ᓂᕼᐃᒤᐊᐅᑉ ᐊᒡᓚᖏᑦ 8:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙᓂ ᑕᖅᑭᒥ ᐅᓪᓘᑉ ᓯᕗᓪᓕᕐᐹᖓᓂ ᐃᓄᐃᓪᓗ ᐃᓘᓐᓇᑎᒃ ᑲᑎᓚᐅᕐᐳᑦ ᐃᓄᒃᑐᑦ ᐊᑕᐅᓯᕐᑐᑦ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᐃᓗᐊᓂ. ᐄᓱᕋᓗ ᐊᒡᓚᖕᓂᒃ ᐅᖃᓕᒫᖁᔭᐅᓚᐅᕐᐳᖅ, ᑐᓂᕐᕈᓯᕐᑎᑦᓯᔨ ᐃᓕᓐᓂᐊᕐᓯᒪᒻᒪᕆᒃᑐᕐᓗ ᒨᓯᓯᐅᑉ ᐱᖁᔭᖏᓐᓂᒃ, ᐊᑕᓂᐅᑉ ᐱᖁᔭᓕᐊᕆᓚᐅᕐᑕᖏᓐᓂᒃ ᐃᓴᕆᐊᓕᑎᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:1 Iomraidhean Croise

ᐊᑕᓃᑦ ᐂᑉᐸᖏᑦ 23:2

ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓄᐊᕐᐳᖅ, ᐊᖑᑎᓕᒫᑦ ᔫᑕᒥᐅᑦ ᐃᓚᒋᓪᓗᒋᑦ ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑐᓂᕐᕈᓯᕐᑎᑦᓯᔩᓪᓗ, ᒎᑎᐅᓪᓗ ᐅᖃᕐᑎᖏᑦ, ᐃᓄᓕᒫᑦ ᐊᒃᓗᔪᑦ ᐊᒃᓗᐃᑦᑐᓪᓗ ᐃᓚᒋᓪᓗᒋᑦ; ᑖᒃᑯᐊᓗ ᓵᖏᓐᓂ ᐊᖓᔪᖅᑳᕐᔪᐊᑉ ᓂᐱᖅᑯᕐᑐᓪᓗᓂ ᐊᒡᓔᑦ ᐊᖏᖃᑎᒌᖕᓂᕐᒥᒃ ᐅᖃᐅᓯᖃᕐᑐᑦ ᐅᖃᓕᒫᕐᐰᑦ ᐊᑕᓂᐅᑉ ᐃᒡᓗᖓᓂᑦ ᓇᓂᔭᐅᓚᐅᕐᑐᑦ.

ᑯᕉᓂᑲ ᐂᑉᐸᖏᑦ 34:15

ᑕᕝᕙ ᕼᐃᓪᑬᐊ ᐅᖃᕐᐳᖅ ᓴᕙᓂᒧᑦ ᑎᑎᕋᕐᑎᒧᑦ, “ᐊᒡᓔᑦ ᓇᓂᕙᒃᑲ ᐱᖁᔧᑦ ᐊᑕᓂᐅᑉ ᐃᒡᓗᖓᓂ.” ᕼᐃᐅᓪᑬᐊᐅᓪᓗ ᐊᒡᓔᑦ ᑐᓂᕔᑦ ᓮᕙᓐᒧᑦ.

ᑯᕉᓂᑲ ᐂᑉᐸᖏᑦ 34:30

ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓄᐊᕐᐳᖅ, ᔫᑕᒥ ᔨᕉᓴᓕᒥᓗ ᓄᓇᖃᕐᑐᓕᒫᑦ ᐊᖑᑎᑦ ᐃᓚᒋᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ, ᐃᓄᓕᒫᓪᓗ ᐊᒃᓗᐃᑦᑐᑦ ᐊᒃᓗᔪᓪᓗ; ᑐᓵᑎᓪᓗᒋᓪᓗ ᐅᖃᓕᒫᕐᕕᒋᕔᑦ ᐊᒡᓚᖕᓂᒃ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ ᓇᓂᔭᐅᓚᐅᕐᑐᓂᒃ ᐊᑕᓂᐅᑉ ᐃᒡᓗᖓᓂᑦ.

