ᓂᕼᐃᒤᐊᐅᑉ ᐊᒡᓚᖏᑦ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᒻᒪᓗ ᐋᖅᑮᔭᕇᕐᓯᒪᔪᑎᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ ᔨᕉᓴᓕᒥ ᓇᓗᓁᕐᓯᓛᖁᓪᓗᒋᑦ ᐊᖓᔪᖅᑳᕐᔪᐊᓐᖑᕐᓂᕐᓂᒃ ᔫᑕᒧᑦ. ᐊᖓᔪᖅᑳᕐᔪᐊᕗᑦ ᑕᒪᑐᒥᖓ ᑐᓴᕐᓂᐊᕐᐳᖅ. ᑍᒤᒻᒪᑦ ᑲᑎᓗᓄᒃ ᑕᒪᓐᓇ ᐅᖃᖃᑎᒌᒍᑎᒋᓚᐅᕐᓚᕗᒃ.”

ᓂᕼᐃᒤᐊᐅᑉ ᐊᒡᓚᖏᑦ 6:7 Iomraidhean Croise

ᐊᑕᓃᑦ ᓯᕗᓪᓖᑦ 1:18

ᒫᓐᓇᓕ ᑕᑯᒋᑦ, ᐊᑐᓁᔭ ᐊᖓᔪᖅᑳᕐᔪᐊᖑᓕᕐᐳᖅ, ᐊᒡᓛᑦ ᐊᑕᓂᕋ ᐊᖓᔪᖅᑳᕐᔪᐊᖅ ᖃᐅᔨᓚᐅᓐᖏᑎᓪᓗᑎᑦ.

ᐊᑕᓃᑦ ᓯᕗᓪᓖᑦ 1:25

ᐅᓪᓗᒥ ᐊᐅᓪᓚᕐᐳᖅ, ᑐᓂᕐᕈᓯᕆᐊᕐᑐᕐᓗᓂ ᐅᓄᕐᑐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᓄᕐᕋᓂᒡᓗ ᖁᐃᒃᑎᑦᓯᐊᖑᓯᒪᔪᓂᒃ, ᕾᖁᔨᓪᓗᓂ ᐊᖓᔪᖅᑳᕐᔪᐊᑉ ᐃᕐᓂᓕᒫᖏᓐᓂᒃ, ᔪᐊᐱᒥᒡᓗ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ, ᑕᑯᒋᓪᓗ, ᒫᓐᓇ ᓂᕆᕕᒡᔪᐊᕐᐳᑦ ᐃᒥᕐᓗᑎᒡᓗ ᑖᑦᓱᒪ ᓵᖓᓂ ᕾᒐᓛᕐᓗᑎᒃ ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᐊᑐᓁᔭ!’

ᐊᑕᓃᑦ ᓯᕗᓪᓖᑦ 1:34

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᐊᑕᓃᑦ ᓯᕗᓪᓖᑦ 1:7

ᑕᕝᕙ ᐅᖃᖃᑎᖃᓕᕐᐳᖅ ᔪᐊᐱᒥᒃ ᔨᕈᐃᐊᐅᑉ ᐃᕐᓂᖓᓂᒃ ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ; ᑖᒃᑯᐊᒃ ᒪᓕᓕᕐᐳᒃ ᐊᑐᓁᔭᒥᒃ ᐃᑲᔪᕐᓗᒍᓗ.

ᓂᕼᐃᒤᐊᐅᑉ ᐊᒡᓚᖏᑦ 6:6

ᐃᒤᓕᐅᕐᑐᓂᒃ: “ᒋᓯᒥᐅᑉ ᐅᖃᐅᑎᓚᐅᕐᒪᖓ ᑐᓴᐅᒪᔭᐅᓕᕋᑦᓯᒎᖅ ᐃᓅᖃᑎᒌᒡᔪᐊᓄᑦ ᖃᓂᑦᑐᓃᑦᑐᓂᑦ, ᐃᓕᑦᓯ ᔫᑎᐅᔪᓯ ᒐᕙᒪᑦᓯᓐᓂᒃ ᐊᑭᕋᕐᑐᕐᓂᐅᓴᒐᑦᓯ, ᑍᒤᓐᓂᑯᖓᓄᑦ ᐊᕙᓗᕐᔪᐊᒥᒃ ᓴᓇᕗᓯ, ᐅᖃᒃᑲᓐᓂᓚᐅᕐᒪᓪᓗ ᐃᓕᖕᓂᒃ ᓇᖕᒥᓂᖅ ᐊᖓᔪᖅᑳᕐᔪᐊᓐᖑᕐᑎᓐᓂᐊᓕᕐᑐᑎᒡᒎᖅ

ᓂᕼᐃᒤᐊᐅᑉ ᐊᒡᓚᖏᑦ 6:8

ᐊᐅᓪᓚᕐᑎᑦᓯᓚᐅᕐᐳᖓ ᑭᒡᒍᓯᓐᓂᒃ ᑖᑦᓱᒧᖓ, ᐅᖃᕐᓯᒪᔪᓂᒃ, “ᐅᖃᐅᓯᑎᑦ ᓇᓪᓕᐊᓪᓘᓐᓃᑦ ᓱᓕᔪᖃᓐᖏᓚᑦ, ᐃᕝᕕᓪᓕ ᓇᖕᒥᓂᖅ ᐃᓱᒪᖕᓂᒃ ᐋᖅᑭᒃᓯᒪᑐᐃᓐᓇᕐᐸᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 23:15

ᑍᒤᒻᒪᑦ ᔫᑎᓄᑦ ᐃᖅᑲᕐᑐᐃᔨᐅᔪᓯ ᐱᖁᔨᓚᐅᕆᑦᓯ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐸᐅᓗᓯ ᓵᑦᓯᓐᓂ ᐊᐱᕐᓱᕈᒪᓂᕋᕐᓗᒍ ᑐᓴᕐᕕᒋᑦᓯᐊᒃᑲᓐᓂᕈᒪᓐᖑᐊᕐᓗᒍᓗ. ᐅᕙᒍᓪᓕ ᐅᐸᓗᖕᒊᕐᓯᒪᓂᐊᕐᐳᒍᑦ ᑐᖁᑦᓱᒪᓪᓗᒍ ᑕᕝᕗᖓ ᑎᑭᓚᐅᖏᓐᓂᖓᓂ.”