇᑎᒃ ᑲᑎᓚᐅᕐᐳᑦ ᐃᓄᒃᑐᑦ ᐊᑕᐅᓯᕐᑐᑦ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᐃᓗᐊᓂ. ᐄᓱᕋᓗ ᐊᒡᓚᖕᓂᒃ ᐅᖃᓕᒫᖁᔭᐅᓚᐅᕐᐳᖅ, ᑐᓂᕐᕈᓯᕐᑎᑦᓯᔨ ᐃᓕᓐᓂᐊᕐᓯᒪᒻᒪᕆᒃᑐᕐᓗ ᒨᓯᓯᐅᑉ ᐱᖁᔭᖏᓐᓂᒃ, ᐊᑕᓂᐅᑉ ᐱᖁᔭᓕᐊᕆᓚᐅᕐᑕᖏᓐᓂᒃ ᐃᓴᕆᐊᓕᑎᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 8:4

ᐄᓱᕋᓕ ᓇᖏᓚᐅᕐᐳᖅ ᐳᕐᑐᓯᒋᐊᕐᓯᒪᔪᒥ ᕿᔪᖕᒥᒃ ᓇᑎᓕᖕᒥ ᓴᓇᔭᐅᓯᒪᔪᒥᒃ ᓇᓪᓕᐅᓂᖅ ᐱᑦᔪᑎᒋᓪᓗᒍ; ᐅᑯᐊ ᐊᖑᑎᑦ ᑕᓕᕐᐱᐊᓂ ᓇᖏᓚᐅᕐᐳᑦ: ᒪᑎᑍᐊ, ᓰᒪ, ᐊᓁᐊ, ᔪᕅᐊ, ᕼᐅᓪᑬᐊ, ᒫᓯᐊᓗ; ᐅᑯᐊᓗ ᓴᐅᒥᐊᓂ ᓇᖏᓚᐅᕆᕗᑦ; ᐱᑍᐊ, ᒥᓮᐅᓪ, ᒪᓪᑬᔭ, ᕼᐊᓲᒻ, ᕼᐊᓱᐸᑖᓇ, ᓴᑲᕅᐊ, ᒥᓱᓚᒻᓗ.

ᓂᕼᐃᒤᐊᐅᑉ ᐊᒡᓚᖏᑦ 8:5

ᐄᓱᕋᓗ ᓇᖏᓚᐅᕐᐳᖅ ᕿᔫᑉ ᓇᑎᓕᐅᑉ ᖄᖓᓂ ᐳᕐᑐᔪᒥ ᐃᓄᐃᑦ ᓇᔪᕐᑕᖏᓐᓂᑦ ᖁᕝᕙᓯᖕᓂᕐᓴᒥ; ᐊᒡᓔᓪᓗ ᒪᒃᐱᕐᒪᒋᑦ ᐃᓄᐃᑦ ᐃᓘᓐᓇᑎᒃ ᓂᑯᕕᑉᐳᑦ.

ᒫᑯᓯᐅᑉ ᐊᒡᓚᖏᑦ 12:37

“ᑍᕕᑎᐅᑉ ᐊᑕᓂᕐᒥᓂᒃ ᑍᖕᒪᒍ; ᖃᓄᖅ ᑕᕝᕙ ᙭ᔅᑑᓯ ᑍᕕᑎᐅᑉ ᑭᖑᕚᕆᒐᔭᕐᐸᐅᒃ?” ᐃᓄᒐᓴᒡᔪᐊᑦ ᐊᒥᓱᑦ ᔩᓱᓯᒥᒃ ᓈᓚᒃᐳᑦ ᖁᕕᐊᓱᒡᓗᑎᒃ.

ᓘᑲᓯᐅᑉ ᐊᒡᓚᖏᑦ 19:48

ᑐᖁᑦᑎᕕᒋᒐᔭᕐᑕᒥᖕᓂᓕ ᓇᓂᓯᔪᓐᓇᓚᐅᓐᖏᓚᑦ, ᐃᓄᖕᓄᑦ ᐱᕕᒃᓴᖃᕐᑎᑕᐅᓚᐅᖏᓐᓇᒥᒃ, ᐃᓄᐃᑦ ᑐᓵᔪᒪᕕᒃᔪᐊᓚᐅᕐᒪᑕ ᐅᖃᐅᓯᕆᔭᖏᒃᓂᒃ.