ᐄᓱᕋᐅᑉ ᐊᒡᓚᖏᑦ 7:1

ᑕᒪᒃᑯᐊ ᐊᓂᒍᕐᓯᒪᓕᕐᑎᓪᓗᒋᑦ, ᐋᕐᑕᔮᒃᓯ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᖑᑎᑕᖃᓚᐅᕐᐳᖅ ᐄᓱᕋᒥᒃ ᐊᑎᓕᖕᒥᒃ, ᓯᕗᓕᕕᓂᕐᒥᓂᒃ ᖃᐅᔨᓴᕋᒥ ᐂᕋᓐᒧᑦ ᑎᑭᐅᒪᔪᓂᒃ ᖃᐅᔨᓚᐅᕐᐳᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᒋᓚᐅᕐᑕᖓᓄᑦ, ᐃᒤᓕᖓᓚᐅᕐᐳᑦ: ᐄᓱᕋ ᐃᕐᓂᕆᔭᐅᓚᐅᕐᐳᖅ ᓯᕅᐊᒧᑦ, ᓯᕅᐊ ᐃᕐᓂᕆᔭᐅᓪᓗᓂ ᐊᔭᕅᐊᒧᑦ, ᐊᔭᕅᐊ ᐃᕐᓂᕆᔭᐅᓪᓗᓂ ᕼᐃᓪᑬᐊᒧᑦ,

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᐄᓱᕋᐅᑉ ᐊᒡᓚᖏᑦ 7:11

ᐅᑯᐊ ᑕᕝᕙ ᐊᑦᔨᖏᑦ ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᑎᑎᕋᓚᐅᕐᑕᖏᑦ ᐄᓱᕋᒧᑦ, ᑐᓂᕐᕈᓯᕐᑎᑦᓯᔨᒧᑦ ᐃᓕᓯᒪᔪᒧᓪᓗ, ᖃᐅᔨᒪᑦᓯᐊᕐᑐᒧᑦ ᐱᖁᔭᓂᒃ ᐊᑕᓂᐅᑉ ᐱᖁᓯᒪᔭᖏᓐᓂᒃ, ᐊᑐᕐᑕᐅᖁᓚᐅᕐᑕᖏᓐᓂᒡᓗ ᐃᓴᕆᐊᓕᒥᐅᓄᑦ:

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 12:26

ᑖᒃᑯᐊ ᑕᕝᕙ ᐃᓅᓚᐅᕐᑐᑦ ᔪᐃᐊᑭᒻ ᔩᓱᐊᑉ ᐃᕐᓂᖓ ᔫᔭᑕᐅᑉ ᐃᕐᖑᑕᖓ, ᓂᕼᐃᒤᐊᓗ ᐊᐅᓚᑦᓯᔨᐅᑎᓪᓗᒍ ᐄᓱᕋᓗ ᑐᓂᕐᕈᓯᕐᑎᑦᓯᔨᐅᑎᓪᓗᒍ ᐱᖁᔭᓂᒃ ᐃᓕᓯᒪᔪᖅ.

ᓂᕼᐃᒤᐊᐅᑉ ᐊᒡᓚᖏᑦ 12:37

ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᑦ ᐱᒋᐊᕐᓗᑎᒃ ᒪᔪᕋᓚᐅᕐᐳᑦ ᑍᕕᑎᐅᑉ ᐃᒡᓗᒐᓴᖏᑕ ᒪᔪᕋᐅᑎᖏᑎᒍᑦ, ᐊᕙᓗᕐᔪᐊᑉ ᒪᔪᕋᐅᑎᖏᑎᒎᕐᓗᑎᒃ, ᑍᕕᑎᐅᑉ ᐃᒡᓗᒐᓴᖏᑕ ᖁᓛᓄᑦ, ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ ᑎᑭᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 3:26

ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓄᑦ, ᓇᐸᔪᕐᔪᐊᒧᑦ ᑐᒃᓯᐊᕐᕕᒃᔪᐊᑉ ᓴᐴᓗᑕᖓᓄᑦ ᑎᑭᓪᓗᒍ. (ᑖᓐᓇ ᐃᒡᓗᒐᓴᐅᑉ ᐃᓗᐊᓂ ᑍᔭᐅᔪᖅ ᐅᐱᐅᓪᒥᒃ, ᑖᒃᑯᐊ ᑐᒃᓯᐊᕐᕕᒡᔪᐊᒥ ᓴᓇᔩᑦ ᐊᖏᕐᕋᖓᓂ.)

