ᓂᕼᐃᒤᐊᐅᑉ ᐊᒡᓚᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 7:2 Iomraidhean Croise

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᓴᒧᐃᓕ ᐂᑉᐸᖏᑦ 23:3

ᐃᓴᕆᐊᓕᐅᑉ ᒎᑎᖓ ᐅᖃᓚᐅᕐᐳᖅ; ᐃᓴᕆᐊᓕᐅᑉ ᓴᐳᑦᔨᔨᖓ ᐅᕙᓐᓄᑦ ᐅᖃᓚᐅᕐᐳᖅ: ᐊᖓᔪᖅᑳᕐᔪᐊᖅ ᐊᐅᓚᑦᓯᔪᖅ ᓱᓕᑦᓯᐊᕐᑐᒥᒃ, ᐊᐅᓚᑦᓯᔪᖅ ᓈᓚᑦᓯᐊᕐᓗᓂ ᒎᑎᒥᒃ,

ᐊᑕᓃᑦ ᓯᕗᓪᓖᑦ 18:12

ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᓯᕗᓪᓖᑦ 18:3

ᐂᕼᐊᐱᐅᑉ ᐅᐸᑍᐊ ᕾᖁᕚ, ᑲᒪᔨᐅᔪᖅ ᐃᒡᓗᖓᓂᒃ. (ᑖᓐᓇ ᐅᐸᑍᐊ ᑲᒪᑦᓯᐊᓪᓚᕆᒃᑑᕗᖅ ᐊᑕᓂᕐᒥᒃ;

ᓂᕼᐃᒤᐊᐅᑉ ᐊᒡᓚᖏᑦ 1:2

ᕼᐊᓇᓁ ᖃᑕᓐᖑᑎᒪ ᐃᓚᖓᑦ, ᐊᖑᑎᓂᒃ ᐃᓚᖃᕐᓗᓂ ᔫᑕᒥᑦ ᑎᑭᒻᒪᑕ; ᐊᐱᕆᓚᐅᕐᐸᒃᑲ ᔫᑎᑦ ᐅᑎᕐᓯᒪᓕᕐᑐᑦ ᖃᓄᐃᒻᒪᖔᑕ ᐹᐱᓘᓂᒧᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ, ᔨᕉᓴᓕᒻᓗ ᖃᓄᐃᒻᒪᖔᑦ.

ᓂᕼᐃᒤᐊᐅᑉ ᐊᒡᓚᖏᑦ 10:23

ᕼᐆᓯᐊ, ᕼᐊᓇᓁᐊ, ᕼᐊᓱᑉ,

ᓂᕼᐃᒤᐊᐅᑉ ᐊᒡᓚᖏᑦ 13:13

ᑮᓇᐅᔭᓕᕆᔨᒃᓴᓂᒡᓗ ᑎᓕᓯᓚᐅᕐᐳᖓ ᑐᓂᔭᐅᔪᑦ ᓱᓇᑐᐃᓐᓇᖃᐅᑎᖓᓂ ᑲᒪᔨᐅᓂᐊᕐᑐᓂᒃ ᓯᓕᒤᐊ ᑐᓂᕐᕈᓯᕐᑎᑦᓯᔨ, ᔭᑑᒃ ᐱᖁᔭᓂᒃ ᐃᓕᓯᒪᔪᖅ, ᓕᕔᑎ ᐱᑍᐊ, ᐃᑲᔪᕐᑎᒃᓴᖃᕐᓗᑎᒃ ᕼᐊᓇᓐᒥᒃ ᔭᑯᕆᐅᑉ ᐃᕐᓂᖓᓂᒃ, ᒪᑕᓁᐊᐅᑉ ᐃᕐᖑᑕᖓᓂᒃ, ᑖᒃᑯᐊ ᐱᑦᓯᐊᕈᓐᓇᕋᓱᒋᔭᐅᓚᐅᕐᒪᑕ; ᐱᔭᒃᓴᖃᕐᐳᑦ ᐃᓅᖃᑎᒥᖕᓄᑦ ᐂᑦᑐᕐᑐᐃᖃᑦᑕᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 7:3

