ᓂᕼᐃᒤᐊᐅᑉ ᐊᒡᓚᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓄᐃᓪᓗ ᐃᓘᓐᓇᑎᒃ ᐊᖏᕐᕋᓕᕐᐳᑦ ᓂᕆᔭᕐᑐᕐᓗᑎᒃ ᐃᒥᕆᐊᕐᑐᕐᓗᑎᒡᓗ ᑲᑐᑦᔨᖃᑎᒌᒡᓗᑎᒡᓗ ᐊᖏᔪᒥᒃ ᖁᕕᐊᓱᓕᕐᐳᑦ, ᑐᑭᓯᑦᓯᐊᓚᐅᕋᒥᒃ ᐅᖃᐅᓯᕐᓂᒃ ᐅᖃᓕᒫᕐᑕᐅᓚᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:12 Iomraidhean Croise

ᑯᕉᓂᑲ ᓯᕗᓪᓖᑦ 29:22

ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᓂᕼᐃᒤᐊᐅᑉ ᐊᒡᓚᖏᑦ 8:11

ᑕᕝᕙ ᓕᕔᑎᑦ ᐃᓄᖕᓄᐊᕐᓗᑎᒃ ᓂᓪᓕᐊᔪᓐᓃᕐᑎᑦᓯᕗᑦ ᐅᖃᐅᑎᓪᓗᒋᓪᓗ, “ᕿᐊᔪᓐᓃᕆᑦᓯ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᖕᒪᑦ, ᕿᒃᓵᒍᓐᓃᕆᑦᓯ.”

ᓂᕼᐃᒤᐊᐅᑉ ᐊᒡᓚᖏᑦ 8:13

ᖃᐅᑎᓪᓗᒍ ᐃᓚᒌᓕᒫᑦ ᐊᖓᔪᖅᑳᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ ᐃᓚᒋᓪᓗᒋᑦ, ᐄᓱᕋᒧᐊᕐᐳᑦ ᐱᖁᔭᓂᒃ ᐃᓕᓮᔨᒧᑦ, ᐃᓕᓐᓂᐊᕆᐊᕐᓗᑎᒃ ᐱᖁᔭᓂᒃ.

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᔫᐱᐅᑉ ᐊᒡᓚᖏᑦ 23:12

ᐱᖁᔭᖏᑦ ᐅᖃᐅᓯᕆᓯᒪᔭᖏᑦ ᕿᒪᓚᐅᓐᖏᓚᒃᑲ; ᑲᒪᒋᑦᓯᐊᕐᓗᒋᑦ ᓴᕐᓕᐊᓚᐅᕐᐸᒃᑲ ᑖᑦᓱᒪ ᐅᖃᐅᓯᖏᑦ.

ᐃᓐᖏᕈᑎᑦ 119:111

ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.

ᐃᓐᖏᕈᑎᑦ 119:127

ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:14

ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.

ᐃᓐᖏᕈᑎᑦ 119:16

ᐊᑐᕐᑕᐅᖁᔭᑎᑦ ᖁᕕᐊᒋᕙᒃᑲ; ᐅᖃᐅᓯᕐᑎᑦ ᐳᐃᒍᕐᓂᐊᓐᖏᓚᒃᑲ.

ᐃᓐᖏᕈᑎᑦ 119:171

ᖃᓂᕋ ᐊᓂᑦᓯᓂᐊᕐᐳᖅ ᓂᕐᑐᐃᓂᕐᒥᒃ, ᐊᑐᕐᑕᐅᖁᔭᕐᓂᒃ ᐊᔪᕆᕐᑐᕈᕕᖓ.

ᐃᓐᖏᕈᑎᑦ 119:174

ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.

ᐃᓐᖏᕈᑎᑦ 119:72

ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.

ᐃᓐᖏᕈᑎᑦ 119:97

ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᓘᑲᓯᐅᑉ ᐊᒡᓚᖏᑦ 24:32

ᑖᒃᑯᐊᒃ ᐃᒻᒥᖕᓄᑦ ᐅᖃᓕᕐᐴᒃ, “ᐆᓇᕐᓯᔪᐊᓘᖅᑲᐅᒐᓗᐊᕐᐳᒍᒃ ᐃᓗᑦᑎᖕᓂ ᐅᖃᓪᓚᒃᑎᓪᓗᒍ ᐊᖅᑯᑎᒃᑰᕐᑎᓪᓗᑕ, ᐊᒡᓚᖕᓂᒃ ᐅᖃᕐᕕᒋᖕᒪᑎᒃᑯᒃ ᓇᓗᓁᕐᓯᕕᒋᓪᓗᓄᒡᓗ.”

ᕉᒪᒥᐅᓄᑦ 7:18

ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.