ᓂᕼᐃᒤᐊᐅᑉ ᐊᒡᓚᖏᑦ 8:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒤᒻᒪᑦ ᐃᓄᐃᑦ ᐊᕙᓚᖓᔪᓂᒃ ᐱᓚᐅᕐᐳᑦ ᓴᓇᓪᓗᑎᒡᓗ ᑐᐱᕐᒥᖕᓂᒃ ᖁᓕᓯᕗᑦ ᐃᒡᓗᖏᑕ ᐊᑐᓂᑦ ᖄᖓᓂ, ᓯᓚᑎᑦᓯᐊᒥᖕᓂᓘᓐᓃᑦ, ᑐᒃᓯᐊᕐᕕᐅᓪᓗ ᐱᕕᑐᓂᖓᓂ, ᐃᓄᑐᐃᓐᓇᕐᓄᓪᓗ ᐃᓂᒋᔭᐅᕙᒃᑑᑉ ᐱᕕᑐᓂᖓᓂ, ᐃᒥᕐᑕᕐᕕᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ ᐃᕗᕅᑎᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ.

ᓂᕼᐃᒤᐊᐅᑉ ᐊᒡᓚᖏᑦ 8:16 Iomraidhean Croise

ᓴᒧᐃᓕ ᐂᑉᐸᖏᑦ 11:2

ᐅᓪᓗᐃᑦ ᐃᓚᖓᓐᓂ, ᐅᓐᓄᓴᓕᕐᑎᓪᓗᒍ, ᑍᕕᑎ ᓯᓂᒃᑐᕕᓂᐅᓪᓗᓂ ᒪᑭᓚᐅᕐᐳᖅ ᐃᒡᓗᖓᑕᓗ ᖁᓛᓄᑦ ᐊᓃᕋᔮᕐᕕᖓᓄᐊᓚᐅᕐᐳᖅ, ᐊᕐᓇᒥᒡᓗ ᑕᑯᕗᖅ ᐃᒡᓗᒥᓂ ᐅᕕᓂᖕᓂᐊᕐᑐᒥᒃ; ᐊᕐᓇᕐᓗ ᑖᓐᓇ ᐃᓂᖁᓇᕐᑐᒻᒪᕆᐅᕗᖅ.

ᐊᑕᓃᑦ ᐂᑉᐸᖏᑦ 14:13

ᔨᕼᐅᐊᓯᐅᓪᓗ ᐊᒪᔧᐊ ᑎᒍᕚ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᕼᐊᔧᐊᐅᑉ ᐃᕐᓂᖓ, ᐱᑦ-ᓯᒥᔅᒦᑎᓪᓗᒍ, ᔨᕉᓴᓕᒧᓪᓗ ᑲᔪᓯᓪᓗᑎᒃ ᐊᕙᓗᕐᔪᐊᖓ ᓯᖁᑦᑎᕐᐹᑦ ᐃᕗᕅᑎᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᐱᒋᐊᕐᕕᒋᓪᓗᒍ ᑎᕆᖁᕐᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᑎᑭᓪᓗᒍ, 600ᓂᒃ ᐃᑎᒐᖕᓂᒃ ᑕᑭᓂᖃᕐᑐᖅ.

ᑯᕉᓂᑲ ᐂᑉᐸᖏᑦ 20:5

ᔨᕼᐆᓴᐸᑦᓗ ᓂᑯᕕᑉᐳᖅ ᔫᑕᒥᐅᑦ ᔨᕉᓴᓕᒥᐅᓪᓗ ᑲᑎᒪᔪᑦ ᓵᖏᓐᓂ, ᐊᑕᓂᐅᑉ ᐃᒡᓗᖓᓂ, ᓂᕈᑐᓂᐅᔭᖓᓂ ᓄᑖᒥ.

ᑯᕉᓂᑲ ᐂᑉᐸᖏᑦ 33:5

ᑐᓂᕐᕈᓯᕐᕕᓕᐅᓚᐅᕆᕗᕐᓗ ᐅᓪᓗᕆᐊᓄᑦ ᐊᑕᓂᐅᑉ ᐃᒡᓗᖓᑕ ᐃᓗᐊᓂ ᑐᕐᓲᖑᔭᖏᖕᓂ ᑕᒪᖏᖕᓂ.

