ᓂᕼᐃᒤᐊᐅᑉ ᐊᒡᓚᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑐᒃᓯᐊᓚᐅᕐᐳᖓ, “ᒎᑏᒃ, ᐃᖅᑲᐅᒪᒋᑦ ᑐᐱᐊᑉ ᓴᓐᐸᓛᑎᐅᓪᓗ ᐱᓂᐊᕐᓂᕆᔭᖏᖕᓂᒃ ᓱᒋᐊᕐᓗᒋᒡᓗ, ᐃᖅᑲᐅᒪᒍᒃᑕᐅᖅ ᑍᓐᓇ ᐊᕐᓇᖅ ᓄᐊᑎᐊ ᐊᓯᖏᓪᓗ ᐱᔪᒫᕐᑐᓂᒃ ᐅᖃᕐᑎᐅᔪᑦ ᐅᕙᓐᓂᒃ ᑲᑉᐱᐊᓱᒃᑎᑦᓯᓇᓱᐊᓚᐅᕐᑐᑦ.”

ᓂᕼᐃᒤᐊᐅᑉ ᐊᒡᓚᖏᑦ 6:14 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:29

ᒎᑎᒐ ᐃᖅᑲᐅᒪᒃᑭᑦ, ᑐᓂᕐᕈᓯᕐᑎᑦᓯᔨᓂᒃ ᓇᕐᕈᓇᕐᓯᑎᑦᓯᖕᒪᑕ; ᐊᖏᖃᑎᒌᒍᑎᒋᓯᒪᔭᓕᒫᖏᓐᓂᒡᓗ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 5:19

ᒎᑏᒃ, ᐃᖅᑲᐅᒪᓂᐊᕐᐸᕐᒪ ᐱᑦᓯᐊᕐᓯᒪᓂᓐᓂᒃ, ᐱᓂᐊᕐᓂᕆᓯᒪᔭᓕᒫᓐᓂᒡᓗ ᐅᑯᓄᖓ ᐃᓄᖕᓄᑦ.

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 22:1

ᒎᑎᒐ, ᒎᑎᒐ, ᓲᖅ ᕿᒪᒃᐱᖔ? ᓲᖅ ᐃᑲᔪᕐᓃᑦ ᐅᖓᓯᒃᐸ ᐅᕙᓐᓂᑦ? ᓂᐹᓂᕐᒪᓗ ᑐᓴᕐᓴᐅᓂᖓᓂᑦ?

ᐃᓐᖏᕈᑎᑦ 63:1

ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.

ᒨᓯᓯ ᐂᑉᐸᖏᑦ 15:20

ᑕᕝᕙ ᒥᕆᐊᒻ, ᐊᕐᓇᖅ ᒎᑎᒧᑦ ᐅᖃᕐᑎᐅᔪᖅ, ᐂᕉᓂᐅᑉ ᓇᔭᖓ, ᐊᕕᓗᕋᐅᑎᒥᒃ ᑎᒍᓯᓪᓗᓂ; ᐊᕐᓇᓕᒫᓄᑦ ᒪᓕᒃᑕᐅᓪᓗᓂ ᐊᕕᓗᕋᐅᑎᖃᕐᓗᑎᒃ ᑖᓂᓯᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:15

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 28:1

ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑕᖅᑮᑦ ᑕᓪᓕᒪᖓᓐᓂ ᐊᕐᕌᒍᐃᑦ ᓯᑕᒪᒋᓕᕐᑕᖓᓐᓂ, ᔨᑎᑬᐊ ᐊᖓᔪᖅᑳᕐᔪᐊᖑᓕᓵᕐᑎᓪᓗᒍ ᔫᑕᒥ, ᐱᔪᖃᓛᕐᑐᒥᒃ ᐅᖃᕐᑎ ᕼᐊᓇᓁᐊ ᐊᔾᔪᕆᐅᑉ ᐃᕐᓂᖓ ᒋᐱᐅᓂᒥᐅᑕᖅ ᐅᕙᓐᓄᑦ ᐅᖃᕐᐳᖅ ᐊᑕᓂᐅᑉ ᐃᒡᓗᖓᓂ ᑐᓂᕐᕈᓯᕐᑎᑦᓯᔩᑦ ᐃᓄᐃᓪᓗ ᑐᓵᑎᓪᓗᒋᑦ,

ᔨᕆᒤᐊᐅᑉ ᐊᒡᓚᖏᑦ 28:10

ᕼᐊᓇᓁᐊᐅᓪᓗ ᔨᕆᒤᐊᐅᑉ ᐊᓄᓯᒪᐅᑎᖓ ᕿᔪᒃ ᖁᖓᓯᖓᓂᑦ ᐲᕐᓗᓂᐅᒃ ᓱᕋᒃᐹ.

ᔨᕆᒤᐊᐅᑉ ᐊᒡᓚᖏᑦ 28:15

ᔨᕆᒤᐊᐅᑉ ᕼᐊᓇᓁᐊ ᐅᖃᐅᑎᕚ, “ᕼᐊᓇᓁᐊ, ᐊᑕᓂᕐᒧᑦ ᑎᓕᔭᐅᓯᒪᓇᑎᑦ ᐃᓅᖃᑎᒌᒡᔪᐊᓂᒃ ᓱᓕᖏᑦᑐᒥᒃ ᐅᒃᐱᕆᔭᐅᓕᕐᑎᑦᓯᒐᕕᑦ.”

ᒫᑎᐅᓯᐅᑉ ᐊᒡᓚᖏᑦ 24:11

ᓇᓚᐅᑍᔪᓐᖑᐊᕐᑐᑦ ᓱᓕᖏᑦᑐᑦ ᓴᖅᑭᑦᓱᒫᕐᐳᖅ ᐅᓄᕐᑐᓪᓗ ᑕᒻᒪᕐᑎᑦᓱᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᑎᒧᑎᒧᑦ ᐂᑉᐸᖏᑦ 3:8

ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

ᔪᐊᓇᓯ ᓯᕗᓪᓖᑦ 5:16

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐊᔪᕐᑐᓕᑎᓪᓗᒍ ᑕᑯᔪᖅ ᐊᔪᕐᑐᓕᖏᑉᐸᑦ ᑐᖁᓐᓇᕐᑐᒥᒃ, ᑍᒤᑐᖅ ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᒎᑎᐅᓪᓗ ᐃᓅᓯᕐᒥᒃ ᑐᓂᓯᕕᒋᓂᐊᕐᐹ ᑐᖁᓐᓇᕐᑐᒥᒃ ᐊᔪᕐᑐᓕᖏᑉᐸᑦ. ᐊᔪᕐᑐᓕᓂᕐᑕᖃᕐᐳᖅ ᑐᕌᕐᑐᒥ ᑐᖁᒧᑦ; ᑍᒤᑦᑐᒥᒡᓕ ᑐᒃᓯᐅᑦᔭᐅᖁᔨᓗᖓ ᐅᖃᓐᖏᓚᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.