ᓂᕼᐃᒤᐊᐅᑉ ᐊᒡᓚᖏᑦ 8:16

ᑍᒤᒻᒪᑦ ᐃᓄᐃᑦ ᐊᕙᓚᖓᔪᓂᒃ ᐱᓚᐅᕐᐳᑦ ᓴᓇᓪᓗᑎᒡᓗ ᑐᐱᕐᒥᖕᓂᒃ ᖁᓕᓯᕗᑦ ᐃᒡᓗᖏᑕ ᐊᑐᓂᑦ ᖄᖓᓂ, ᓯᓚᑎᑦᓯᐊᒥᖕᓂᓘᓐᓃᑦ, ᑐᒃᓯᐊᕐᕕᐅᓪᓗ ᐱᕕᑐᓂᖓᓂ, ᐃᓄᑐᐃᓐᓇᕐᓄᓪᓗ ᐃᓂᒋᔭᐅᕙᒃᑑᑉ ᐱᕕᑐᓂᖓᓂ, ᐃᒥᕐᑕᕐᕕᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ ᐃᕗᕅᑎᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ.

ᓂᕼᐃᒤᐊᐅᑉ ᐊᒡᓚᖏᑦ 8:3

ᑍᑲᓂ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓂ ᐅᖃᓕᒫᓚᐅᕐᐰᑦ ᐅᓪᓛᒻᒪᕆᖕᒥᑦ ᐱᒋᐊᕐᓗᓂ ᐅᓪᓘᑉ ᕿᑎᕋᓕᕐᓂᖓᓄᑦ ᑎᑭᓪᓗᒍ, ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ; ᐃᓘᓐᓇᑎᒃ ᕿᑲᕐᓗᑎᒃ ᓈᓚᑦᓯᐊᓚᐅᕐᐳᑦ ᐊᒡᓚᖕᓂᒃ ᐱᖁᔭᓂᒃ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᒨᓯᓯ ᐱᖓᔪᖏᑦ 9:5

ᑖᒃᑯᓂᖓᓗ ᐊᑐᐃᓐᓇᕈᐃᕗᑦ ᒨᓯᓯᐅᑉ ᐱᖁᔭᖏᓐᓂᒃ ᑐᐱᐅᑉ ᑲᑎᒪᕕᐅᑉ ᓵᖓᓂ, ᐃᓄᒋᐊᒃᑐᕐᔪᐊᓪᓗ ᖃᒡᓕᒋᐊᕐᐳᑦ ᐊᑕᓂᐅᑉ ᓵᖓᓂ.

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 23:2

“ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᐱᔪᓐᓇᕐᓯᑎᑕᐅᓯᒪᕗᑦ ᑐᑭᓯᓇᕐᓯᑎᑦᓯᔨᐅᖁᓪᓗᒋᑦ ᒨᓯᓯᐅᑉ ᐱᖁᔭᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 23:34

ᑍᒤᒻᒪᑦ ᓇᓚᐅᑦᑍᔪᓂᒃ ᑎᓕᓯᕕᒋᓂᐊᕐᐸᑦᓯ, ᓯᓚᑐᔪᓂᒡᓗ, ᐊᔪᕆᕐᑐᐃᔨᓂᒡᓗ; ᐃᓚᖏᑦ ᑐᖁᓐᓂᐊᕐᐸᓯ, ᐃᓚᖏᓪᓗ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᓗᓯᐅᒃ, ᐃᓚᖏᑦ ᑏᒐᕐᑐᕐᓗᒋᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᒪᓕᑲᑕᖕᓂᐊᕐᐸᓯᓗ ᐊᑭᕋᕐᑐᕐᓗᒋᑦ ᓄᓇᓕᖕᓂᑦ ᓄᓇᓕᖕᓄᑦ.

ᒨᓯᓯ ᑕᓪᓕᒪᖏᑦ 31:11

ᐊᑐᐊᕐᑕᐅᖃᑦᑕᕐᑐᒃᓴᐅᕗᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᒃᓯᐊᕆᐊᕐᑐᕐᓯᒪᑎᓪᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᒃᓯᐊᕐᕕᐅᕙᒃᑐᒥ ᑲᑎᖃᑦᑕᕐᕕᖕᒥ.

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.

ᐃᓗᐊᕐᓮᔩᑦ ᐊᒡᓚᖏᑦ 20:8

ᐃᓄᓕᒫᑦ ᓂᑯᕕᓚᐅᕐᐳᑦ ᐅᖃᕐᓗᑎᒡᓗ, “ᓇᓕᕐᐳᑦ ᑐᐱᕐᒥᓄᑦ ᐅᑎᕐᓂᐊᓐᖏᓚᖅ, ᐃᒡᓗᒥᓄᓪᓘᓐᓃᑦ ᐊᖏᕐᕋᕐᓂᐊᓐᖏᓚᖅ.