ᐅᖃᐅᑎᓚᐅᕐᐹᒃᑲᒃ ᔨᕉᓴᓕᐅᑉ ᐃᑎᕐᑕᕐᕕᖏᑦ ᒪᑐᐃᕐᑕᐅᔭᕆᐊᖃᖏᓐᓂᖏᓐᓂᒃ ᓯᕿᓂᖅ ᑭᑦᔨᓕᓚᐅᖏᓐᓂᖓᓂ, ᖃᐅᔨᓴᕐᑎᖃᓕᕐᐸᓪᓗ ᑭᓯᐊᓂ ᒪᑐᐃᕐᑕᐅᖁᓪᓗᒍ; ᐊᒻᒪ ᒪᑐᔭᐅᖃᑦᑕᕆᐊᖃᕐᓂᖏᓐᓂᒃ ᐊᑦᓱᖏᕐᑕᐅᕙᒡᓗᑎᒡᓗ ᖃᐅᔨᓴᕐᑏᑦ ᓄᖅᑲᓚᐅᖏᓐᓂᖏᓐᓂ ᓯᕿᓂᐅᑉ ᓂᐱᒋᐊᕐᕕᖓᓂ, ᐅᖃᐅᑎᒋᐊᓪᓚᓚᐅᕐᐹᒃᑲᒡᓗ ᑎᓕᓯᖁᓪᓗᒋᒃ ᖃᐅᔨᓴᕐᑎᒃᓴᓂᒃ ᐃᓄᖕᓂᑦ ᔨᕉᓴᓕᒦᑦᑐᓂᑦ, ᑖᒃᑯᐊᓗ ᑎᓕᓗᒋᑦ ᖃᐅᔨᓴᕐᕕᒋᓂᐊᕐᑕᖏᓐᓄᑦ, ᐊᓯᖏᓐᓂᒡᓗ ᖃᐅᔨᓴᕐᑎᑕᕾᓐᓇᖁᓪᓗᒋᑦ ᓇᖕᒥᓂᖅ ᐃᒡᓗᒥᑕ ᐅᒃᑯᐊᖓᓐᓃᑦᑐᓂᒃ.

ᔫᐱᐅᑉ ᐊᒡᓚᖏᑦ 1:1

ᐊᖑᑎᑕᖃᓚᐅᕐᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᕐᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᕐᓗᓂ, ᐱᐅᖏᑦᑐᓕᓂᕐᒥᒡᓗ ᐊᑐᕐᑍᓕᒪᓪᓗᓂ.

ᐃᓐᖏᕈᑎᑦ 101:6

ᓄᓇᒥ ᓱᓕᑦᓯᐊᕐᑐᒥᒃ ᐃᓅᔪᓂᒃ ᕿᓂᕐᓂᐊᕐᐳᖓ, ᑖᒃᑯᐊ ᐃᒡᓗᕐᔪᐊᖁᑎᓐᓂ ᐃᓂᖃᕈᓐᓇᖁᓪᓗᒋᑦ; ᐸᓯᔭᒃᓴᐅᖏᑦᑐᒥᒃ ᐃᓅᔪᖅ ᑖᓐᓇ ᐱᔨᒋᓂᐊᕐᐸᕋ.

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᑖᓂᐊᓕᐅᑉ ᐊᒡᓚᖏᑦ 6:4

ᑍᒤᒻᒪᑦ, ᐊᖓᔪᖅᑳᖑᖃᑎᖏᑦ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᕿᓂᓚᐅᕐᐳᑦ ᑖᓂᐊᓕ ᐸᓯᔪᒪᓪᓗᒍ ᐊᖓᔪᖅᑲᐅᕕᖕᒥᒃ ᐊᐅᓚᑦᓯᓂᖓᒍᑦ, ᐸᑦᓯᑎᒃᓴᕐᓯᔪᓐᓇᓚᐅᓐᖏᓚᓪᓕ, ᓈᒻᒪᖏᑦᑐᒥᒃ ᓇᓂᓯᕝᕕᒋᔪᓐᓇᓚᐅᖏᓐᓇᒥᑦᔪᒃ, ᐃᕿᐊᓱᒍᓐᓇᖏᒻᒪᑦ ᓈᒻᒪᖏᑦᑐᒥᒡᓗ ᐱᓂᐊᕐᓂᖃᕋᓂ.

ᒨᓯᓯ ᓯᑕᒪᖏᑦ 12:7

ᒨᓯᓯᒧᓪᓕ ᐱᔨᓐᓄᑦ ᑍᒤᓕᐅᕐᐸᓐᖏᓚᖓ; ᑖᓐᓇ ᓱᖁᓯᔪᐃᑦᑑᖕᒪᑦ ᐃᒡᓗᓐᓂ.

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:2

ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.