ᓘᑲᓯᐅᑉ ᐊᒡᓚᖏᑦ 8:18

“ᑲᒪᑦᓯᐊᕆᑦᓯ ᖃᓄᖅ ᑐᓵᖕᒪᖔᑦᓯ; ᓇᓪᓕᐊᑦ ᐱᖃᕐᑐᖅ ᑐᓂᓯᕕᐅᒃᑲᓐᓂᕐᓂᐊᕐᐳᖅ, ᐱᖃᖏᑦᑐᕐᓗ ᐊᕐᓵᕐᑕᐅᓂᐊᕐᐳᖅ ᐊᒡᓛᑦ ᒥᑭᔪᒥᒃ ᐱᖃᕋᓱᒋᒐᓗᐊᕐᐸᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:15

ᒨᓯᓯᐅᑉ ᐱᖁᔭᖏᑦ ᓇᓚᐅᑦᑍᔪᓪᓗ ᐅᖃᐅᓯᖏᑦ ᐅᖃᓕᒫᕐᑕᐅᔭᕇᕐᒪᑕ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᖓᔪᖅᑳᖏᑕ ᐅᖃᐅᑦᔭᐅᔭᕐᑐᖁᕚᒃ ᐅᖃᕐᓗᓂ, “ᐃᓅᖃᑎᒃᑲ, ᐱᕙᓪᓕᕈᑎᒃᓴᒥᒃ ᐃᓄᖕᓄᑦ ᐅᖃᐅᓯᒃᓴᖃᕈᑦᓯ ᐅᖃᓪᓚᖁᔨᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:27

ᐃᓄᐃᑦ ᔨᕉᓴᓕᒻᒥ ᓄᓇᖃᕐᑐᑦ ᐊᖓᔪᖅᑳᕆᔭᖏᓪᓗ ᖃᐅᔨᒪᓚᐅᖏᒻᒪᑕ ᐱᐅᓕᔨᐅᖕᒪᖔᑦ, ᑐᑭᓯᓚᐅᖏᒻᒪᑕᓘᓐᓃᑦ ᓇᓚᐅᑦᑍᔪᑦ ᐅᖃᐅᓯᖏᓐᓂᒃ ᓴᐸᑎᑕᒫᑦ ᐅᖃᓕᒫᕐᑕᐅᕙᒃᑲᓗᐊᕐᑎᓪᓗᒋᑦ, ᔩᓱᓯᒥᒃ ᑐᖁᑕᒃᓴᓐᖑᕐᑎᑦᓯᓂᕐᒥᒍᑦ ᐅᖃᐅᓰᑦ ᓇᓚᐅᑦᓯᑎᑕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 20:11

ᐃᒡᓗᒧᑦ ᓇᔪᕐᑕᒥᖕᓄᑦ ᐅᑎᕋᒥᒃ ᐸᐅᓗᓯᐅᑉ ᓂᐊᖂᔭᖅ ᐊᕕᒃᐹ ᓂᕆᓪᓗᑎᒡᓗ, ᓱᓕ ᐊᑯᓂ ᐅᖃᕐᕕᒋᓚᐅᕐᓗᒋᑦ, ᓯᕿᓂᐅᑉ ᓄᐃᓕᕐᓂᖓ ᑎᑭᓪᓗᒍ, ᐸᐅᓗᓯᐅᓪᓗ ᕿᒪᓕᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:7

ᓴᐸᑎᐅᑉ ᐅᓐᓄᖓᓂ ᑲᑎᓪᓗᑕ ᓂᕆᖃᑎᒌᒋᐊᕐᑐᕐᐳᒍᑦ, ᐸᐅᓗᓯ ᖃᐅᒃᐹᕋᒥ, ᐃᓄᐃᑦ ᐅᖃᓪᓚᒃᕕᒋᓕᕐᐰᑦ; ᐅᓐᓄᐊᑉ ᕿᑎᕋᕐᓂᖓ ᑎᑭᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᔮᓱᐊᑉ ᐊᒡᓚᖏᑦ 8:35

ᒨᓯᓯᐅᑉ ᐱᖁᔭᓕᒫᖏᑦ ᔮᓱᐊᑉ ᐅᖃᓕᒫᓚᐅᕐᐰᑦ ᑲᑎᒪᔪᓄᑦ ᐃᓴᕆᐊᓕᒥᐅᓄᑦ, ᐊᕐᓁᑦ ᕿᑐᕐᖓᖏᓪᓗ ᓄᓇᓕᑐᖃᐅᖏᑦᑐᓪᓗ ᐃᓅᖃᑎᖏᑦ ᐱᖃᑕᐅᔪᐃᓐᓇᐅᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:29

“‘ᓯᐅᑎᖃᕐᑑᑉ ᑐᓴᓕᕐᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:22

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”