ᓂᕼᐃᒤᐊᐅᑉ ᐊᒡᓚᖏᑦ 6:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑭᕋᕐᑐᕐᑎᕗᑦ ᖃᓂᒋᔭᑦᑎᓐᓃᑦᑐᑦ ᑐᓴᕋᒥᒃ ᑕᒪᑐᒥᖓ, ᐃᓅᖃᑎᒌᒡᔪᐊᓕᒫᓪᓗ ᖃᓂᒋᔮᓃᑦᑐᑦ ᑲᑉᐱᐊᓱᓕᓚᐅᕐᐳᑦ ᐃᒻᒥᖕᓂᒡᓗ ᐃᒃᐱᒋᐅᒻᒥᓕᕐᓗᑎᒃ, ᐃᓘᓐᓇᑎᒃ ᖃᐅᔨᓚᐅᕐᒪᑕ ᐱᓇᓱᐊᕐᑕᑦᑎᓐᓂᒃ ᐱᔭᕇᓚᐅᕋᑦᑕ ᒎᑎᐅᑉ ᐃᑲᔪᕐᓂᖓᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 6:16 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 2:10

ᓴᓐᐸᓛᑎᓕ ᕼᐅᕈᓁᑎᒥᐅᑕᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᑕᖅ ᑕᒪᑐᒥᖓ ᑐᓴᕋᒥᒃ ᐊᖏᔪᒥᒃ ᖁᕕᐊᓱᒍᓐᓁᓚᐅᕐᐴᒃ; ᐃᓴᕆᐊᓕᒃᑯᑦ ᒪᑭᑦᔪᑎᒃᓴᖓᓂ ᓴᓇᔭᕐᑐᕋᓱᒋᒃᓯᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 4:1

ᓴᓐᐸᓛᑎᓕ ᑐᓴᕋᒥ ᔫᑎᐅᔪᒍᑦ ᓴᓇᓕᕐᓂᑦᑎᓐᓂᒃ ᐊᕙᓗᕐᔪᐊᒥᒃ, ᓂᓐᖓᐅᒪᓕᓚᐅᕐᐳᖅ ᐱᐅᒃᓴᕈᓐᓁᕐᓗᓂᓗ ᐅᕙᑦᑎᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 4:7

ᓴᓐᐸᓛᑎᓕ, ᑐᐱᐊᓗ ᐃᓄᐃᓪᓗ ᐋᕋᑉᒥᐅᑦ, ᐊᒧᓁᑎᒥᐅᑦ ᐋᔅᑖᑦᒥᐅᓪᓗ ᑐᓴᕋᒥᒃ ᐱᕙᓪᓕᐊᓂᑦᑎᓐᓂᒃ ᐊᕙᓗᕐᔪᐊᓪᓗ ᐱᔭᕇᕐᐸᓪᓕᐊᓂᖓᓂᒃ ᔨᕉᓴᓕᐅᑉ ᐊᕙᓗᕐᔪᐊᖓᑕ, ᓯᖁᒥᓯᒪᓂᖏᓪᓗ ᐊᕙᓗᕐᔪᐊᒦᑦᑐᑦ ᒪᑐᔭᐅᕙᓪᓕᐊᓂᖏᓐᓂᒃ, ᑖᒃᑯᐊ ᓂᓐᖓᐅᒪᒻᒪᕆᓕᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 6:17

ᑍᑦᓱᒪᓂᓕᒫᖅ ᔫᑎᑦ ᓯᕗᓕᕐᑎᖏᑦ ᐅᓄᕐᑐᐃᓱᕐᓗᑎᒃ ᑎᑎᕋᖃᑦᑕᓚᐅᕐᐳᑦ ᑐᐱᐊᒧᑦ, ᑖᑦᓱᒧᖓᓗ ᑎᑎᕋᕐᕕᐅᕙᒃᓗᑎᒃ.

ᐃᓐᖏᕈᑎᑦ 109:27

ᖃᐅᔨᖁᓪᓗᒋᑦ ᐊᒡᒐᖕᓄᑦ ᐱᓇᓱᐊᕋᕕᑦ; ᐊᑕᓃᖅ, ᑕᒪᑐᒥᖓ ᐱᓕᕆᒐᕕᑦ!

ᐃᓐᖏᕈᑎᑦ 126:2

ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.”

ᐃᓐᖏᕈᑎᑦ 129:5

ᓮᐅᓂᒥᒃ ᐆᒥᓱᒃᑐᓕᒫᑦ ᐅᑎᕆᐊᕐᑎᑕᐅᓕᑦ ᑲᓐᖑᓱᓕᕐᓗᑎᒃ.

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᒨᓯᓯ ᐂᑉᐸᖏᑦ 14:25

ᕿᒧᒃᓯᐅᑎᖏᑕᓗ ᐊᒃᓴᓗᐊᖏᑦ ᐊᔪᕐᓯᑦᑕᕐᑎᓕᕐᐰᑦ ᐃᖏᕐᕋᑦᓯᐊᕈᓐᓃᕈᑎᒋᓪᓗᓂᑦᔪᒃ. ᐄᑦᔨᑉᑎᒥᐅᓪᓗ ᐅᖃᕐᐳᑦ, “ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᐅᑎᓕᕐᐰᑦ ᐅᕙᑦᑎᓐᓂᒃ, ᐊᑏ ᕿᒫᖔᓕᕐᑕ ᑕᒫᓐᖓᑦ.”

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᒨᓯᓯ ᓯᑕᒪᖏᑦ 23:23

ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᐋᐴᓯᑕᓖᑦ ᐱᓂᐊᕐᓂᖏᑦ 5:38

ᑍᒫᒃᑕᐅᖅ ᐅᖃᐅᑎᕙᑦᓯ ᒫᓐᓇᐅᔪᒥ, ᐅᑯᐊ ᐊᖑᑎᑦ ᑲᒪᒋᓐᖏᓚᐅᕐᓯᐅᒃ ᑎᒍᓇᓱᐊᕐᓇᒋᓪᓗ; ᑕᒪᓐᓇ ᐱᓇᓱᐊᕐᑕᖓᑦ ᐃᓄᖕᓂᑦ ᐱᑐᐃᓐᓇᕈᓂ, ᓄᖑᑐᐃᓐᓇᕐᓂᐊᕐᐳᖅ.

ᔮᓱᐊᑉ ᐊᒡᓚᖏᑦ 2:11

ᑐᓴᑐᐊᕋᑦᑕᓗ ᑲᑉᐱᐊᓱᓕᓚᐅᕐᐳᒍᑦ, ᓴᐱᓕᕐᓗᑎᒡᓗ ᐊᖑᑎᓕᒫᑦ ᐃᓕᑦᓯᓐᓂᒃ; ᐊᑕᓂᖅ ᒎᑎᓯ ᒎᑎᐅᖕᒪᑦ ᕿᓚᖕᒥᐅᓄᑦ ᓄᓇᕐᔪᐊᕐᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.