ᓂᕼᐃᒤᐊᐅᑉ ᐊᒡᓚᖏᑦ 12:37

ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᑦ ᐱᒋᐊᕐᓗᑎᒃ ᒪᔪᕋᓚᐅᕐᐳᑦ ᑍᕕᑎᐅᑉ ᐃᒡᓗᒐᓴᖏᑕ ᒪᔪᕋᐅᑎᖏᑎᒍᑦ, ᐊᕙᓗᕐᔪᐊᑉ ᒪᔪᕋᐅᑎᖏᑎᒎᕐᓗᑎᒃ, ᑍᕕᑎᐅᑉ ᐃᒡᓗᒐᓴᖏᑕ ᖁᓛᓄᑦ, ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ ᑎᑭᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 12:39

ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 3:26

ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓄᑦ, ᓇᐸᔪᕐᔪᐊᒧᑦ ᑐᒃᓯᐊᕐᕕᒃᔪᐊᑉ ᓴᐴᓗᑕᖓᓄᑦ ᑎᑭᓪᓗᒍ. (ᑖᓐᓇ ᐃᒡᓗᒐᓴᐅᑉ ᐃᓗᐊᓂ ᑍᔭᐅᔪᖅ ᐅᐱᐅᓪᒥᒃ, ᑖᒃᑯᐊ ᑐᒃᓯᐊᕐᕕᒡᔪᐊᒥ ᓴᓇᔩᑦ ᐊᖏᕐᕋᖓᓂ.)

ᓂᕼᐃᒤᐊᐅᑉ ᐊᒡᓚᖏᑦ 8:1

ᑕᕝᕙᓂ ᑕᖅᑭᒥ ᐅᓪᓘᑉ ᓯᕗᓪᓕᕐᐹᖓᓂ ᐃᓄᐃᓪᓗ ᐃᓘᓐᓇᑎᒃ ᑲᑎᓚᐅᕐᐳᑦ ᐃᓄᒃᑐᑦ ᐊᑕᐅᓯᕐᑐᑦ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᐃᓗᐊᓂ. ᐄᓱᕋᓗ ᐊᒡᓚᖕᓂᒃ ᐅᖃᓕᒫᖁᔭᐅᓚᐅᕐᐳᖅ, ᑐᓂᕐᕈᓯᕐᑎᑦᓯᔨ ᐃᓕᓐᓂᐊᕐᓯᒪᒻᒪᕆᒃᑐᕐᓗ ᒨᓯᓯᐅᑉ ᐱᖁᔭᖏᓐᓂᒃ, ᐊᑕᓂᐅᑉ ᐱᖁᔭᓕᐊᕆᓚᐅᕐᑕᖏᓐᓂᒃ ᐃᓴᕆᐊᓕᑎᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:3

ᑍᑲᓂ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓂ ᐅᖃᓕᒫᓚᐅᕐᐰᑦ ᐅᓪᓛᒻᒪᕆᖕᒥᑦ ᐱᒋᐊᕐᓗᓂ ᐅᓪᓘᑉ ᕿᑎᕋᓕᕐᓂᖓᓄᑦ ᑎᑭᓪᓗᒍ, ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ; ᐃᓘᓐᓇᑎᒃ ᕿᑲᕐᓗᑎᒃ ᓈᓚᑦᓯᐊᓚᐅᕐᐳᑦ ᐊᒡᓚᖕᓂᒃ ᐱᖁᔭᓂᒃ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᒨᓯᓯ ᑕᓪᓕᒪᖏᑦ 22:8

“ᓄᑖᒥᒃ ᐃᒡᓗᓕᐅᕈᕕᑦ, ᖁᓛᖓᑕ ᓯᓈᒍᑦ ᐃᔪᒃᑲᕇᒃᑯᓯᕐᑕᒃᓴᕆᕙᑦ, ᐃᓄᖕᒥᒃ ᐃᒡᓘᑉ ᖁᓛᓂᑦ ᐃᔪᒃᑲᕐᑐᖃᕐᓗᓂ ᑐᖁᔪᖃᕐᐸᑦ ᐸᓯᔭᒃᓴᐅᒐᔭᓐᖏᓚᑎᑦ.