ᓂᕼᐃᒤᐊᐅᑉ ᐊᒡᓚᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 8:18 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 8:2

ᑕᕝᕙ ᐄᓱᕋᐅᑉ ᑐᓂᕐᕈᓯᕐᑎᑦᓯᔨᐅᑉ ᑲᑎᒪᔪᓄᐊᕈᑎᓚᐅᕐᐰᑦ ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᕿᑐᕐᖓᖏᓐᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᑉ 7ᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 8:3

ᑍᑲᓂ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓂ ᐅᖃᓕᒫᓚᐅᕐᐰᑦ ᐅᓪᓛᒻᒪᕆᖕᒥᑦ ᐱᒋᐊᕐᓗᓂ ᐅᓪᓘᑉ ᕿᑎᕋᓕᕐᓂᖓᓄᑦ ᑎᑭᓪᓗᒍ, ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ; ᐃᓘᓐᓇᑎᒃ ᕿᑲᕐᓗᑎᒃ ᓈᓚᑦᓯᐊᓚᐅᕐᐳᑦ ᐊᒡᓚᖕᓂᒃ ᐱᖁᔭᓂᒃ.

ᒨᓯᓯ ᐱᖓᔪᖏᑦ 23:36

ᐅᓪᓗᓂᒃ ᑖᒃᑯᓇᓂ 7ᓂᒃ ᐃᑯᐊᓪᓚᒡᓗᒋᑦ ᑐᓂᕐᕈᓯᖃᑕᕐᑐᒃᓴᐅᕗᓯ ᐊᑕᓂᕐᒧᑦ, ᐅᓪᓗᐃᑦ 8ᖓᓂ ᑲᑎᒪᔪᒃᓴᐅᕗᓯ ᑐᒃᓯᐊᖃᑎᒌᒃᓗᓯ ᑐᓂᕐᕈᓯᕐᓗᓯᓗ ᐃᑯᐊᓪᓚᓗᒋᑦ ᐊᑕᓂᕐᒧᑦ. ᑖᓐᓇ ᑕᕝᕙ ᓄᖅᑲᐅᑎᓯ ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 23:41

ᓇᓪᓕᐅᓐᓂᕐᓯᐅᕐᓂᖅ ᑕᒪᓐᓇ ᖁᕕᐊᓲᑎᒋᓯᐅᒃ ᐅᓪᓗᓂᒃ 7ᓂᒃ ᐊᕐᕌᒍ ᑕᒫᑦ. ᑕᒪᓐᓇ ᒪᓕᒐᖅ ᑲᒪᒋᔭᐅᑦᓯᐊᕆᐊᖃᕐᐳᖅ ᑍᒪᓐᖓᓕᒫᖅ ᑭᖑᕚᕆᔪᒫᕐᑕᑦᓯᓐᓂᑦ; ᓇᓪᓕᐅᓐᓂᕐᓯᐅᖃᑦᑕᕆᐊᖃᕐᐸᓯ ᑕᖅᑮᑦ 7ᖓᓂ.

ᒨᓯᓯ ᓯᑕᒪᖏᑦ 29:35

“ᐅᓪᓗᐃᑦ 8ᖓᓂ ᐃᑦᔪᕐᓁᑦᑐᒥᒃ ᑲᑎᒪᔭᕆᐊᖃᕐᐳᓯ. ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ.

ᔪᐊᓇᓯᐅᑉ ᐊᒡᓚᖏᑦ 7:37

ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.