ᓂᕼᐃᒤᐊᐅᑉ ᐊᒡᓚᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᐊᕙᓗᕐᔪᐊᓕᒫᖅ ᓴᓇᔭᐅᔭᕇᕐᒪᑦ, ᐃᑎᕐᑕᕐᕕᖏᑕᓗ ᐅᒃᑯᐊᓕᒫᖏᑦ ᐋᖅᑭᒃᑕᐅᔭᕇᕐᒪᑕ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ, ᐃᓐᖏᕐᑎᖏᓪᓗ, ᐊᓯᖏᓪᓗ ᓕᕔᑎᑦ ᐱᓇᓱᒋᐊᓕᖕᒥᖕᓄᑦ ᑎᓕᔭᐅᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 7:1 Iomraidhean Croise

ᐊᑕᓃᑦ ᐂᑉᐸᖏᑦ 7:10

ᑕᕝᕙ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑕ ᑲᒪᔨᖓᓐᓄᑦ ᐅᖃᕆᐊᕐᑐᕐᐳᑦ, ᐅᖃᕐᓗᑎᒡᓗ, “ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓚᐅᕋᑦᑕ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᖏᒻᒪᑦ ᓂᐱᖃᕐᑐᖃᓐᖏᓚᖅ ᕿᒥᕐᔪᐊᑦ ᓯᐅᑎᖅᑯᕐᑐᔪᓪᓗ ᐃᐱᕐᓯᒪᔪᑦ ᑕᒪᑦᔭᑑᓚᐅᕐᐳᑦ ᑐᐲᑦ ᐃᓄᖃᕋᑎᒃ ᑍᒤᓕᖓᑐᐃᓐᓇᕐᑐᑦ ᑕᑯᓚᐅᕐᐸᕗᑦ.”

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 10:39

ᐃᓴᕆᐊᓕᒃᑯᑦ ᐃᓄᖏᑦ ᓕᕔᑎᒃᑯᓪᓗ ᑭᖑᕚᖏᑦ ᑐᓂᓯᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᐃᑦᔪᕐᓁᑦᑐᕕᖕᒥ ᓇᓂᕈᐊᖃᕐᕖᑦ, ᑐᓂᕐᕈᓯᕐᑎᑦᓯᔩᓪᓗ ᑕᕝᕙᓂ ᐱᓇᓱᐊᕐᑐᑦ, ᐃᑎᕐᑕᕐᕖᓪᓗ ᑲᒪᔨᖏᑕ ᐃᓐᖏᕐᑏᓪᓗ ᐊᑐᒐᒃᓴᖏᓐᓂᒃ. ᒎᑎᑦᑕ ᐃᒡᓗᖓᓂᒃ ᑲᒪᑦᓯᐊᕈᓐᓁᖁᓇᑕ.

ᓂᕼᐃᒤᐊᐅᑉ ᐊᒡᓚᖏᑦ 11:3

ᔫᑕᒥᓕ ᓄᓇᖃᕐᑐᑦ ᓇᖕᒥᓂᕆᔭᒥᖕᓂ ᐊᑐᓂᑦ ᓄᓇᖃᓚᐅᕐᐳᑦ: ᒪᑯᐊ ᐃᓴᕆᐊᓕᒥᐅᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑎᒃᑯᑦ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑏᑦ, ᓲᓗᒨᓂᐅᓪᓗ ᐱᔨᖏᑕ ᑭᖑᕚᖏᑦ. ᐅᑯᐊ ᑕᕝᕙ ᓄᓇᓖᑦ ᐊᕕᒃᑐᕐᓯᒪᓂᖏᑕ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᑐᑦ:

ᓂᕼᐃᒤᐊᐅᑉ ᐊᒡᓚᖏᑦ 12:24

ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 6:1

ᓴᓐᐸᓛᑎ, ᑐᐱᐊ, ᒋᓯᒥᓗ ᐋᕋᑉᒥᐅᑦ ᐊᑭᕋᕐᑐᕐᑎᓕᒫᕗᑦ ᑐᓴᕋᒥᒃ ᐱᔭᕇᕐᓂᑦᑎᓐᓂᒃ ᐊᕙᓗᕐᔪᐊᕐᒥᒃ, ᐊᕙᓗᖃᖏᑦᑐᖃᕈᓐᓁᕐᓂᖓᓗ (ᐃᓛᒃ ᑍᑦᓱᒪᓂᐅᑎᓪᓗᒍ ᓱᓕ ᐱᔭᕇᓚᐅᓐᖏᒃᑲᓗᐊᕐᑐᒍᑦ ᐃᑎᕐᑕᕐᕕᐅᑉ ᐅᒃᑯᐊᕐᔪᐊᖏᓐᓂᒃ),

ᓂᕼᐃᒤᐊᐅᑉ ᐊᒡᓚᖏᑦ 6:15

ᐅᓪᓗᓂᒃ 52ᓂᒃ ᐱᓇᓱᐊᕐᑕᐅᔪᑦ ᐊᕙᓗᕐᔪᐊᖅ ᐱᔭᕇᕐᑕᐅᓚᐅᕐᐳᖅ ᐃᓘᓐᓇᓕᒫᖓ, ᐱᔭᕇᓚᐅᕐᐳᖅ ᐅᓪᓘᑉ 25ᖓᓐᓂ ᐃᓘᑉ ᑕᖅᑭᖓᓂ.

ᓂᕼᐃᒤᐊᐅᑉ ᐊᒡᓚᖏᑦ 6:19

ᐃᓄᐃᓪᓗ ᐅᕙᓐᓄᑦ ᐅᖃᖃᑦᑕᓚᐅᕐᐳᑦ ᑐᐱᐊᑉ ᐱᑦᓯᐊᕐᓂᖓᓂᒃ, ᐅᖃᐅᑦᔭᐅᕙᒃᓗᓂᓗ ᐅᖃᐅᓯᕆᔭᕕᓂᓐᓂᒃ. ᑎᑎᕋᕐᕕᒋᖃᑦᑍᓐᓇᓚᐅᕐᐹᖓᓗ ᑲᑉᐱᐊᓱᒃᑎᑦᓱᒪᓪᓗᖓ.